Anchor Vishnu Priya About Bigg Boss: ప్రేక్షకులు ఎప్పుడెప్పుడా అని ఎదురు చూసిన బిగ్ బాస్ రియాలిటీ షో ప్రారంభం అయ్యింది. సెప్టెంబర్ 1న అట్టహాసంగా ఏడు జంటలను బిగ్ బాస్ హౌస్ లోకి పంపించాడు హోస్ట్ నాగార్జున. గత సీజన్లలో కొంత మంది సింగిల్ గా, మరికొంత మంది జంటగా హౌస్ లోకి అడుగు పెట్టగా, ఈసారి బడ్డీలు అంటూ జంటలు జంటలుగా పంపించారు. మొత్తంగా 14 మంది 7 జంటలుగా హౌస్ లోకి అడుగు పెట్టారు. గతంలో పోల్చితే అన్ లిమిటెడ్ ఎంటర్ టైన్మెంట్ ఉంటుందని నాగ్ ప్రేక్షకులలో మంచి జోష్ నింపారు. 100 రోజుల పాటు బిగ్ బాస్ షో ప్రేక్షకులకు ఓ రేంజిలో వినోదాన్ని పంచనుంది.
ఇక హౌస్ లోకి ఎంట్రీ ఇచ్చిన కంటెస్టెంట్లలో చాలా మంది ప్రేక్షకులకు తెలియని వాళ్లే ఉన్నారు. ఇప్పటి వరకు వాళ్లు ఎవరో పెద్దగా తెలియకపోయినా, హౌస్ లో మంచి ఆటతీరుతో బాగా పాపులర్ అయ్యే అవకాశం ఉందంటున్నారు నెటిజన్లు. అయితే, బిగ్ బాస్ హౌస్ లోకి వెళ్లిన కంటెస్టెంట్లలో యాంకర్ విష్ణు ప్రియ మాత్రమే ప్రేక్షకులకు బాగా పరిచయం. ఈ సీజన్ లో తన అందచందాలతో పాటు ప్రేక్షకులకు మంచి వినోదాన్ని అందిస్తుందని అందరూ భావిస్తున్నారు. ఆమె ఆటతీరు ఎలా ఉంటుందోనని అందరూ ఆలోచిస్తున్నారు.
బిగ్ బాస్ షోపై విష్ణు ప్రియ షాకింగ్ కామెంట్స్
ప్రస్తుతం విష్ణు ప్రియ బిగ్ బాస్ హౌస్ లో ఎలా ఆడుతుంది అనే విషయాన్ని పక్కన పెడితే, గతంలో బిగ్ బాస్ గురించి ఆమె చేసిన కామెంట్స్ నెట్టింట వైరల్ అవుతున్నాయి. ఒకప్పుడు ఈ షో గురించి సీరియస్ కామెంట్స్ చేసిన ఆమె, ఇప్పుడు అదే హౌస్ లోకి వెళ్లడం పట్ల నెటిజన్లు ఓ రేంజిలో ట్రోల్ చేస్తున్నారు. ఇంతకీ విష్ణు ప్రియ గతంలో ‘బిగ్ బాస్’ గురించి ఏమన్నదంటే.. “ఎన్ని కోట్లు ఇచ్చినా బిగ్ బాస్ షోకు వెళ్లను. బయట ప్రపంచం చాలా అందంగా ఉంటుంది. అలాంటప్పుడు ఒక హౌస్ లో ఎందుకు ఉండాలి? మన ఇంట్లో వాళ్లుంటారు. వాళ్లను చూసుకోవాలి. నేను బిగ్ బాస్ పర్సన్ ను కాదు. నేను ఆ షోను ఎప్పుడు చూడలేదు. నేను ఆ షోను అస్సలు ఎంకరేజ్ చేయను. నేను ఎప్పుడూ ఆ షోలోకి వెళ్లను. కావాలంటే రాసిస్తా” అంటూ ఆమె చేసిన కామెంట్స్ నెట్టింట వైరల్ అవుతున్నాయి.
విష్ణు ప్రియను ఓ రేంజిలో ట్రోల్ చేస్తున్న నెటిజన్లు
ఒకప్పుడు బిగ్ బాస్ లోకి ఎప్పుడు వెళ్లను అని తెగేసి చెప్పిన విష్ణుప్రియ.. ఇప్పుడు ఎందుకు వెళ్లిందంటూ నెటిజన్లు ఆగ్రహం వ్యక్తం చేస్తున్నారు. కోట్లు ఇచ్చినా పోనని చెప్పిన ఆమె, ఇప్పుడు అదే డబ్బు కోసం వెళ్లిందా? అంటూ ట్రోల్ చేస్తున్నారు. మొత్తంగా విష్ణు ప్రియ పాత వీడియోను షేర్ చేస్తూ నెటిజన్లు విమర్శలు గుప్పిస్తున్నారు.