Anand Mahindra: రాక్షసులు.. అమ్మవారు మనలోనే! మరి మీ ఎంపిక ఏంటన్న ఆనంద్ మహీంద్రా!

ఆనంద్‌ మహీంద్రా సోషల్‌ మీడియాలో యాక్టివ్‌గా ఉంటారు. తాను మెచ్చిన.. అందుకున్న సందేశాలను అభిమానులతో పంచుకుంటారు. దసరా సందర్భంగా ఆయన తన సోదరి నుంచి ఓ సందేశం అందుకున్నారు.

దసరా రోజున తన సోదరి నుంచి ఓ అద్భుతమైన సందేశం అందుకున్నానని ప్రముఖ వ్యాపార వేత్త ఆనంద్‌ మహీంద్రా అన్నారు. దానిని అందరితో పంచుకోవాలని భావిస్తున్నట్టు తెలిపారు. ప్రజలకు దసరా పండుగ శుభాకాంక్షలు తెలియజేశారు.

ఆనంద్‌ మహీంద్రా సోషల్‌ మీడియాలో యాక్టివ్‌గా ఉంటారు. తాను మెచ్చిన.. అందుకున్న సందేశాలను అభిమానులతో పంచుకుంటారు. దసరా సందర్భంగా ఆయన తన సోదరి నుంచి ఓ సందేశం అందుకున్నారు. వెంటనే దానిని ట్విటర్లో పంచుకున్నారు.

'రాక్షసులు ఎప్పుడూ మనలోనే ఉంటారు..
అమ్మవారూ నిత్యం మనలోనే ఉంటారు..
ఇక పోరాటమూ.. ఎల్లప్పుడూ మనతోనే ఉంటుంది..
మరొకరిపై సాధించే విజయమూ మనతోనే ఉంటుంది..
అయితే ఆ విజయం సాధించేది ఎవరిపై?
ఆ ఎంపిక చేసుకోవడమూ మనతోనే ఉంటుంది.'

అన్న చిత్రాన్ని ఆనంద్‌ మహీద్రా ట్వీ్‌ట్‌ చేశారు. 'ఈ రోజు నేనందుకున్న గొప్ప సందేశమిదే. నా సోదరి నుంచి అందుకున్నా. మీ అందరితో పంచుకోవాలని అనుకుంటున్నా. మీకు, మీ కుటుంబాలకు దసరా శుభాకాంక్షలు. మనందరం సరైనవే ఎంపిక చేసుకోవాలని కోరుకుంటున్నా' అని మహీంద్రా పేర్కొన్నారు. గతంలోనూ ఆయన చాలా సందర్భాల్లో ట్వీట్లు షేర్‌ చేసిన సంగతి తెలిసిందే.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి