Just In
CBSE 10th Result 2022: టెన్త్ విద్యార్థుల టర్మ్ 1 ఫలితాలు విడుదల, రిజల్ట్ ఇలా తెలుసుకోండి
CBSE Class 10 Result: నవంబర్-డిసెంబర్ 2021లో జరిగిన సీబీఎస్ఈ 10వ తరగతి విద్యార్థుల టర్మ్ 1 పరీక్షల స్కోర్‌కార్డ్‌లను బోర్డు విడుదల చేసింది.
CBSE 10th Result 2022 Declared: పదో తరగతి టెర్మ్‌ వన్‌ ఫలితాలను సెంట్రల్ బోర్డ్ ఆఫ్‌ సెకండరీ ఎడ్యుకేషన్ (CBSE Class 10 Result 2022) విడుదల చేసింది. 10వ తరగతి టర్మ్ 1 పరీక్షలో విద్యార్థుల పెర్మార్మెన్స్‌ను పాఠశాలలకు తెలియజేసినట్లు సీబీఎస్ఈ శనివారం పేర్కొంది. పాఠశాలల్లో ఇప్పటికే ఇంటర్నల్ అసెస్‌మెంట్/ప్రాక్టికల్ స్కోర్లు అందుబాటులో ఉన్నందున, థియరీ పరీక్షలకు సంబంధించిన స్కోర్లు మాత్రమే తెలియజేస్తున్నట్టు సీబీఎస్ఈ (CBSE) పేర్కొంది.
స్కూళ్లకు విద్యార్థుల మార్కుల అప్ డేట్..
సీబీఎస్ఈ 10వ తరగతికి సంబంధించిన స్కూల్ కోడ్ సెషన్ 2021-22కి సంబంధించిన టర్మ్ 1 పరీక్ష పనితీరును అటాచ్‌మెంట్‌లో చూసుకోవాలని సీబీఎస్ఈ(CBSE) ఇమెయిల్ రిపోర్ట్‌లో పేర్కొంది. నవంబర్-డిసెంబర్ 2021లో జరిగిన టర్మ్ 1 పరీక్షల స్కోర్‌కార్డ్‌లను విడుదల చేసిన బోర్డు విద్యార్థి పాస్ అయ్యాడా ఫెయిల్ అయ్యాడా అనేది మాత్రం వెల్లడించలేదు. విద్యార్థులు 10వ తరగతి టర్మ్ 1 ఫలితాలను త్వరలోనే అధికారిక వెబ్సైట్ cbse.gov.in cbseresults.nic.in , cbse.gov.in, results.nic.in లలో అప్‌లోడ్ చేస్తామని, అప్పుడు యాక్సెస్ చేయవచ్చునని ఓ ప్రకటనలో తెలిపింది.
సీబీఎస్ఈ మార్క్ షీట్స్ కోసం టెన్త్ విద్యార్థులకు కావాల్సిన వివరాలు..
విద్యార్థుల పేరు, స్కూల్ పేరు ఎంటర్ చేయాలి
విద్యార్థుల రోల్ నెంబర్, పుట్టిన తేదీ వివరాలు నమోదు చేయాలి
వీటి ద్వారా థియరీ సబ్టెక్టులో ఎన్ని మార్కులు వచ్చాయి, ఆ పేపర్ మొత్తం మార్కుల వివరాలు వస్తాయి
అన్ని పరీక్షలకు కలిపి ఎన్ని మార్కులు వచ్చాయి అనే వివరాలు విద్యార్థులు త్వరలోనే అధికారిక వెబ్సైట్ లో తెలుసుకోవచ్చునని సీబీఎస్ఈ తెలిపింది.
CBSE టర్మ్ 2 పరీక్షల మోడల్ పేపర్స్:
సీబీఎస్ఈ త్వరలో నిర్వహించనున్న టర్మ్ 2 నమూనా పేపర్, మార్కింగ్ విధానం పూర్తి వివరాలు అధికారిక వెబ్ సైట్‌లో అందుబాటులో ఉంటాయి. 10వ తరగతి టర్మ్ 1 ఎగ్జామ్స్ మోడల్ పేపర్స్‌ను సీబీఎస్ఈ ఇదివరకే విడుదలల చేసింది. పరీక్షకు హాజరయ్యే విద్యార్థులు బోర్డు అధికారిక వెబ్సైట్ cbseacademic.nic.inలో పూర్తి వివరాలు చెక్ చేసుకోవచ్చు.
Also Read; CBSE Term 2 Exams Schedule: సీబీఎస్ఈ 10, 12వ తరగతి పరీక్షల షెడ్యూల్ విడుదల
Also Read: పదో తరగతి పరీక్షల పూర్తి షెడ్యూల్ కోసం ఇక్కడ క్లిక్ చేయండి