Maa Oori Polimera 2 : 2021లో నేరుగా డిస్నీ ప్లస్ హాట్ స్టార్(Disney Plus Hotstar) లో రిలీజైన రూరల్ బ్యాక్ గ్రౌండ్ థ్రిల్లర్ మూవీ 'మా ఊరి పొలిమేర (Ma Oori Polimera)' ఫస్ట్ పార్ట్ కు విపరీతమైన స్పందన వచ్చిన విషయం తెలిసిందే. ఇప్పుడు రెండో పార్ట్ పై దృష్టి పెట్టిన దర్శక నిర్మాతలు.. ఇటీవలే ఈ సినిమాకు సంబంధించి ఫస్ట్ లుక్ ను కూడా రివీల్ చేశారు. ఇక తాజాగా ఈ సినిమాలో నటించిన కామాక్షి భాస్కర్ల(Kamakshi Bhaskarla) పుట్టినరోజు సందర్భంగా.. హీరో బాలాదిత్య(Balaaditya) ఆమెకు పుట్టినరోజు శుభాకాంక్షలు తెలియజేశారు.
ఇన్ స్టాగ్రామ్ లో పోస్ట్ చేసిన బాలాదిత్య.. కామాక్షి భాస్కర్లకు బర్త్ డే విషెస్ చెప్పారు. మంచి ఆరోగ్యం, భవిష్యత్ ఉండాలని కోరుకుంటున్నానని తెలియజేస్తూ ఓ పోస్టర్ ను కూడా షేర్ చేశారు. ఇది 'పొలిమేర 2' సినిమాకు సంబంధించింది. ఈ నేపథ్యంలో ఈ చిత్రంలో కామాక్షి పేరైన 'లచిమి' అనే పాత్రను ప్రస్తావిస్తూ కామాక్షి, తాను కలిసి ఉన్న సినిమాలోని ఓ సన్నివేశాన్ని తెలిపే ఫొటోను పంచుకున్నారు. ఈ ఫొటోకు మరో పక్క కామాక్షి గట్టిగా అరుస్తున్నట్టు కనిపించింది. అంతే కాకుండా ఫొటోకు కింది భాగంలో హ్యాపీ బర్త్ డే లచిమి కామాక్షి భాస్కర్ల అని ఉండగా.. దాని కిందే 'మా ఊరి పొలిమేర 2' అని మూవీ టైటిల్ ఉంది. అత్యంత ఆసక్తిని రేకెత్తిస్తోన్న ఈ పోస్టర్ ఇప్పుడు సినీ ప్రేక్షకులను విపరీతంగా ఆకట్టుకుంటోంది.
ఇక 'మా ఊరి పొలిమేర 2' సినిమా విషయానికొస్తే.. ఈ మూవీలో సత్యం రాజేష్, డా. కామాక్షి భాస్కర్ల, గెటప్ శ్రీను, బాలాదిత్య, రవివర్మ, చిత్రమ్ నటించారు. శ్రీను, అక్షత శ్రీనివాస్‌ ప్రధాన పాత్రలు పోషించారు. ఈ సినిమాకు డాక్టర్ అనిల్ విశ్వనాథ్‌ దర్శకత్వం వహించగా, నిర్మతగా గౌరీకృష్ణ వ్యవహరించారు. శ్రీ కృష్ణ క్రియేషన్స్‌పై గౌర్ క్రిస్నా నిర్మించిన ఈ చిత్రాన్ని ఉత్తరాఖండ్, కేరళ, ఆంధ్రప్రదేశ్, ఖమ్మం, హైదరాబాద్‌లోని అనేక సుందరమైన ప్రదేశాలలో చిత్రీకరించారు. మా ఊరి పొలిమేర 2 షూటింగ్ 2022లో ప్రారంభం కాగా.. మూవీ చిత్రీకరణ పూర్తయినట్లు ఇటీవలే చిత్ర నిర్మాతలు ధృవీకరించారు.
'మా ఊరి పొలిమేర 2' మొదటి భాగం కంటే రాబోయే రెండో భాగం మరింత ఉత్కంఠభరితంగా ఉండనున్నట్టు తెలుస్తోంది. సినిమా విడుదలకు సిద్ధమవుతున్న తరుణంలో మేకర్స్ ప్రమోషన్ కార్యక్రమాలను ఇప్పటికే ముమ్మరం చేశారు. ఇదిలా ఉండగా ఈ సినిమాకు సంబంధించి ఫస్ట్ లుక్ ను ఈ ఏడాది మే లో రిలీజ్ చేశారు. మంటల మధ్యలో ఓ వ్యక్తి అటుగా తిరిగి నమస్కరిస్తుండగా.. అతని తలపై నుంచి రక్తం ప్రవహించడం సినిమాపై మరింత ఆసక్తిని కలిగిస్తోంది.
Read Also : Comedian Sudhakar: చిరంజీవి తర్వాత పవన్ కల్యాణ్‌కు అన్నయ్య నేనే! ఆయనతో ఎలాంటి గొడవలు లేవు: కమెడియన్ సుధాకర్!