" ముక్కు కోస్తా " అని సరదాగా మనం పిల్లల్ని హెచ్చరిస్తూనే ఉంటాం. కానీ నిజంగా ముక్కు కోస్తామా ?. ఏం చేసినా కోయలేం. కానీ కొంత మంది భార్యలు ఉంటారు. వారు పిల్లల్ని ఏమీ అనరు కానీ... భర్త దగ్గరకు వచ్చే సరికి.. ఏదైనా కోసేస్తామని రంగంలోకి దిగిపోతారు. అవి హెచ్చరికలు మాత్రమే కాదు చేతల్లో కూడా అంతే. గతంలో చాలా ఘటనలు జరిగి ఉండవచ్చు కానీ.. ముంబైలో జరిగిన ఈ ఘటన మాత్రం స్పెషల్. ఎందుకంటే భర్త పెదాల్ని భార్య కోసేసింది.
Also Read : అక్రమ సంబంధానికి అడ్డొస్తున్నాడని హత్య... మామను చంపిన కోడలు...
ముంబైలో తన భార్యతో కలిసి నివసించే ఖేమ్‌రాజ్ బాబూరావ్ ముల్ అనే మధ్య తరగతి వ్యక్తి హడావుడిగా ఆస్పత్రికి వచ్చాడు. మూతికి గుడ్డ కట్టుకుని మరీ వచ్చాడు. ఏంటా అని వైద్యులు చూస్తే పెదాలు కట్ అయిపోయి ఉన్నాయి. వెంటనే డాక్టర్లు ట్రీట్‌మెంట్ చేశారు. ఏం జరిగిందో చెప్పలేని స్థితిలో ఉన్నా ..మాటా మాటా పెగుల్చుకుని చెప్పాడు. అది విని డాక్టర్లకు మైండ్ బ్లాంక్ అయింది. ఎందుకంటే ఆ పెదాలు కత్తిరించింది అతి భార్యేనట. ఎందుకు కత్తిరించిందో కూడా వైద్యులు.. పోలీసుల్ని కూడా పిలిపించి మెల్లగా చెప్పించారు.
Also Read: సామూహిక అత్యాచారమా? ప్రేమ వ్యవహారమా? నెల్లూరు జిల్లాలో సంచలనంగా మారిన కేసు
బాబూరావు భార్యకు పెదాలు కత్తిరించేంత కోపం ఎందుకు వచ్చిందంటే.. సెల్ ఫోన్ కోసమట. తీసుకున్న సెల్ ఫోన్ ఇవ్వలేదని కోపంతో భార్య దాడి చేసింది. ఆ దాడిలో అతని పెదాలు కట్ అయిపోయాయి. అయితే పాపం బాబూరావుకు ఇక్కడ అనుమానం జబ్బు లేదు. భార్యపై అనుమానంతో ఫోన్ చెక్ చేయడానికి ఆ ఫోన్ తీసుకోలేదు. అతని ఫోన్ పగిలిపోయింది. అర్జంట్‌గా అతనికి ఫోన్ కావాల్సి వచ్చింది. కొత్తది కొనడానికి డబ్బుల్లేవు. ఇక ఏంచేయాలి... రెండు రోజులు వాడుకుని ఇస్తానని భార్య ఫోన్ తీసుకున్నాడు. కానీ తిరిగి ఇవ్వలేదు.
రెండు రోజుల్లో తిరిగి ఇస్తానని తన ఫోన్ ఇవ్వలేదని.. తనకు కావాల్సిందేనని బాబూరావు భార్య పట్టుబట్టింది. కానీ తనకు ఉద్యోగరీత్యా ఫోన్ కాల్స్ రిసీవ్ చేసుకోవడానికి అవసరమని.. ఇవ్వలేనని బాబూరావు అన్నారు. ఆ సమాధానం నచ్చలేదు. అంతే దాడి చేసింది. పెదాలు తెగిపోయాయి. ఇప్పుడు ఫోన్ కన్నా ఎక్కువ నష్టం జరిగిపోయింది. పోలీసులు కేసు నమోదు చేసుకుని దర్యాప్తు చేస్తున్నారు.
Also Read: హైదరాబాద్‌లో ఉల్టా సీన్.. యువకుడి న్యూడ్ వీడియోలతో యువతి బ్లాక్ మెయిల్