పాన్- ఆధార్ అనుసంధానం చేశారా? చెయ్యకపోతే ఈరోజే పూర్తి చేయండి. ఎందుకంటే ఆధార్- పాన్ అనుసంధానానికి మార్చి 31 తుది గడువు. ఒక వేళ ఈలోపు అనుసంధానం చెయ్యకపోతే పాన్ పనిచేయడం ఆగిపోతుంది. అంతేకాదు లేట్ ఫీజు కూడా భారీగా చెల్లించాల్సి వస్తుంది.
పాన్-ఆధార్ అనుసంధానానికి ఇంతకుముందు 2021 సెప్టెంబర్ 30ని తుది గడువుగా ప్రభుత్వమే నిర్ణయించింది. అయితే ఆ తర్వాత మళ్లీ దాన్ని పొడిగించింది.
లింక్ చేయకపోతే
గడువులోపు పాన్-ఆధార్ లింక్ చేయకపోతే.. ఆలస్య రుసుము కింద రూ.1,000 వరకు చెల్లించాల్సి ఉంటుంది. ఇందుకోసం ఆర్థిక బిల్లు 2021లో సవరణలు చేసి.. సెక్షన్ 234హెచ్ను ప్రభుత్వం కొత్తగా చేర్చింది. గడువులోపు ఈ ప్రక్రియ పూర్తవకుంటే.. పాన్ నిర్వీర్యం అవుతుందని అధికారిక వర్గాలు పేర్కొన్నాయి. అలాంటి పాన్ను ఐటీ సేవలకు వినియోగిస్తే.. ఆదాయపు పన్ను చట్టంలోని సెక్షన్ 272బీ ప్రకారం.. రూ.10 వేల వరకు జరిమానా విధించే అవకాశం ఉంది.
పాన్ లింక్ ఎలా?
కొత్త ఇన్కం ట్యాక్స్ పోర్టల్ https://www.incometax.gov.in/iec/foportalను ఓపెన్ చేయాలి
లింక్ ఆధార్ ఆప్షన్ను ఎంచుకోవాలి.
అందులో.. ఆధార్, పాన్ వివరాలు నింపాలి.
తర్వాత మొబైల్ నంబర్ ఎంటర్ చేయాలి.
ఆధార్ వెరిఫికేషన్కు పేజీలో.. I agree to validate my Aadhaar details అనే ఆప్షన్ను టిక్ చేయాలి.
ఆ తర్వాత లింక్ ఆధార్ ఆప్షన్పై క్లిక్ చేస్తే సరిపోతుంది.
ఎస్ఎంఎస్ ద్వారా..
మీ మొబైల్ నంబర్ నుంచి ఎస్ఎస్ఎస్ పంపడం ద్వారా కూడా పాన్-ఆధార్ లింక్ చేయొచ్చు. ఇందుకోసం UIDPAN అని టైప్ చేసి స్పేస్ ఇచ్చి.. 12 అంకెల ఆధార్ నంబర్ను, 10 అంకెల పాన్ నంబర్ను ఎంటర్ చేయాలి. ఈ మెసేజ్ను 567678 లేదా 56161కు పంపాలి. దీనితో పాన్-ఆధార్ లింక్ పూర్తవుతుంది.
లింక్ స్టేటస్ తెలుసుకోవడం ఎలా?
కొత్త ఈ-ఫైలింగ్ పోర్టల్ ద్వారా లింక్ ఆధార్ స్టేటస్పై క్లిక్ చేసి.. ఆధార్, పాన్ నంబర్లను ఎంటర్ చేయాలి. సబ్మిట్ బటన్ క్లిక్ చేయడం ద్వారా లింక్ స్టేటస్ తెలుసుకోవచ్చు.
ఎస్ఎంఎస్ ద్వారా అయితే..
12 అంకెల ఆధార్ నంబర్ను ఎంటర్ చేసి స్పేస్ ఇచ్చి.. 10 అంకెల పాన్ నంబర్ను ఎంటర్ చేసి 567678 లేదా 56161కు మెసేజ్ పంపడం ద్వారా లింక్ స్టేటస్ను తెలుసుకోవచ్చు.
Also Read: Hydrogen Car : దేశంలో ఇక హైడ్రోజన్ కార్లు - కిలో మీటర్ ఖర్చు రూ. రెండే !