Stock Market Closing Bell on 3 June 2022: భారత స్టాక్‌ మార్కెట్లు (Indian equity markets) మంగళవారం భారీ నష్టాల్లో ముగిశాయి. ఆసియా మార్కెట్లు నష్టాల్లో మొదలవ్వడం, అంతర్జాతీయంగా సానుకూల సంకేతాలు లేకపోవడం, క్రూడాయిల్‌ ధరలు మళ్లీ పెరగడం, ద్రవ్యోల్బణం భయాలు మదుపర్లను భయపెడుతున్నాయి. ఈ వారంలో ఆర్బీఐ ద్రవ్య పరపతి సమీక్షల్లో మళ్లీ వడ్డీరేట్లు పెంచుతారన్న అంచనాలతో మదుపర్లు షేర్లను తెగనమ్ముతున్నారు. ఎన్‌ఎస్‌ఈ నిఫ్టీ (NSE Nifty) 153 పాయింట్ల నష్టంతో 16,416, బీఎస్‌ఈ సెన్సెక్స్‌ (BSE Sensex) 567 పాయింట్ల నష్టంతో 55,107 వద్ద ముగిశాయి.
BSE Sensex
క్రితం సెషన్లో 55,675 వద్ద ముగిసిన బీఎస్‌ఈ సెన్సెక్స్‌ నేడు 55,373 వద్ద భారీ నష్టాల్లో మొదలైంది. 54,882 వద్ద ఇంట్రాడే కనిష్ఠాన్ని తాకింది. 55,387 వద్ద ఇంట్రాడే గరిష్ఠాన్ని అందుకుంది. చివరికి 567 పాయింట్ల నష్టంతో 55,107 వద్ద ముగిసింది. ఆరంభం నుంచే సూచీపై అమ్మకాల ఒత్తిడి కనిపించింది. ఒక్కసారిగా 500 డౌనైన సూచీ ఆ తర్వాత అదే స్థాయిలో కదలాడింది.
NSE Nifty
సోమవారం 16,569 వద్ద ముగిసిన ఎన్‌ఎస్‌ఈ నిఫ్టీ మంగళవారం 16,487 వద్ద ఓపెనైంది. 16,347 వద్ద ఇంట్రాడే కనిష్ఠాన్ని చేరుకుంది. 16,487 వద్ద ఇంట్రాడే గరిష్ఠాన్ని అందుకుంది. ఆఖరికి 153 పాయింట్ల నష్టంతో 16,416 వద్ద ట్రేడ్‌ క్లోజైంది.
Nifty Bank
నిఫ్టీ బ్యాంక్‌ నష్టాల్లో ముగిసింది. ఉదయం 35,080 వద్ద మొదలైంది. 34,834 వద్ద ఇంట్రాడే కనిష్ఠాన్ని తాకింది. 35,154 వద్ద ఇంట్రాడే గరిష్ఠాన్ని అందుకుంది. చివరికి 414 పాయింట్ల నష్టంతో 34,996 వద్ద ముగిసింది.
Gainers and Lossers
నిఫ్టీ 50లో 14 కంపెనీలు లాభాల్లో 36 నష్టాల్లో ఉన్నాయి. ఓఎన్‌జీసీ, ఎన్‌టీపీసీ, కోల్‌ ఇండియా, మారుతీ, హీరో మోటోకార్ప్‌ షేర్లు లాభపడ్డాయి. టైటాన్‌, యూపీఎల్‌, డాక్టర్‌ రెడ్డీస్‌, బ్రిటానియా, ఎల్‌టీ షేర్లు నష్టపోయాయి. దాదాపుగా అన్ని రంగాల సూచీలు నష్టపోయాయి. రియాల్టీ, ఐటీ సూచీలు ఒక శాతానికి పైగా పతనం అయ్యాయి. ఆయిల్‌ అండ్‌ గ్యాస్‌, పవర్‌ షేర్లకు గిరాకీ కనిపించింది.