HDFC FD Interest Rates: ఎఫ్‌డీ చేస్తున్నారా..? హెచ్‌డీఎఫ్‌సీ వడ్డీరేట్లు పెంచింది మరి

హెచ్‌డీఎఫ్‌సీ బ్యాంకు వడ్డీరేట్లు సవరించింది. ఫిక్స్‌డ్‌ డిపాజిట్లపై ఎక్కువ వడ్డీని ఇస్తోంది. ప్లాన్లు ఇలా ఉన్నాయి.

బ్యాంకులో ఫిక్స్‌డ్‌ డిపాజిట్‌ చేద్దాం అనుకుంటున్నారా? అయితే హెచ్‌డీఎఫ్‌సీ బ్యాంకు మంచి వడ్డీరేట్లను ఆఫర్‌ చేస్తోంది. ఈ ప్రైవేటు రంగ బ్యాంకు ఈ మధ్యే వడ్డీరేట్లను సవరించింది. ఈ మార్పుతో కస్టమర్లు ఫిక్స్‌డ్‌ డిపాజిట్లపై మరింత ఎక్కువ వడ్డీని పొందొచ్చు. 2021, డిసెంబర్‌ 1 నుంచి పెరిగిన వడ్డీరేట్లు అమల్లోకి వచ్చాయి.

హెచ్‌డీఎఫ్‌సీ కస్టమర్లు ఇప్పుడు ఫిక్స్‌డ్‌ డిపాజిట్లపై 2.50 నుంచి 5.50 శాతం వరకు వడ్డీ పొందొచ్చు. ఇక సీనియర్‌ సిటిజన్లు అయితే 3 నుంచి 6.25 శాతం వరకు ప్రయోజనం పొందొచ్చు. ఈ బ్యాంకు 7 రోజుల నుంచి 10 ఏళ్ల కాలపరిమితితో ఎఫ్‌డీలు చేసుకోవచ్చు.

ఎన్ని రోజులకు ఎంత వడ్డీ వస్తుందంటే..!

• 7  నుంచి 29 రోజులకు 2.50 శాతం


• 30 నుంచి 90 రోజులకు 3 శాతం


• 91 రోజుల నుంచి 3 నెలలకు 3.5 శాతం


• 6 నెలల 1 రోజు నుంచి ఏడాదిల లోపు 4.4 శాతం


• ఏడాది ఎఫ్‌డీకి  4.9 శాతం


• ఏడాది 1 రోజు నుంచి రెండేళ్లకు 5 శాతం


• రెండేళ్ల 1 రోజు నుంచి మూడేళ్లకు 5.15 శాతం


• మూడేళ్ల 1 రోజు నుంచి ఐదేళ్లకు 5.35 శాతం


• ఐదేళ్ల 1 రోజు నుంచి పదేళ్లకు 5.50 శాతం

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి