Bar Council of India Banned Law Colleges: దేశంలో నిబంధనలకు విరద్ధంగా వ్యవహరిస్తున్న న్యాయ కళాశాలలపై బార్ కౌన్సెల్ ఆఫ్ ఇండియా (BCI) కొరడా ఝళిపించింది. దేశవ్యాప్తంగా మొత్తం 7 కళాశాలల్లో ఈ ఏడాది (2024-25) ప్రవేశాలను రద్దుచేసింది. ఈ మేరకు అధికారక ప్రకటన విడుదల చేసింది. బీసీఐ చర్యలు తీసుకున్న కళాశాలల్లో ఏపీకి చెందిన లా కాలేజీలు రెండు ఉన్నాయి. వీటిలో ఒకటి తిరుపతి జిల్లా యేర్పాడు మండలం, అంజిమేడులోని శ్రీ ఈశ్వర్ రెడ్డి కాలేజ్ ఆఫ్ లా కాగా.. రెండోది విశాఖపట్నం జిల్లా అనకాపల్లిలోని గవరపాలెంలో ఉన్న శ్రీ షిరిడిసాయి విద్యాపరిషత్ ఆధ్వర్యంలోని శ్రీ షిరిడిసాయి లా కాలేజీ ఉన్నాయి.
7లో నాలుగు యూపీ కాలేజీలే...
బార్ కౌన్సిల్ ఆఫ్ ఇండియా నిషేధించిన 7 కళాశాలల్లో నాలుగు ఉత్తర్ ప్రదేశ్ రాష్ట్రానికి చెందినవి కావడం విశేషం. ఇక మిగతా మూడు కాలేజీల్లో ఏపీలో రెండు, రాజస్థాన్‌లోని భరత్‌పూర్‌కి చెందిన మాస్టర్ సోమ్‌నాథ్ లా కాలేజీ ఉంది.
బీసీఏ నిషేధించిన యూపీలోని కాలేజీలు..
i) హెచ్‌ఎస్ లా కాలేజీ (ఎతహ్, ఆగ్రారోడ్డు).
ii) శ్రీ క్రిష్ణ కాలేజ్ ఆఫ్ లా (బాగ్‌పత్, మీరట్ రోడ్డు).
iii) ఎస్‌ఎస్ కాలేజ్ ఆఫ్ లా (అలీఘడ్ జిల్లా, మన్పూర్ కలాన్ ఖైర్).
iv) తేజుసింగ్ మెమోరియల్ లా కాలేజ్ (శబల్‌పూర్, జేపీనగర్).
ఏపీలోని లా కాలేజీల్లో 2024-25 విద్యాసంవత్సరానికి ప్రవేశాలకు సంబంధించి జూన్ 9న ఏపీ లాసెట్/ పీజీఎల్‌సెట్ 2024 ప్రవేశ పరీక్షను ఆచార్య నాగార్జున యూనివర్సిటీ నిర్వహించిన సంగతి తెలిసిందే. జూన్ 9న మధ్యాహ్నం 2.30 గంటల నుంచి సాయంత్రం 4 గంటల వరకు ఏపీ లాసెట్ పరీక్ష నిర్వహించనున్నారు. పరీక్షకు సంబంధించిన ప్రాథమిక ఆన్సర్ కీని జూన్ 10న విడుదల చేసింది. అభ్యర్థుల నుంచి జూన్ 11 నుంచి జూన్ 12 వరకు ఆన్సర్ కీపై అభ్యంతరాలు స్వీకరించింది. ఈ ప్రక్రియ పూర్తవడంతో ఫలితాల వెల్లడికి ఉన్నతవిద్యామండలి ఏర్పాట్లు చేస్తోంది. ఏపీలో రాష్ట్రవ్యాప్తంగా దాదాపు 35 న్యాయకళాశాల్లో యూజీ, పీజీ కోర్సుల్లో సీట్లను లాసెట్ ద్వారా భర్తీచేయనున్నారు. ఆయా కళాశాలల్లో మొత్తం 8238 సీట్లు అందుబాటులో ఉన్నాయి. వీటిలో ఐదేళ్ల లాడిగ్రీలో 2,660 సీట్లు మూడేళ్ల లా డిగ్రీలో 5,578 సీట్లు అందుబాటులో ఉన్నాయి. ఇక పీజీ లాడిగ్రీలో 325 సీట్లు మాత్రమే ఉన్నాయి.
ఏపీలో లాసెట్ ద్వారా ప్రవేశాలు పొందే కాలేజీలు ఇవే (2023 ప్రకారం)..
లాసెట్ పరీక్ష విధానం:
➥ AP LAWCET 2024 పరీక్షను మొత్తం 120 మార్కులకు నిర్వహించారు. ఆబ్జెక్టివ్ విధానంలో ప్రశ్నలు ఉంటాయి. పరీక్షలో మొత్తం మూడు సెక్షన్లు ఉంటాయి. వీటిలో పార్ట్-ఎ: జనరల్ నాలెడ్జ్ & మెంటల్ ఎబిలిటీ 30 ప్రశ్నలు-30 మార్కులు, పార్ట్-బి: కరెంట్ ఎఫైర్స్ 30 ప్రశ్నలు-30 మార్కులు, పార్ట్-సి: ఆప్టిట్యూడ్ (స్టడీ ఆఫ్ లా) 60 ప్రశ్నలు-60 మార్కులు ఉంటాయి. పార్ట్-సిలో బేసిక్ లా ప్రిన్సిపుల్స్, భారత రాజ్యాంగానికి సంబంధించిన ప్రశ్నలు ఉంటాయి. తెలుగు, ఇంగ్లిష్ మాధ్యమాల్లో పరీక్ష ఉంటుంది.
➥ ఇక ఐదేళ్ల లా కోర్సు పరీక్ష రాసేవారికి ఇంటర్ స్థాయిలో, మూడేళ్ల లా కోర్సు పరీక్ష రాసేవారికి డిగ్రీ స్థాయిలో ప్రశ్నలు ఉంటాయి. పరీక్షలో ఎలాంటి నెగెటివ్ మార్కులు ఉండవు. అభ్యర్థుల సౌలభ్యం కోసం మాక్ టెస్టులకు వెబ్‌సైట్‌లో అందుబాటులో ఉంచారు. పరీక్షలో కనీసం అర్హత మార్కులను 35 శాతం అంటే 42 మార్కులుగా నిర్ణయించారు. ఎస్సీ, ఎస్టీ అభ్యర్థులకు ఎలాంటి కనీస అర్హత మార్కులు లేవు. పరీక్ష సమయం 90 నిమిషాలు.
పీజీఎల్‌సెట్ పరీక్ష విధానం:
ఇక AP PGLCET 2024 పరీక్షను మొత్తం 120 మార్కులకు నిర్వహించారు. పరీక్షలో మొత్తం 120 ప్రశ్నలు ఉంటాయి. పరీక్ష సమయం 90 నిమిషాలు. పరీక్షలో మొత్తం 2 సెక్షన్లు (పార్ట్-ఎ, పార్ట్-బి) ఉంటాయి. ఇందులో పార్ట్-ఎ నుంచి 40 పశ్నలు, పార్ట్-బి నుంచి 80 పశ్నలు ఉంటాయి. ఒక్కో ప్రశ్నకు ఒకమార్కు ఉంటుంది. ఇంగ్లిష్ మాధ్యమంలో మాత్రమే పరీక్ష ఉంటుంది. పరీక్షలో అర్హత మార్కులను 25 శాతంగా (30 మార్కులు) నిర్ణయించారు. ఎస్సీ, ఎస్టీలకు ఎలాంటి కనీస మార్కులు లేవు.