Ayan Mukerji Remuneration: ఎన్టీఆర్, హృతిక్ రోషన్‌ల ‘వార్-2’ మూవీ దర్శకుడికి భారీ రెమ్యునరేషన్ - హీరోలను మించిపోయాడే!

బాలీవుడ్ ప్రముఖ దర్శకుడు అయాన్ ముఖర్జీ తెరకెక్కిస్తున్న తాజా చిత్రం ‘వార్ 2’. YRF బ్యానర్ లో రూపొందుతున్న ఈ సినిమా కోసం ఆయన భారీగా రెమ్యునరేషన్ తీసుకుంటున్నారట.

బాలీవుడ్ దర్శకుడు అయాన్ ముఖర్జీ వరుస సినిమాలతో ఫుల్ బిజీ అయ్యారు. ధర్మ ప్రొడక్షన్స్ నుంచి బయకు వచ్చిన ఆయనకు ప్రముఖ చిత్ర నిర్మాణ సంస్థల నుంచి ఆఫర్లు వెల్లువెత్తుతున్నాయి. తాజాగా బాలీవుడ్ స్టార్ హీరో హృతిక్ రోషన్, పాన్ ఇండియన్ స్టార్ జూ. ఎన్టీఆర్ తో కలిసి ‘వార్ 2’ చిత్రాన్ని తెరకెక్కిస్తున్నారు. YRF స్పై యూనివర్స్ బ్యానర్ మీద ఆదిత్య చోప్రా ఈ చిత్రాన్ని ప్రతిష్టాత్మకంగా నిర్మిస్తున్నారు.

  

‘వార్ 2’ భారీగా రెమ్యునరేషన్ తీసుకుంటున్న అయాన్

ఈ సినిమా కోసం ప్రముఖ హాలీవుడ్ టెక్నీషియన్స్ సహకారం తీసుకుంటున్నారు అయాన్ ముఖర్జీ. ‘వార్‘ సినిమాకు సీక్వెల్ గా వస్తున్న  ఈ చిత్రాన్ని విజువల్ వండర్ గా రూపొందించే ప్రయత్నం చేస్తున్నారు. ఇప్పటికే సినిమాకు సంబంధించిన ప్రీ ప్రొడక్షన్ పనులు సైతం మొదలు పెట్టినట్లు తెలుస్తోంది. నవంబర్ లో సెట్స్ మీదకు వెళ్లనున్న ఈ చిత్రానికి సంబంధించి ఓ కీలక అప్ డేట్ సినీ సర్కిల్స్ లో చక్కర్లు కొడుతోంది. ఈ సినిమా కోసం అయాన్ ముఖర్జీ భారీ మొత్తంలో రెమ్యునరేషన్ తీసుకుంటున్నారట. ‘వార్ 2’కు దర్శకత్వం వహించినందుకు గాను ఏకంగా రూ. 32 కోట్లు అందుకోనున్నారట. 2024 చివరి నాటికి లేదంటే 2025 ప్రారంభంలో ఈ సినిమాను విడుదల చేయాలని చిత్ర నిర్మాణ సంస్థ ప్రణాళికలు సిద్ధం చేస్తోంది. ‘ఏక్ థా టైగర్’, ‘టైగర్ జిందా హై’, ‘వార్’, ‘పఠాన్’, ‘టైగర్ 3’ తర్వాత YRF స్పై యూనివర్స్‌ లో ఆరవ చిత్రంగా ‘వార్ 2’ రూపొందుతోంది. అంతేకాదు, ‘వార్ 2’ కోసం రూ. 32 కోట్లు వసూళు చేసిన అయాన్ ముఖర్జీ,  YRF క్యాంప్ లో సిద్ధార్థ్ ఆనంద్ తర్వాత అత్యధిక పారితోషికం తీసుకునే దర్శకుల్లో ఒకరిగా నిలిచారు.

సెప్టెంబర్ లో షూటింగ్ షురూ

‘వార్ 2’ చిత్రంలో హీరోగా హృతిక్ రోషన్ నటిస్తుండగా, నెగెటివ్ రోల్ లో ఎన్టీఆర్ కనిపించనున్నారు. 'వార్' సినిమాలో  హృతిక్ రోషన్, టైగర్ ష్రాఫ్ హీరోలుగా నటించారు. సినిమాలో ఇద్దరి మధ్య భారీ యాక్షన్ సీక్వెన్సులు ఉన్నాయి. ఇద్దరూ పోటా పోటీగా నటించారు. చివరకు, టైగర్ ష్రాఫ్ క్యారెక్టర్ మరణించినట్టు చూపించారు. ఆ సినిమాకు సీక్వెల్ గా వస్తున్న ఈ చిత్రంలో యంగ్ టైగర్ ఎన్టీఆర్ నటిస్తున్నారు. 'వార్' సినిమాకు సిద్దార్థ్ ఆనంద్ దర్శకత్వం వహించగా, 'వార్ 2'కి అయాన్ ముఖర్జీ దర్శకత్వం వహిస్తున్నారు. కొరటాల శివ దర్శకత్వంలో ఎన్టీఆర్ ఓ సినిమా చేస్తున్నారు. ఈ సినిమా తర్వాత 'వార్ 2'లో నటించనున్నారు. ఈ సినిమా షూటింగ్ కంప్లీట్ అయ్యాయ,  'KGF’ ఫేమ్ ప్రశాంత్ నీల్ దర్శకత్వంలో ఓ సినిమా చేయనున్నారు.