Stock Market @ 12 PM on 3 June 2022: భారత స్టాక్‌ మార్కెట్లు (Indian equity markets) మంగళవారం భారీ నష్టాల్లో ఉన్నాయి. ఆసియా మార్కెట్లు నష్టాల్లో ఉండటం, అంతర్జాతీయంగా క్రూడాయిల్‌ ధరలు మళ్లీ పెరగడం, ద్రవ్యోల్బణం భయాలు మదుపర్లను వెంటాడుతున్నాయి. ఆర్బీఐ ద్రవ్య పరపతి సమీక్షల్లో మళ్లీ వడ్డీరేట్లు పెంచుతారన్న అంచనా నడుమ సూచీలు సెల్లింగ్‌ ప్రెజర్‌కు గురవుతున్నాయి. ఎన్‌ఎస్‌ఈ నిఫ్టీ (NSE Nifty) 160 పాయింట్ల నష్టంతో 16,407, బీఎస్‌ఈ సెన్సెక్స్‌ (BSE Sensex) 585 పాయింట్ల నష్టంతో 55,092 వద్ద కొనసాగుతున్నాయి.
BSE Sensex
క్రితం సెషన్లో 55,675 వద్ద ముగిసిన బీఎస్‌ఈ సెన్సెక్స్‌ నేడు 55,373 వద్ద భారీ నష్టాల్లో మొదలైంది. 54,882 వద్ద ఇంట్రాడే కనిష్ఠాన్ని తాకింది. 55,387 వద్ద ఇంట్రాడే గరిష్ఠాన్ని అందుకుంది. ప్రస్తుతం 585 పాయింట్ల నష్టంతో 55,092 వద్ద కొనసాగుతోంది. ఉదయం నుంచి అమ్మకాల ఒత్తిడిలో ఉంది.
NSE Nifty
సోమవారం 16,569 వద్ద ముగిసిన ఎన్‌ఎస్‌ఈ నిఫ్టీ మంగళవారం 16,487 వద్ద ఓపెనైంది. 16,347 వద్ద ఇంట్రాడే కనిష్ఠాన్ని చేరుకుంది. 16,487 వద్ద ఇంట్రాడే గరిష్ఠాన్ని అందుకుంది. మధ్యాహ్నం 12 గంటల సమయంలో 160 పాయింట్ల నష్టంతో 16,407 వద్ద ట్రేడ్‌ అవుతోంది.
Nifty Bank
నిఫ్టీ బ్యాంక్‌ నష్టాల్లో ఉంది. ఉదయం 35,080 వద్ద మొదలైంది. 34,912 వద్ద ఇంట్రాడే కనిష్ఠాన్ని తాకింది. 35,154 వద్ద ఇంట్రాడే గరిష్ఠాన్ని అందుకుంది. ప్రస్తుతం 290 పాయింట్ల నష్టంతో కొనసాగుతోంది.
Gainers and Lossers
నిఫ్టీ 50లో 10 కంపెనీలు లాభాల్లో 40 నష్టాల్లో ఉన్నాయి. ఓఎన్‌జీసీ, కోల్‌ ఇండియా, బజాజ్‌ ఆటో, ఎన్‌టీపీసీ, బీపీఎల్‌ లాభాల్లో ఉన్నాయి. టైటాన్‌, యూపీఎల్‌, డాక్టర్‌ రెడ్డీస్‌, హిందుస్థాన్‌ యునీలివర్‌, ఎల్‌టీ షేర్లు నష్టాల్లో ఉన్నాయి. అన్ని రంగాల సూచీలు నష్టాల్లో ఉన్నాయి. ఆటో, ఎఫ్‌ఎంసీజీ, ఐటీ, రియాల్టీ 1 శాతం వరకు పతనమయ్యాయి. ఆయిల్‌ అండ్‌ గ్యాస్‌, పవర్‌ షేర్లలో కొనుగోళ్లు కనిపిస్తున్నాయి.