Stock Market Holidays in 2024: భారతదేశంలోని అతి పెద్ద పండుగల్లో సంక్రాంతి ఒకటి. క్యాలెండర్‌ ఇయర్‌లో మొదట వచ్చే పండుగ ఇదే. ఈ ఏడాది (2024), ఇండియన్‌ స్టాక్‌ మార్కెట్లకు మొత్తం 14 రోజులు సెలవులు (Non-trading days) వచ్చాయి. ఈ 14 రోజుల్లో.. శ్రీరామ నవమి, గుడ్‌ ఫ్రైడే, రంజాన్‌ వంటి పండుగలతో పాటు... గణతంత్ర దినోత్సవం, మహాత్మాగాంధీ జయంతి వంటి జాతీయ సందర్భాలు కూడా ఉన్నాయి. 


ఈ ఏడాది, సోమవారం (14 జనవరి 2024) నాడు సంక్రాంతి వచ్చింది. అయితే, సంక్రాంతి రోజున మార్కెట్లకు సెలవు (Makar Sankranti Holiday 2024) లేదు, ఆ రోజున మార్కెట్‌లో యథావిధిగా ట్రేడ్‌ జరుగుతుంది. క్యాష్‌ మార్కెట్‌, ఫ్యూచర్స్‌ & ఆప్షన్స్‌ (F&O), కమొడిటిస్‌ మార్కెట్‌ అన్నీ మాముూలు సమయం ప్రకారమే ప్రారంభమవుతాయి, క్లోజ్‌ అవుతాయి.


2024లో, జనవరి 26న, గణతంత్ర దినోత్సవంతో స్టాక్‌ మార్కెట్‌ సెలవుల జాబితా స్టార్ట్‌ అవుతుంది. ఈ ఏడాది మార్చి నెలలో గరిష్టంగా మూడు నాన్-ట్రేడింగ్ రోజులు ఉన్నాయి. ఆ తర్వాత... ఏప్రిల్‌, నవంబర్‌ నెలల్లో రెండు రోజుల చొప్పున సెలవులు వచ్చాయి. వీకెండ్స్‌ తప్ప, ఫిబ్రవరి, సెప్టెంబర్‌ నెలల్లో ఒక్క హాలిడే కూడా లేదు.


2024 క్యాలెండర్‌ ఇయర్‌లో హాలిడేస్‌ లిస్ట్‌ను NSE విడుదల చేసింది. ఈ లిస్ట్‌లో 14 నాన్‌ ట్రేడింగ్‌ డేస్‌తో పాటు వారాంతాల్లో (శని, ఆదివారాలు) వచ్చే మరో ఐదు సెలవులు ఉన్నాయి. ఈ జాబితా క్యాపిటల్ మార్కెట్లు, ఫ్యూచర్స్ & ఆప్షన్స్ (F&O) విభాగాలకు కూడా వర్తిస్తుంది.


2024లో స్టాక్‌ మార్కెట్‌ సెలవుల జాబితా ఇది ‍‌(Stock market holiday 2024):


1. జనవరి 26, 2024 (శుక్రవారం) - గణతంత్ర దినోత్సవం
2. మార్చి 08, 2024 (శుక్రవారం) - మహాశివరాత్రి
3. మార్చి 25, 2024 (సోమవారం) - హోలీ
4. మార్చి 29, 2024 (శుక్రవారం) - గుడ్ ఫ్రైడే
5. ఏప్రిల్ 11, 2024 (గురువారం) - ఈద్ ఉల్ ఫితర్ (రంజాన్ ఈద్)
6. ఏప్రిల్ 17, 2024 (బుధవారం) - శ్రీరామ నవమి
7. మే 01, 2024 (బుధవారం) - మహారాష్ట్ర దినోత్సవం
8. జూన్ 17, 2024 (సోమవారం) - బక్రీద్
9. జులై 17, 2024 (బుధవారం) - మొహర్రం
10. ఆగస్టు 15, 2024 (గురువారం) - స్వాతంత్ర్య దినోత్సవం
11. అక్టోబర్ 02, 2024 (బుధవారం) - మహాత్మాగాంధీ జయంతి
12. నవంబర్ 01, 2024 (శుక్రవారం) - దీపావళి లక్ష్మి పూజ
13. నవంబర్ 15, 2024 (శుక్రవారం) - గురునానక్ జయంతి
14. డిసెంబర్ 25, 2024 (బుధవారం) - క్రిస్మస్


2024లో, దీపావళి సందర్భంగా ముహూరత్‌ ట్రేడింగ్ (Muhurat Trading Timings in 2024) నవంబర్ 1వ తేదీ, శుక్రవారం రోజున ఉంటుంది. ఆ రోజున, ఎన్ని గంటల నుంచి ఎన్ని గంటల వరకు ప్రత్యేక ట్రేడింగ్‌ జరుగుతుందన్న విషయాన్ని స్టాక్‌ మార్కెట్లు తర్వాత ప్రకటిస్తాయి.


పైన చెప్పిన 14 రోజుల హాలిడేస్‌తో పాటు, శని & ఆదివారాల్లో మరో ఐదు సెలవులు వచ్చాయి. అవి:


1. ఏప్రిల్ 14, 2024 (ఆదివారం) - డా. బాబా సాహెబ్ అంబేద్కర్ జయంతి
2. ఏప్రిల్ 21, 2024 (ఆదివారం) - మహావీరుడి జయంతి
3. సెప్టెంబర్ 07, 2024 (శనివారం) - వినాయక చవితి
4. అక్టోబర్ 12, 2024 (శనివారం) - దసరా
5. నవంబర్ 02, 2024 (శనివారం) - దీపావళి


ఈ నెల చివరిలో లాంగ్‌ వీకెండ్‌ ఉండబోతోంది. క్రిస్మస్ (Christmas Holiday) సందర్భంగా 25వ తేదీన (సోమవారం) స్టాక్ మార్కెట్లు పని చేయవు. దీనికి ముందున్న శని, ఆదివారాలను కలిపితే, వరుసగా 3 రోజులు మార్కెట్లకు సెలవులు వచ్చాయి.


మరో ఆసక్తికర కథనం: