Stock Market Closing Bell on 3 June 2022: భారత స్టాక్‌ మార్కెట్లు (Indian equity markets) శుక్రవారం స్వల్ప నష్టాల్లో ముగిశాయి. అమెరికా, ఐరోపా మార్కెట్లు భారీ లాభాల్లో ముగియడం, ఆసియా మార్కెట్లు గ్యాప్‌ అప్‌తో మొదలవ్వడం ఉదయం మదుపర్లు కొనుగోళ్లకు ఎగబడ్డారు. సెనెక్స్‌ 500, నిఫ్టీ 111 పాయింట్ల మేర ఎగిశాయి. ఐరోపా మార్కెట్లు తెచుకున్నాక అమ్మకాల ప్రెజర్‌ ఎక్కువైంది. చివరికి ఎన్‌ఎస్‌ఈ నిఫ్టీ (NSE Nifty) 16,584, బీఎస్‌ఈ సెన్సెక్స్‌ (BSE Sensex) 48 పాయింట్ల నష్టంతో 56,769 వద్ద ముగిశాయి.
BSE Sensex
క్రితం సెషన్లో 55,818 వద్ద ముగిసిన బీఎస్‌ఈ సెన్సెక్స్‌ నేడు 56,245 వద్ద భారీ లాభాల్లో మొదలైంది. 55,719 వద్ద ఇంట్రాడే కనిష్ఠాన్ని తాకింది. 56,432 వద్ద ఇంట్రాడే గరిష్ఠాన్ని అందుకుంది. మొత్తంగా 48 పాయింట్ల నష్టంతో 55,769 వద్ద ముగిసింది. ఉదయం 500 పాయింట్లు లాభపడ్డ సూచీ ఐరోపా మార్కెట్లు ఓపెనయ్యాక ఒక్కసారిగా పతనమైంది.
NSE Nifty
గురువారం 16,638 వద్ద ముగిసిన ఎన్‌ఎస్‌ఈ నిఫ్టీ శుక్రవారం 16,761 వద్ద ఓపెనైంది. 16,567 వద్ద ఇంట్రాడే కనిష్ఠాన్ని చేరుకుంది. 16,793 వద్ద ఇంట్రాడే గరిష్ఠాన్ని అందుకుంది. చివరికి 43 పాయింట్ల నష్టంతో 16,584 వద్ద క్లోజైంది. ఉదయం నిఫ్టీ 111 పాయింట్ల మేర లాభపడటం గమనార్హం.
Nifty Bank
నిఫ్టీ బ్యాంక్‌ నష్టాల్లో ముగిసింది. ఉదయం 35,929 వద్ద మొదలైంది. 35,175 వద్ద ఇంట్రాడే కనిష్ఠాన్ని తాకింది. 35,958 వద్ద ఇంట్రాడే గరిష్ఠాన్ని అందుకుంది. ఉదయం 123 పాయింట్లు లాభపడ్డ సూచీ ఆఖరికి 338 పాయింట్ల నష్టంతో 35,275 వద్ద ముగిసింది.
Gainers and Lossers
నిఫ్టీ 50లో 11 కంపెనీలు లాభాల్లో 39 నష్టాల్లో ముగిశాయి. రిలయన్స్‌, ఇన్ఫీ, ఎల్‌టీ, సన్‌ ఫార్మా, హెచ్‌సీఎల్‌ టెక్‌ షేర్లు లాభపడ్డాయి. గ్రాసిమ్‌, అల్ట్రాటెక్‌ సెమ్‌, శ్రీసెమ్‌, హీరో మోటోకార్ప్‌, మారుతీ నష్టపోయాయి. ఐటీ మినహాయిస్తే మిగతా రంగాల సూచీలపై సెల్లింగ్‌ ప్రెజర్‌ కనిపించింది. మిడ్‌క్యాప్‌, స్మాల్‌ క్యాప్‌ సూచీలు ఒక శాతానికి పైగా నష్టపోయాయి.