ఐకాన్ స్టార్ అల్లు అర్జున్(Allu Arjun) ప్రస్తుతం బ్రేక్ మోడ్ లో ఉన్నారు. 'పుష్ప'(Pushpa) సినిమా తరువాత బన్నీ తన ఫ్యామిలీతో కలిసి సమయం గడుపుతున్నారు. భార్యా, పిల్లలతో వెకేషన్ కి వెళ్లారు. రీసెంట్ గా ఇండియా తిరిగొచ్చారు. వచ్చిన వెంటనే ఓ యాడ్ షూట్ కోసం థాయిలాండ్ కి వెళ్లారు బన్నీ. ఒక సాఫ్ట్ డ్రింక్ కి సంబంధించిన యాడ్ లో పాల్గొన్నారు. ఇక రీసెంట్ గా త్రివిక్రమ్ తో కలిసి మరో యాడ్ షూటింగ్ లో పాల్గొన్నారు బన్నీ.
ఇప్పుడు ఓ పైప్స్ కంపెనీకి కూడా బ్రాండ్ అంబాసిడర్ గా మారారు బన్నీ. తాజాగా దీనికి సంబంధించిన యాడ్ షూటింగ్ ను నిర్వహించారు. దీన్ని హరీష్ శంకర్ డైరెక్ట్ చేశారు. ఈ యాడ్ షూట్ లో బన్నీ లుక్ వేరే లెవెల్ లో ఉండబోతుంది. దీనికి సంబంధించిన ఫొటోలు సోషల్ మీడియాలో ప్రత్యక్షమయ్యాయి. చెవిపోగు, చేతిలో సిగార్, మాస్ హెయిర్ స్టైల్ తో బన్నీ లుక్ ఆకట్టుకునే విధంగా ఉంది. ప్రస్తుతం ఈ లుక్ తెగ వైరల్ అవుతోంది.
ప్రస్తుతం ఈ హీరో 'పుష్ప' పార్ట్ 2 కోసం రెడీ అవుతున్నారు. ఆగస్టు నుంచి ఈ సినిమా రెగ్యులర్ షూటింగ్ మొదలుకానుంది. రష్మిక హీరోయిన్ గా నటిస్తోన్న ఈ సినిమాలో ఫహద్ ఫాజిల్ విలన్ గా నటిస్తున్నారు. అలానే అనసూయ, సునీల్ లాంటి తారలు కీలకపాత్రలు పోషిస్తున్నారు. మైత్రి మూవీ మేకర్స్ బ్యానర్ పై నిర్మిస్తోన్న ఈ సినిమా డిసెంబర్ లో, లేదంటే వచ్చే ఏడాది వేసవిలో విడుదలయ్యే అవకాశాలు ఉన్నాయి.
Also Read : రామారావు ఆన్ డ్యూటీ రివ్యూ: మాస్ మహారాజా రవితేజ సక్సెస్ అందుకున్నారా? లేదా?
Also Read : విక్రాంత్ రోణ రివ్యూ: కిచ్చా సుదీప్ సినిమా ఎలా ఉందంటే?