Manchu Manoj: టాలీవుడ్ లో మంచు ఫ్యామిలీకు ఎలాంటి క్రేజ్ ఉందో తెలిసిందే. మంచు మోహన్ బాబు బాటలోనే ఆయన కొడుకులు విష్ణు, మనోజ్, కుమార్తె లక్ష్మీ కూడా సినిమా ఇండస్ట్రీలోకి ఎంట్రీ ఇచ్చి ప్రత్యేక గుర్తింపు తెచ్చుకున్నారు. ఓ వైపు సినిమాలు మరో వైపు కుటుంబ వ్యాపారాలు చక్కదిద్దుతూనే సామాజిక సేవా కార్యక్రమాల్లో పాల్గొంటారు మంచు వారసులు. తాజాగా మంచు లక్ష్మీ మరో మంచి కార్యక్రమానికి శ్రీకారం చుట్టారు. ఈ విషయాన్ని మంచు మనోజ్ తన సోషల్ మీడియా ఖాతా ద్వారా తెలియజేశాడు. అంతే కాదు అందుకు సంబంధించిన ఓ ఫోటోలను కూడా షేర్ చేశాడు. ప్రస్తుతం ఈ వార్త సోషల్ మీడియాలో వైరల్ అవుతోంది. 


30 ప్రభుత్వ పాఠశాలన్ని దత్తత తీసుకున్న మంచు లక్ష్మీ..


మంచు లక్ష్మీకి ఇండస్ట్రీలో మంచి పేరు ఉంది. ఆమె ఓ వైపు సినిమాలు చేస్తూనే బయట పలు సామాజిక సేవా కార్యక్రమాలు కూడా చేస్తుంటుంది. అందులో భాగంగానే టీచ్‌ ఫర్‌ ఛేంజ్‌ అనే ఒక ఎన్జీవోని స్థాపించి గత కొంతకాలంగా ప్రభుత్వ పాఠశాలను దత్తత తీసుకుంటూ వస్తున్నారు మంచు లక్ష్మీ. పేదవారికి కూడా నాణ్యమైన విద్యను అందించాలనే ఉద్దేశంతో ఈ కార్యక్రమానికి శ్రీకారం చుట్టారు. ఈ క్రమంలో మంచు లక్ష్మీ ఇప్పటివరకూ రెండు తెలుగు రాష్ట్రాల్లో దాదాపు 500 లకు పైగా ప్రభుత్వ పాఠశాలను దత్తత తీసుకున్నారు. తాజాగా ఇప్పుడు జోగుళాంబ గద్వాల్ జిల్లాలో మరో 30 పాఠశాలలను కూడా దత్తతకు తీసుకుని తన మంచి మనసుని చాటుకున్నారు మంచు లక్ష్మీ.


నిన్ను చూస్తే గర్వంగా ఉంది అక్కా: మంచు మనోజ్


మంచు లక్ష్మీ ప్రభుత్వ పాఠశాలల్ని దత్తత తీసుకొని వాటిని అభివృద్ది చేసే కార్యక్రమంలో భాగంగా మరో 30 స్కూల్స్ ను దత్తత తీసుకోవడం పట్ల మంచు మనోజ్ హర్షం వ్యక్తం చేశాడు. ఈ విషయాన్ని తన సోషల్ మీడియా ఖాతా ద్వారా తెలియజేశాడు. తన అక్క తీసుకున్న నిర్ణయం పట్ల గర్వపడుతున్నట్టు పేర్కొన్నాడు. ఈ ప్రయత్నం ద్వారా పిల్లల భవిష్యత్‌ పై ఎంతో సానుకూల ప్రభావం చూపనుందని అన్నాడు. ఈ కార్యక్రమం చేయడానికి అన్ని విధాలా సహాయ సహకారాలు అందించిన గద్వాల్ కలెక్టర్‌ వల్లూరు క్రాంతికు కృతజ్ఞతలు తెలిపాడు మంచు మనోజ్. అందుకు సంబంధించిన ఫోటోలను కూడా షేర్ చేశాడు. ప్రస్తుతం ఆ ఫోటోలు నెట్టింట వైరల్ అవుతున్నాయి. మంచు లక్ష్మీ తీసుకున్న నిర్ణయం పట్ల మంచు అభిమానులు కూడా హర్షం వ్యక్తం చేస్తున్నారు. ఇలాంటి మంచి కార్యక్రమాలు మున్ముందు మరెన్నో చేయాలి అంటూ కామెంట్లు చేస్తున్నారు. ఇప్పుడీ వార్త సోషల్ మీడియాలో వైరల్ గా మారింది.


Also Read: ఆర్జీవీకి సుచిత్రా కృష్ణమూర్తి పెళ్లి ప్రపోజల్- వర్మ రియాక్షన్ ఏంటో తెలుసా?






Join Us on Telegram: https://t.me/abpdesamofficial