అల్లు ఫ్యామిలీ ఇటలీకి వెళ్లింది. వరుణ్ తేజ్, లావణ్య పెళ్లి కోసం వెళ్లిన అల్లు అర్జున్, స్నేహ వారి పిల్లలు అయాన్, అర్హ ఇప్పటికే అక్కడికి చేరుకున్నారు. ఆదివారం సాయంత్రం హైదరాబాద్ ఎయిర్ పోర్టు నుంచి ఇటలీకి బయల్దేరారు. బన్నీ ఫ్యామిలీ ఇవాళ పెళ్లి జరిగే టుస్కానికి వెళ్తుంది. ఇప్పటికే మెగా ఫ్యామిలీతో పాటు అల్లు, కామినేని కుటుంబాలు కూడా పెళ్లి కోసం ఇటలీకి చేరుకున్నాయి.
రోమ్ లో బన్నీ, స్నేహా రొమాన్స్
అల్లు అర్జున్, స్నేహ తరుచుగా అభిమానులతో చక్కటి ఫోటోలు షేర్ చేసుకుంటారు. ఇద్దరూ అన్యోన్యంగా కనిపిస్తూ రొమాంటిక్ ఫోటోలతో అలరిస్తారు. తమ ఫోటోలతో పాటు తమ పిల్లల ఫోటోల, వీడియోలను సైతం సోషల్ మీడియాలో షేర్ చేస్తుంటారు. తాజాగా రోమ్ పర్యటనకు సంబంధించిన ఫోటోలను కూడా స్నేహ పంచుకున్నారు. చక్కటి ఫోటోలను ఇన్ స్టా స్టోరీగా పెట్టింది. వీటిలోని చారిత్రక నిర్మాణాల ఫోటోలు అందరినీ ఆకట్టుకుంటున్నాయి. ఇక అల్లు అర్జున్, స్నేహను ప్రేమగా కౌగిలించుకున్న ఫోటో హైలెట్ గా ఉంది. పెళ్లికి సమయం ఉండటంతో బన్నీ తన భార్య, పిల్లలతో కలిసి పర్యాటక ప్రదేశాలకు వెళ్లారు. ఈ చిన్న వెకేషన్ ను కుటుంబంతో కలిసి ఎంజాయ్ చేస్తున్నారు. ఇక ఈ ఫోటోల్లో స్నేహ జిమ్ కు వెళ్లడంతో పాటు ఇష్టమైన ఐస్ క్రీమ్ తింటూ ఆహ్లాదంగా గడుపుతున్నట్లు అర్థం అవుతోంది. కొన్ని స్థానిక రుచికరమైన వంటకాలను కూడా ఆస్వాదించింది.
ఒకే ఫ్రేమ్ లో కొణిదెల, కామినేని కుటుంబాలు
ఈ వివాహ వేడుకల కోసం కొణిదెల, కామినేని కుటుంబాలు కూడా ఇటలీకి చేరుకున్నారు. ఈ సందర్భంగా ఇటలీలోని పలు పర్యాటక ప్రాంతాల్లో హ్యాపీగా జాలీగా ఎంజాయ్ చేస్తున్నారు. రామ్‌ చరణ్, ఉపాసన, చిరంజీవి, ఆయన సతీమణితో పాటు ఇతర కుటుంబ సభ్యులు అందమైన ప్రదేశాల్లో విహరిస్తున్నారు. తాజాగా అందరూ కలిసి టుస్కానీలో ఓ గ్రూప్ ఫోటో తీసుకున్నారు. ఈ ఫోటోను ఉపాసన తన ఇన్‌స్టా వేదికగా అభిమానులతో పంచుకున్నారు.
వరుణ్ తేజ్- లావణ్య వివాహం
ఇక నవంబర్ 1న ఇటలీ టుస్కానిలోని అత్యంత అద్భుతమైన బోర్గో శాన్ ఫెలిస్ రిసార్ట్‌ లో వరుణ్ తేజ్, లావణ్య త్రిపాఠి వివాహం జరగనుంది. ఈ రోజు కాక్‌ టెయిల్ పార్టీతో పెళ్లి వేడుకలు మొదలుకానున్నాయి. అటు మెహందీ, హల్దీ వేడుకలు అక్టోబర్ 31న జరుగుతాయి. సినీ ఇండస్ట్రీ, ప్రముఖుల కోసం నవంబర్ 5న హైదరాబాద్‌లో రిసెప్షన్‌ నిర్వహించనున్నారు. మాదాపూర్‌ ఎన్‌ కన్వెన్షన్‌ లో ఈ వేడుక జరగనుంది. వరుణ్ తేజ్, లావణ్య త్రిపాఠి నిశ్చితార్థం గత జూన్ లో జరిగింది. కుటుంబ సభ్యులు, బంధుమిత్రుల సమక్షంలో ఈ వేడుకను నిర్వహించారు.
Read Also: ఎక్స్‌పోజ్‌ చేయడం అంత ఈజీ కాదు, నెటిజన్‌కు అనసూయ దిమ్మతిరిగే సమాధానం
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial