Central University of Karnataka: కర్ణాటక రాష్ట్రం కలబురిగి(గుల్బర్గా)లోని సెంట్రల్‌ యూనివర్సిటీ ఆఫ్‌ కర్ణాటక (CUK) 2024-25 విద్యా సంవత్సరానికిగాను డిగ్రీ (యూజీ) కోర్సుల్లో ప్రవేశానికి దరఖాస్తులు కోరుతోంది. కేంద్ర ప్రభుత్వం ఆధ్వర్యంలోని విశ్వవిద్యాలయాల్లో యూజీ కోర్సుల ప్రవేశానికి నేషనల్‌ టెస్టింగ్‌ ఏజెన్సీ నిర్వహించే కామన్‌ యూనివర్సిటీ ఎంట్రన్స్‌ టెస్ట్‌ (సీయూఈటీ) ద్వారా ప్రవేశాలు కల్పించనున్నారు. సీయూఈటీ యూజీ-2024 ప్రవేశ పరీక్షకు దరఖాస్తు గడువు మార్చి 26తో ముగియనుంది. తెలంగాణలోని 16 జిల్లా కేంద్రాల్లో సీయూఈటీ పరీక్ష నిర్వహణ కోసం అధికారులు ఏర్పాట్లు చేస్తున్నారు. తెలుగుతో సహా 13 భాషల్లో ప్రవేశ పరీక్ష నిర్వహించనున్నారు. ప్రకటించిన షెడ్యూలు ప్రకారం మే 15 నుంచి 31 మధ్య కంప్యూటర్ ఆధారిత విధానంలో సీయూఈటీ యూజీ పరీక్ష నిర్వహిచనున్నారు.
వివరాలు..
* సెంట్రల్‌ యూనివర్సిటీ ఆఫ్‌ కర్ణాటక - యూజీప్రవేశాలు
కోర్సులు..
* అండర్ గ్రాడ్యుయేట్ కోర్సులు
➦ బీఎస్సీ (ఫిజిక్స్ & కెమిస్ట్రీ)
➦ బీఎస్సీ (లైఫ్ సైన్సెస్ & జియోలజీ)
➦ బీఎస్సీ/ బీఏ (సైకాలజీ & ఇంగ్లిష్)
➦ బీఎస్సీ/బీఏ (జియోగ్రఫీ & హిస్టరీ)
➦ బీఎస్సీ (కంప్యూటర్ సైన్స్)
➦ బీఎస్‌డబ్ల్యూఏ/ బీఏ(ఎకనామిక్స్ & సోషల్ వర్క్)
➦ బీబీఏ
➦ బీఈడీ
➦ బీటెక్ (మ్యాథమెటిక్స్ & కంప్యూటింగ్)
➦ బీటెక్ (ఎలక్ట్రానిక్స్ & కమ్యూనికేషన్)
➦ బీటెక్ (ఎలక్ట్రికల్ ఇంజినీరింగ్)
అర్హత: ఇంటర్మీడియట్/ తత్సమాన అర్హత కలిగి ఉండాలి. ఇంటర్ ద్వితీయ సంవత్సరం పరీక్షలకు హాజరయ్యే అభ్యర్థులు దరఖాస్తు చేసుకోవచ్చు.
దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.
ఎంపిక విధానం: సీయూఈటీ (యూజీ)-2024 (కంప్యూటర్ ఆధారిత పరీక్ష) ప్రవేశ పరీక్ష ఆధారంగా.
పరీక్ష విధానం: యూజీ పరీక్ష మూడు సెక్షన్లుగా జరుగుతుంది. మొదటి సెక్షన్(1ఎ, 1బి) లాంగ్వేజ్‌లో, రెండో సెక్షన్ స్పెసిఫిక్ సబ్జెక్టులో, మూడో సెక్షన్ జనరల్ టెస్ట్‌లో మల్టిఫుల్ ఛాయిస్ ప్రశ్నలుంటాయి. ప్రతి ప్రశ్నకు 5 మార్కులు. తప్పు జవాబుకు ఒక మార్కు తగ్గిస్తారు. మొదటి సెక్షన్‌లో 50 ప్రశ్నలకు గానూ 40 ప్రశ్నలకు సమాధానాలు రాయాలి. రెండో సెక్షన్‌లోనూ 50 ప్రశ్నలకు గానూ 40 ప్రశ్నలకు సమాధానాలు రాయాలి. మూడో సెక్షన్‌లో 60 ప్రశ్నలకు గానూ 50 ప్రశ్నలకు సమాధానాలు రాయాల్సి ఉంటుంది.
ఏపీలోని పరీక్ష కేంద్రాలు: అమలాపురం, అనంతపురం, బొబ్బిలి, చీరాల, చిత్తూరు, ఏలూరు, గుత్తి, గుడ్లవల్లేరు, గుంటూరు, కడప, కాకినాడ, కర్నూలు, మదనపల్లి, మార్కాపురం, నంద్యాల, నెల్లూరు, ఒంగోలు, పాపుంపరే, ప్రొద్దుటూరు, పుట్టపర్తి, పుత్తూరు, రాజమహేంద్రవరం, శ్రీకాకుళం, తాడిపర్తి, తిరుపతి, తిరువూరు, విజయవాడ, విశాఖపట్నం, విజయనగరం.
తెలంగాణలోని పరీక్ష కేంద్రాలు: హైదరాబాద్/సికింద్రాబాద్, జగిత్యాల, జనగామ, కరీంనగర్, ఖమ్మం, కొత్తగూడెం, మహబూబాబాద్, మహబూబ్ నగర్, మేడ్చల్, నల్గొండ, నిజామాబాద్, సంగారెడ్డి, సిద్దిపేట, సూర్యాపేట, వరంగల్, గద్వాల, హయత్‌నగర్.
ముఖ్యమైన తేదీలు..
➸ సీయూఈటీ యూజీ -2024 నోటిఫికేషన్: 27.02.2024.
➸ ఆన్‌లైన్ దరఖాస్తు ప్రక్రియ ప్రారంభం: 27.02.2024.
➸ ఆన్‌లైన్ దరఖాస్తుకు చివరి తేదీ: 26.03.2024 (రాత్రి 11:50 వరకు).
➸ ఫీజు చెల్లించడానికి చివరి తేదీ: 26.03.2024 (రాత్రి 11:50 వరకు).
➸ అప్లికేషన్ కరెక్షన్ విండో ఓపెన్: 28.03. 2024 - 29.03.2024 (రాత్రి 11:50 వరకు).
➸ పరీక్ష కేంద్రాల ప్రకటన: 30.04.2024 నుంచి.
➸ అడ్మిట్‌కార్డుల డౌన్‌లోడ్: మే రెండో వారం, 2024.
➸ పరీక్ష ప్రారంభతేదీ: మే 15 నుండి మే 31, 2024 వరకు
➸ ఫలితాల ప్రకటన: 30.06.2024.