TCS Net profit rises to 12760 crore: టాటా కన్సల్టెన్సీ సర్వీసెస్ (TCS) 2025-26 ఆర్థిక సంవత్సరం మొదటి త్రైమాసిక (Q1 FY26, ఏప్రిల్-జూన్ 2025) ఫలితాలను జులై 10 న ప్రకటించింది. కన్సాలిడేటెడ్ ఆదాయం రూ. 63,437 కోట్లుగా కంపెనీ ప్రకటించింది. గత ఆర్థిక సంవత్సరం Q1 ( రూ. 62,613 కోట్లు)తో పోలిస్తే 1.3 శాతం ఏటా (YoY) పెరుగుదల నమోదు అయింది. నిర్వహణ లాభ మార్జిన్ ఏప్రిల్-జూన్ కాలంలో త్రైమాసికంలో 0.3% పెరిగి 24.5%కి చేరుకుంది. ప్రపంచవ్యాప్త స్థూల-ఆర్థిక, భౌగోళిక రాజకీయ అనిశ్చితులు ఉన్నప్పటికీ 6 శాతం ఆదాయ మెరుగుదలను నమోదు చేసింది.
ఈ త్రైమాసికంలో టీసీఎస్ 9.4 బిలియన్ డాలర్ల కొత్త ఒప్పందాలను చేసుకుంది. త్రైమాసికం చివరి నాటికి మొత్తం ఉద్యోగుల సంఖ్య 6,13,069కి చేరుకుంది. ఇది గత సంవత్సరాని కంటే 6,000 కంటే ఎక్కువ.కంపెనీ స్క్రిప్ BSEలో 0.06% తగ్గి ₹3,382.30 వద్ద ముగిసింది, బెంచ్మార్క్పై 0.41% కరెక్షన్ జరిగింది.
న్స్టెంట్ కరెన్సీ ఆదాయం 3.1% తగ్గుదల నమోదవుతున్నట్లుగా కంపెనీ తెలిపింది. 7,421 మిలియన్ డాలర్ల ఆదాయం వచ్చింది. గత సంవత్సరం Q1తో పోలిస్తే 1.1% తగ్గుదల నమోదు అయింది. గత త్రైమాసికంతో పోలిస్తే Q4 FY25 (₹64,479 కోట్లు)తో పోలిస్తే ఆదాయం 1.6% తగ్గింది, ఇది భారత్ సంచార్ నిగమ్ లిమిటెడ్ (BSNL) ఒప్పందం నుండి ఆదాయం తగ్గడం, ప్రపంచ ఆర్థిక అనిశ్చితుల కారణంగా జరిగిందని కంపెనీ విశ్లేషించింది.
కన్సాలిడేటెడ్ నికర లాభం రూ. 12,760 కోట్లుగా తేలింది. గత సంవత్సరం Q1 లో ఇది రూ. 12,040 కోట్లుగా ఉంది. అంటే 6% పెరుగుదల నమోదు అయింది. షేర్కు లాభం (EPS) రూ.35.27.. గత సంవత్సరం Q1తో పోలిస్తే పెరుగుదల నమోదు అయింది. TCS బోర్డు ఒక్కో ఈక్విటీ షేరుకు రూ. 11 ఇంటరిమ్ డివిడెండ్ను ప్రకటించింది.
AI & డేటా, TCS ఇంటరాక్టివ్, సైబర్ సెక్యూరిటీ విభాగాలు ఈ త్రైమాసికంలో పెరుగుదలను నమోదు చేశాయి. ఆపరేటింగ్ మోడల్ ట్రాన్స్ఫర్మేషన్, వెండర్ కన్సాలిడేషన్, AI-పవర్డ్ ఇంటెలిజెంట్ ఆటోమేషన్, SAP S4/HANA ఆధారిత ట్రాన్స్ఫర్మేషన్ డీల్స్ మంచి పనితీరు చూపించాయి. TCS ఫ్రాన్స్లో కొత్త AI-ఫోకస్డ్ TCS PacePort ని, USలో IoT ల్యాబ్ని, లాటిన్ అమెరికా, కెనడా, యూరప్లో డెలివరీ సెంటర్లను విస్తరించింది. Q4 FY25లో 267 పేటెంట్లకు దరఖాస్తు చేసింది. 235 పేటెంట్లు పొందింది.