Arbaaz Khan React on Trolls: బాలీవుడ్‌ భాయిజాన్‌ సల్మాన్‌ ఖాన్‌ సోదరుడు, నటుడు ఆర్భాజ్‌ ఖాన్‌ తాజాగా ట్రోల్స్‌పై స్పందించాడు. ఈ మధ్యే ఆర్భాజ్‌ రెండో పెళ్లి చేసుకున్న సంగతి తెలిసిందే. 1998 నటి మలైకా ఆరోరాను పెళ్లి చేసుకున్న ఆర్భాజ్‌ 2017లో ఆమెకు విడాకులు ఇచ్చాడు. దాదాపు 20 ఏళ్లు కలిసున్న ఈ జంట విడిపోవడం అందరిని షాక్‌ గురి చేసింది. మలైకాలో ఇలా విడాకులు ఆయ్యాయో లేదో మోడల్‌ జార్జీయా ఆండ్రియాతో డేటింగ్‌ చేశాడు.రెండేళ్ల రిలేషన్‌లో ఉన్న ఈ జంట గతేడాది విడిపోయారు.
ఆ వెంటనే అర్భాజ్‌ మేకప్‌ ఆర్టిస్ట్‌ షురా ఖాన్‌ను రెండో పెళ్లి చేసుకుని అందరిని సర్‌ప్రైజ్‌ చేశాడు. ఇరు కుటుంబ సభ్యులు, బంధువుల సమక్షంలో వీరి పెళ్లి చాలా గ్రాండ్‌గా జరిగింది. పెళ్లి అనంతరం భార్యతో కలిసి అర్భాజ్‌ డిన్నర్‌, లంచ్‌ అంటూ ముంబైలో చక్కర్లు కొడుతున్నాడు. ఇటీవల ఈ జంట హనీమూన్‌కు కూడా వెళ్లోచ్చింది. అంతేకాదు రీసెంట్‌గా షురా తన బర్త్‌డేను భర్తతో హ్యాపీ జరుపుకుంది. అయితే అర్భాజ్‌ ఖాన్‌ రెండో పెళ్లి చేసుకున్నప్పటి నుంచి అతడిపై ట్రోల్స్‌ వస్తూనే ఉన్నాయి. దానికి కారణం అర్భాజ్‌ కంటే షురా ఖాన్‌ చాలా చిన్నది. వీరిద్దరి మధ్య కనీసం 20 ఏళ్ల గ్యాప్‌ ఉంటుందంటున్నారు.
Also Read: 'నన్ను నమ్మండి.. ఇది చాలా పెయిన్‌ఫుల్‌' అంటూ వీడియో షేర్‌ చేసిన 'జగతి' మేడమ్‌
తనేం 16 ఏళ్ల అమ్మాయి కాదు..
అయితే తనకంటే చాలా చిన్న అమ్మాయిని పెళ్లి చేసుకోవడంతో అర్భాజ్‌పై విమర్శలు వస్తున్నాయి. ఈ వయసులో రెండో పెళ్లి అవసరమా? చూస్తుంటే ఆ అమ్మాయి చాలా చిన్నదిగా కనిపిస్తోందంటూ అతడిని ట్రోల్‌ చేస్తున్నారు. తాజాగా వీటిపై ఆర్భాజ్‌ స్పందించాడు. "నా భార్య నా కంటే చాలా చిన్నదే కావచ్చు. కానీ తనేం ఇంకా 16 ఏళ్ల అమ్మాయి మాత్రం కాదు. తనకు ఏం కావాలి? ఏం వద్దు అనేది విషయాలపై తనకో స్పష్టత ఉంది. అలాగే నాకు నా లైఫ్‌ ఏం అవసరం, ఏం చేయాలి అనేది కూడా నాకు తెలుసు. మేమిద్దరం ఏడాది పాటు ఒకరి గురించి ఒకరం తెలుసుకున్నాం. మాకు ఏం కావాలి? భవిష్యత్తులో ఎలా ఉండాలనేది మాకు తెలుసు. అన్ని ఆలోచించే ఈ నిర్ణయం తీసుకున్నాం" అంటూ చెప్పుకొచ్చాడు.
నాకు వయసు దాచాల్సిన అవసరం లేదు
అలాగే వయసు దాచి పెళ్లి చేసుకున్నాడా? అనే ప్రశ్నలపై కూడా క్లారిటీ ఇచ్చాడు. ఈ మేరకు అతడు మాట్లాడుతూ.. చాలా మంది మా ఏజ్‌ గ్యాప్‌ గురించి మాట్లాడుతున్నారని, నేను తన వయసు దాచి తనని పెళ్లి చేసుకున్నానంటూ కామెంట్స్ చేస్తున్నారు. అలాంటిదేం లేదు. నేనేమి నా వయసు దాచిపెట్టలేదు. ఇద్దరికి ఒకరి గురించి ఒకరికి అన్ని తెలుసు. మా నిర్ణయం ఏంటనే పూర్తి స్పష్టతోనే ఈ అడుగు వేశాం. ఒకే వయసులో ఉన్న ఇద్దరూ పెళ్లి చేసుకుని కలిసి ఉండవచ్చు లేదంటే ఏడాదికే విడిపోవచ్చు. కాబట్టి ప్రేమకు, బంధానికి వయసుతో పనిలేదు. ఇంకా చెప్పాలంటే వయసు వ్యత్యాసం ఎక్కువగా ఉన్న జంటలే ఎక్కువకాలం కలిసి ఉంటారు. ఇప్పటికే ఇది రుజువైంది కూడా. అలాంటి జంటల సక్సెస్‌ రేటే ఎక్కువ ఉంది" అని సమాధానం ఇచ్చాడు.