Meenakshi Chaudhary: టాలీవుడ్ లో ఇప్పుడు వరుస అవకాశాలతో దూసుకుపోతున్న హీరోయిన్లలో మీనాక్షి చౌదరి ఒకరు. అడవి శేష్ హీరోగా వచ్చిన ‘హిట్ 2’ సినిమాలో హీరోయిన్ గా నటించి మంచి గుర్తింపు తెచ్చుకుందీ బ్యూటీ. ఈ మూవీ సూపర్ హిట్ అవ్వడంతో మీనాక్షి క్రేజ్ మరింత పెరిగింది. దీంతో అమ్మడుకి వరుసగా అవకాశాలు వెల్లువెత్తుతున్నాయి. అయితే మూవీల ఎంపిక విషయంలో ఆమె చాలా క్లారిటీగా ఉన్నట్టు తెలుస్తోంది. ఇటీవల ఓ మీడియా సంస్థకు ఇచ్చిన ఇంటర్వ్యూలో ఆమె కెరీర్, సినిమా కథల ఎంపిక గురించి పలు ఆసక్తికర విషయాలను వెల్లడించింది. 


ప్రేక్షకులకు గుర్తుండిపోయే పాత్రలే చేస్తా: మీనాక్షి చౌదరి. 


తన టాలీవుడ్ లో వరుస అవకాశాలు రావడం పట్ల హర్షం వ్యక్తం చేసింది మీనాక్షి. కెరీర్ ప్రారంభంలో మంచి మంచి అవకాశాలు రావడం సంతోషంగా ఉందని చెప్పింది. అయితే తాను ఈ మధ్య చాలా కాథలు విన్నానని అయితే కథల ఎంపికలో చాలా జాగ్రత్త తీసుకుంటున్నట్లు చెప్పింది. అవకాశాల కోసం కాకుండా ప్రేక్షకులను మెప్పించి వారిక గుర్తుండిపోయే పాత్రలే చేస్తానని అంది. తెలుగు అనే కాకుండా ఏ భాషలో మంచి అవకాశం వచ్చినా అది తనకు దక్కిన గౌరవంగానే భావిస్తానని పేర్కొంది. 


ఆ సీన్స్ లో నటించకూడదని ఫిక్స్ అయ్యాను: మీనాక్షి


సినిమాల్లో తనకు ఏదైనా సన్నివేశాలు ఇబ్బందిగా, అసౌకర్యంగా అనిపిస్తే దాన్ని తిరస్కరిస్తానని చెప్పింది. అలా చేయడం వల్లే ఇప్పటికీ చాలా సినిమాల్లో అవకాశాలను వదులుకున్నానని అంది. తాను ముందే అశ్లీల సన్నివేశాల్లో నటించకూడదని నిర్ణయించుకున్నానని చెప్పింది. అలాగే ముద్దు సన్నివేశాల గురించి మాట్లాడుతూ కథకు తగ్గట్టు సందర్భోచితంగా ఉంటే చేస్తానని, అలా కాకుండా ముద్దు కోసమే ఆ సీన్ రాస్తే చేయనని క్లారిటీ ఇచ్చింది. అలాగే విభిన్నమైన పాత్రల్లో నటించడానికి కూడా వెనకడుగు వేయనని చెప్పింది మీనాక్షి చౌదరి.


చేతి నిండా సినిమాలతో ఫుల్ బిజీ..


మీనాక్షి ప్రస్తుతం మహేష్ బాబు హీరోగా తెరకెక్కుతోన్న ‘గుంటూరు కారం’ సినిమాలో హీరోయిన్ గా చేస్తోంది. ఈ సినిమా ప్రస్తుతం షూటింగ్ జరుగుతోంది. ఈ మూవీకు త్రివిక్రమ్ శ్రీనివాస్ దర్శకత్వం వహిస్తున్నారు. ఇటీవలే ఓ మూవీ కార్యక్రమంలో మహేష్ తో నటించడం చాలా ఆనందంగా ఉందని చెప్పింది మీనాక్షి. అలాగే వరుణ్ తేజ్ తో ‘పలాస’ ఫేమ్ కరుణకుమార్ దర్శకత్వంలో తెరకెక్కబోతున్న కొత్త సినిమాలో కూడా మీనాక్షి హీరోయిన్ గా ఎంపికైంది. వైరా ఎంటర్‌టైన్‌మెంట్స్‌ నిర్మించనున్న ఈ మూవీ ఈ నెల 27 న నుంచి షూటింగ్ ప్రారంభం కానుంది. 1960 నేపథ్యంలో సాగే ఈ కథలో ఆమె పాత్ర అభినయ ప్రధానంగా సాగుతుందని చిత్రబృందం ఇప్పటికే ప్రకటించిన విషయం తెలిసిందే. అలాగే విశ్వక్ సేన్ తో కూడా ఓ సినిమాలో నటించనుందని సమాచారం. ఇవే కాకుండా మరికొన్ని ప్రాజెక్ట్ లలో భాగం కానుంది ఈ బ్యూటీ. ప్రస్తుతం మీనాక్షి సినిమా కథ ఎంపిక గురించి చేసిన వ్యాఖ్యలు నెట్టింట వైరల్ అవుతున్నాయి. 


Also Read: పవన్ ఫ్యాన్స్‌కు అలర్ట్ - ఆలస్యంగా 'బ్రో' ప్రీ రిలీజ్ వేడుక, ఎందుకంటే?


Join Us on Telegram: https://t.me/abpdesamofficial