Tirupati Crime News: తిరుపతిలో అత్యాచారం (రేప్) కేసులో భార్యాభర్తలు ఇద్దరూ అరెస్టు అయ్యారు. ఫిర్యాదు అందిన వెంటనే స్పందించి రేప్ కేసులో భర్త, అతనికి సహకరించిన భార్యను తిరుపతి రూరల్ పోలీసులు అరెస్టు చేశారు. జిల్లా ఎస్పీ ఎల్. సుబ్బరాయుడు ఆదేశాల మేరకు తిరుపతి రూరల్ సీఐ తమీం అహ్మద్ కేసు వివరాలు వెల్లడించారు.
ముద్దాయిల వివరాలు:
A1. సదాశివం ప్రణవ్ క్రిష్ణ, వయస్సు 34 సంవత్సరాలు, భర్త వి. క్రిష్ణకిషోర్ రెడ్డి, పుదిపట్ల గ్రామం, తిరుపతి రూరల్ మండలం, తిరుపతి
A2. వెంకిరెడ్డి క్రిష్ణకిషోర్ రెడ్డి, వయస్సు 35 సంవత్సరాలు, తండ్రి వి. సిద్దారెడ్డి, పుదిపట్ల గ్రామం, తిరుపతి రూరల్ మండలం, తిరుపతి
కేసు వివరాలు
సదాశివం ప్రణవ్ క్రిష్ణ అనే మహిళ తన స్నేహితురాలిపై తన భర్తతోనే అత్యాచారం చేయించిందని పోలీసులు తెలిపారు. సదాశివం ప్రణవ్ క్రిష్ణరెడ్డి తిరుపతిలో తనతో పాటు చదువుతున్న ఒక మహిళను తన ఇంటికి తీసుకు వెళ్లింది. ఆమె, తన భర్త వెంకిరెడ్డి క్రిష్ణకిషోర్ రెడ్డి కలిసి ఆ మహిళకు కూల్ డ్రింక్ లో మత్తుమందు కలిపి ఇచ్చింది. స్నేహితురాలు మైకంలో ఉన్నపుడు తన భర్త చేత లైంగిక వేధింపులకు గురి చేయించింది. సదరు విషయాన్ని వీడియో, ఫోటోలు తీసి, సదరు మహిళకు, ఆమె అన్నకు, ఆమెకు కాబోయే భర్తకు ఆ వీడియో, ఫోటోలను పంపి నిందితులు డబ్బులు డిమాండ్ చేశారు.
ఈ విషయంపై బాధితురాలు తిరుపతి రూరల్ పోలీసులను ఆశ్రయించగా, వారు కేసు నమోదు చేసి, వెంటనే స్పందించి నిందితులైన భార్యాభర్తలు ఇద్దరిని జూలై 26న మధ్యాహ్నం 02:30 P.M గంటలకు చేర్లోపల్లి రైల్వే బ్రిడ్జి వద్ద అరెస్టు చేశారు. అనంతరం వారిని కోర్టులో హాజరుపర్చి రిమాండ్ కు తరలించారు.