బొద్దుగా ముద్దుగా కనిపించే నిత్యా మీనన్ అలా మొదలైంది సినిమాతో టాలీవుడ్ లోకి ఎంట్రీ ఇచ్చింది. హీరోయిన్ గా, సెకండ్ హీరోయిన్ గా, ప్రత్యేకమైన పాత్రల్లో కనిపించి తన నటనతో మెప్పించింది ఈ మలయాళీ ముద్దుగుమ్మ. తనలో మంచి నటి మాత్రమే కాదు గాయని కూడా ఉంది. నిత్యా మీనన్ మీడియాకి, ఇంటర్వ్యూకి చాలా దూరంగా ఉంటుంది. అందుకే ఆమె ఇంటర్వ్యూలు చాలా తక్కువగానే కనిపిస్తాయి. తొలి సినిమాతోనే భారీ విజయాన్ని అందుకుంది. అప్పట్లో అలా మొదలైంది సినిమా ప్రచార సమయంలో ప్రభాస్ ఎవరో తనకి తెలియదు అనేసి చిక్కుల్లో పడింది. అప్పుడు ప్రభాస్ ఫ్యాన్స్ ఒక ఆట ఆడేసుకున్నారు తనని.


ఇప్పుడు మళ్ళీ ఇదే విషయం సోషల్ మీడియాలో మరోసారి బయటకి వచ్చేసింది. ఒక టీవీ ఛానెల్ కి ఇచ్చిన ఇంటర్యూలో నిత్యా మాట్లాడుతూ తన మాటలు తప్పుగా అర్థం చేసుకుని రాసేశారని చెప్పుకొచ్చారు. టాలీవుడ్ లోకి అడుగుపెట్టిన సమయంలో తనకి అంతగా తెలుగు రాదని, తెలుగు హీరోల గురించి కూడా తెలియదని ఆమె అన్నారు. “కేరళలో ఎక్కువగా చిరంజీవి, నాగార్జున పేర్లు వినిపించేవి. వెంకటేశ్, అల్లు అర్జున్ కొద్దిగా తెలుసు. అప్పుడు మీడియా వాళ్ళు ప్రభాస్ గురించి అడిగారు. అది సరిగా వినిపించక ఎవరు? అని అడిగాను. ఇక అంతే నా గురించి నెగటివ్ గా రాసేశారు. అది చాలా బాధగా అనిపించింది” అని చెప్పుకొచ్చింది. తన అమాయకత్వాన్ని ఆసరాగా చేసుకొని కొంతమంది అలా వార్తా క్రియేట్ చేసి రాసేశారని అన్నారు. ఇప్పుడు మరోసారి ప్రభాస్ గురించి తాను మాట్లాడిన విషయం బయటకి రావడంతో మళ్ళీ చిక్కుల్లో పడినట్లయ్యింది నిత్యామీనన్ పరిస్థితి.


Also Read : 'ఐరావతం' రివ్యూ : థ్రిల్స్ ఉన్నాయా? లేదంటే టార్చర్ చేశారా?


సినిమాల విషయానికొస్తే..


తెలుగులో చివరిగా పవన్ కళ్యాణ్  'భీమ్లానాయక్'(BheemlaNayak) సినిమాలో కనిపించింది. అలానే 'ఇండియన్ ఐడల్ తెలుగు' షోకి జడ్జిగా వ్యవహరించింది. అమెజాన్ ప్రైమ్ లో విడుదలైన 'మోడర్న్ లవ్ హైదరాబాద్' అనే వెబ్ సిరీస్ లో కూడా కనిపించింది. రీసెంట్ గా 'తిరు' సినిమాతో ప్రేక్షకులను అలరించింది. కొన్ని రోజుల క్రితం ఈ బ్యూటీ పెళ్లి చేసుకోబోతున్నట్లు వార్తలొచ్చాయి. ఓ మలయాళ హీరోని ఆమె పెళ్లాడబోతున్నట్లు కథనాలు ప్రసారం కాగా.. నిత్యామీనన్ నేరుగా స్పందించింది. తన పెళ్లి వార్తల్లో నిజం లేదని క్లారిటీ ఇచ్చింది. 


నిత్యామీనన్ నటించిన 'వండర్ వుమెన్' సినిమా ఇటీవలే విడుదలైంది. అంజలి మీనన్ ఈ సినిమాకి దర్శకత్వం వహించారు. తెలుగు ప్రేక్షకులకు సుపరిచితులైన నదియా, నిత్యా మీనన్‌తో పాటు ప్రముఖ మలయాళ కథానాయిక పార్వతి తిరువొతు, పద్మప్రియ తదితరులు నటించారు. సోనీ లివ్ ఓటీటీలో ఈ సినిమా విడుదల అయ్యింది. అమ్మ కాబోయే మహిళలు పడే ఆరాటం, వాళ్ళ ఫిలింగ్స్ గురించి ఇందులో చక్కగా చూపించారు.


Also read: ప్రెగ్నెంట్ వార్తలపై ఎమోజీలతో స్పందించిన ఆది పిన్నిశెట్టి భార్య నిక్కీ గల్రానీ