పవర్ స్టార్ పవన్ కల్యాణ్ హీరోగా 'సాహో' ఫేమ్ సుజీత్ దర్శకత్వంలో రూపొందుతున్న సినిమా 'ఓజీ - ఒరిజినల్ గ్యాంగ్ స్టర్'.  డీవీవీ ఎంటర్‌టైన్‌మెంట్ పతాకంపై డీవీవీ దానయ్య నిర్మిస్తున్నారు. శ్రీమతి పార్వతి చిత్ర సమర్పకురాలు. 'ఆర్ఆర్ఆర్ : రౌద్రం రణం రుధిరం' తర్వాత దానయ్య నిర్మిస్తున్న చిత్రం ఇదే కావడం విశేషం.  భారీ యాక్షన్ డ్రామాగా ఈ సినిమా తెరకెక్కుతోంది. ఈ మూవీ కోసం పవన్ అభిమానులు ఆసక్తిగా ఎదురు చూస్తున్నారు.  ఈ సినిమా షూటింగ్ శరవేగంగా కొనసాగుతోంది.  


‘OG’ సినిమాలో కోలీవుడ్ హీరో కీలక పాత్ర


తాజాగా ఈ సినిమాకు సంబంధించి అదిరిపోయే అప్ డేట్ వచ్చింది. ఈ సినిమాలో  కోలీవుడ్ స్టార్ హీరో అర్జున్ దాస్ కూడా నటించబోతున్నారని కొంత కాలంగా వార్తలు వినిపిస్తున్నాయి. తాజాగా ఈ రూమర్స్ పై మేకర్స్ అఫీషియల్ ప్రకటన చేశారు.  ఈ చిత్రంలో కోలీవుడ్ యంగ్ హీరో ఉన్నాడని కన్ఫర్మ్ చేశారు. ఈ మేరకు సోషల్ మీడియా వేదికగా చిత్ర నిర్మాణ సంస్ధ అర్జున్ దాస్ ను సినిమాలోకి ఆహ్వానిస్తూ ఓ పోస్టర్ ను షేర్ చేసింది.


కోలీవుడ్ స్టార్ అర్జున్ దాస్ ‘ఖైదీ’, ‘మాస్టర్’, ‘విక్రమ్’ లాంటి సూపర్  హిట్ చిత్రాల్లో కీలక పాత్రలు పోషించారు. అర్జున్‌‌‌‌ దాస్‌‌‌‌కి తెలుగులోనూ మంచి గుర్తింపు ఉంది. ఇటీవల ‘బుట్టబొమ్మ’ అనే స్ట్రయిట్ తెలుగు మూవీ చేశాడు. తాజాగా  క్రేజీ ప్రాజెక్టు ‘OG’లో జాయిన్ అవుతున్నాడు. “తాజాగా నేను హైదరాబాద్ లో ల్యాండ్ అయ్యాను. ‘OG’ సెట్స్ లో మూవీ టీమ్ తో మీట్ అయ్యాను. పవన్ కల్యాణ్ గారితో మీటింగ్ పట్ల చాలా హ్యాపీగా ఉన్నాను. చాలా మంది నన్ను ‘OG’లో ఉన్నారా? అని అడుగుతున్నారు. ఇప్పుడు నేను అధికారికంగా చెప్తున్నాను. అవును. నేను ‘OG’లో ఉన్నాను. ఈ సినిమాలో అవకాశం కల్పించిన సుజీత్ గారికి, దానయ్య గారికి, పవన్ కల్యాణ్ గారికి ధన్యవాదాలు!” అని అర్జున్ దాస్ వెల్లడించారు.  






హైదరాబాద్ పరిసరాల్లో కొనసాగుతున్న‘OG’ షూటింగ్


ప్రస్తుతం ‘OG’ సినిమాకు సంబంధించిన  థర్డ్ షెడ్యూల్ షూటింగ్ కొనసాగుతోంది.  హైదరాబాద్‌ పరిసన ప్రాంతాల్లో ఈ షూటింగ్ నిర్వహిస్తున్నారు.  పవన్ కల్యాణ్‌‌‌‌తో సహా మిగిలిన టీమ్ అంతా ఈ షెడ్యూల్‌‌‌‌లో పాల్గొంటున్నారు. అర్జున్ దాస్ కూడా షూటింగ్‌‌‌‌లో జాయిన్ అయ్యాడు. ప్రియాంక అరుళ్ మోహన్ హీరోయిన్‌‌‌‌గా నటిస్తోంది. డీవీవీ దానయ్య నిర్మిస్తున్నారు.  తమన్ సంగీతం అందిస్తున్నాడు. పవన్ కల్యాణ్ హీరోగా డీవీవీ సంస్థలో రెండో చిత్రమిది. ఇంతకు ముందు 'కెమెరామెన్ గంగతో రాంబాబు' సినిమా నిర్మించారు. పదేళ్ళ తర్వాత మళ్ళీ పవన్‌ తో సినిమా చేస్తుండటం విశేషం. పవన్ ఇతర సినిమాల విషయానికి వస్తే క్రిష్ జాగర్లమూడి దర్శకత్వంలో 'హరిహర వీరమల్లు', హరీష్ శంకర్ దర్శకత్వంలో 'ఉస్తాద్ భగత్ సింగ్', సముద్ర ఖని దర్శకత్వంలో ‘బ్రో’ అనే సినిమా చేస్తున్నారు.