టాలీవుడ్ యంగ్ హీరో ఆది పినిశెట్టి త్వరలోనే పెళ్లిపీటలు ఎక్కబోతున్నారని తెలుస్తోంది. కొంతకాలంగా హీరోయిన్ నిక్కీ గల్రానీతో ఆయన ప్రేమలో ఉన్నట్లు వార్తలు వస్తున్నాయి. ఈ క్రమంలో త్వరలోనే ఈ ఇద్దరూ పెళ్లి చేసుకోబోతున్నారంటూ వార్తలు వినిపిస్తున్నాయి. 'బుజ్జిగాడు' సినిమా ఫేమ్ సంజనా గల్రానీ చెల్లెలుగా ఇండస్ట్రీలోకి అడుగుపెట్టింది నిక్కీ గల్రానీ. కోలీవుడ్ లో హీరోయిన్ గా పలు సినిమాలు చేసింది.
'యాగవరాయినుం నా కాక్క' అనే తమిళ సినిమాలో ఆది పినిశెట్టి సరసన నటించింది నిక్కీ. ఈ సినిమాను తెలుగులో 'మలుపు' పేరుతో విడుదల చేశారు. ఆ సినిమా షూటింగ్ సమయంలోనే వీరిద్దరూ ప్రేమలో పడ్డారని టాక్. అంతేకాకుండా.. కొన్నాళ్లక్రితం ఆది పినిశెట్టి ఇంట్లో జరిగిన ఓ ఈవెంట్ కి నిక్కీ హాజరైంది. ఆ తరువాత కొన్ని నెలలకు హైదరాబాద్ ఎయిర్ పోర్ట్ లో వీరిద్దరూ జంటగా కనిపించడంతో ఈ వార్తలకు మరింత బలం చేకూరింది.
ఇప్పుడు వీరిద్దరూ త్వరలోనే పెళ్లి చేసుకోబోతున్నట్లు.. వీరితో సన్నిహితంగా ఉండే ఓ వ్యక్తి చెప్పినట్లు మీడియాలో కథనాలు వస్తున్నాయి. ప్రస్తుతం ఎంగేజ్మెంట్ కి సంబంధించిన పనులు జరుగుతున్నట్లు సమాచారం. త్వరలోనే పెళ్లి డేట్ ని ప్రకటించే అవకాశం ఉందంటూ కోలీవుడ్ మీడియా వర్గాలు పేర్కొన్నాయి. ప్రస్తుతం ఆది పినిశెట్టి హీరోగా, విలన్ గా కొన్ని సినిమాలు చేస్తున్నారు.
Also Read: 'పెన్నీ సాంగ్' ప్రోమో, ఫ్యాన్స్ కి మహేష్ బాబు సర్‌ప్రైజ్