Most Affordable ADAS Cars: ఒకప్పుడు కారు కొనాలంటే కేవలం మైలేజీ, ధర మాత్రమే చూసే వినియోగదారులు ఇప్పుడు భద్రతకు పెద్దపీట వేస్తున్నారు. ఈ మార్పును గమనించిన వాహన తయారీ సంస్థలు ఈ మార్పును గమనించిన వాహన తయారీ సంస్థలు అత్యాధునికమైన అడ్వాన్స్డ్ డ్రైవర్ అసిస్టెన్స్ సిస్టమ్ను సామాన్యులు కొనే కార్లలోనూ ప్రవేశపెడుతున్నారు. ప్రస్తుతం భారత్ మార్కెట్లో హ్యుందాయ్, హోండా, మహీంద్రా వంటి కంపెనీలు అత్యంత సరసమైన ధరలకే ADAS ఫీచర్లు అందిస్తున్నాయి.
ADAS అనేది డ్రైవర్కు సహాయపడే ఒక సెన్సార్ ఆధారిత వ్యవస్థ. ఇది రోడ్డుపై ప్రమాదాలను ముందుగానే గుర్తించి డ్రైవర్ను హెచ్చరిస్తుంది. అత్యవసరం సమయంలో ఆటోమేటిక్గా నిర్ణయాలు తీసుకుంటుంది. ఇందులో ప్రధానంగా రెండు స్థాయిలు ఉన్నాయి.
లెవల్ 1 ADAS ప్రాథమిక హెచ్చరికలను అందిస్తుంది. ఉదాహరణకు ముందున్న వాహనాన్ని ఢీ కొనే ప్రమాదం ఉంటే హెచ్చరించడం, కారు లైన్ దాటుతుంటే సరిచేయడం వంటివి ఇందులో ఉంటాయి.
లెవల్ 2 ADAS మరింత అధునాతనమైంది. ఇందులో అడాప్టివ్ క్రూయిజ్ కంట్రోల్, బ్లైండ్ స్పాట్ మానిటరింగ్ వంటి ఫీచర్లు ఉంటాయి.
భారత్లో అత్యంత సరసమైన టాప్ 10 ADAS కార్లు
ప్రస్తుతం మార్కెట్లో దొరుకుతున్న పెట్రోల్/డీజిల్ కార్లలో ADAS సౌకర్యం ఉన్న టాప్ 10 మోడల్స్ వివరాలు ఉన్నాయి.
హోండా అమేజ్(3rd జనరేషన్): భారత్లో ADAS కలిగిన అత్యంత చౌకైన కారుగా హోండా అమేజ్ సరికొత్త రికార్డు సృష్టించింది. దీని ధర 9.29 లక్షల నుంచి 10 లక్షల వరకు ఉంది. నాలుగు మీటర్ల కంటే తక్కువ పొడవు ఉండి, ADAS ఫీచర్లు కలిగిన ఏకైక సెడాన్ ఇదే దీని టాప్- స్పెక్ ZX వేరియంట్లో ఈ సేఫ్టీ సూట్ లభిస్తుంది.
మహీంద్రా XUV 3XO: మహీంద్రా నుంచి వచ్చిన ఈ ఎస్యూవీ రూ. 11.91 లక్షల నుంచి 14. 89 లక్షల ధరకు లభిస్తోంది. దీనిలోని AX5, AX7L వేరియంట్లలో లెవల్ 2ADAS సౌకర్యం ఉంది. ఇది పెట్రోల్, డీజిల్ ఇంజిన్ ఆప్షన్లలో లభిస్తుంది.
హోండా సిటీ
హోండా సిటీ తన బేస్ మోడల్ మినహా మిగిలిన అన్ని వేరియంట్లలో (V,VX,ZX)ADAS ఫీచర్లను అందిస్తోంది. దీని ధర రూ. 12.4 లక్షల నుంచి రూ. 16.17 లక్షల వరకు ఉంది. ఇది లెవల్ 2 ADAS సాంకేతికతతో వస్తుంది.
Also Read: విద్యార్థులకు యూజ్ అయ్యే మధ్యతరగతి బడ్జెట్ ఎలక్ట్రిక్ సైకిళ్లు! స్కూల్ వెహికల్స్కు కట్టే డబ్బులతో కొనేయొచ్చు!
టాటా నెక్సాన్
టాటా నెక్సాన్ ఫియర్లెస్+పీఎస్ ట్రిమ్లో లెవ్ 2 ADASను అందిస్తోంది. దీని ధర రూ. 13. 45 లక్షల నుంచి 13.92లక్షల వరకు ఉంది. అయితే, ఈ ఫీచర్ కేవలం పెట్రోల్- డిసిటి కాంబినేషన్లో మాత్రమే లభిస్తుంది. డీజిల్ వేరియంట్లలో లేదు.
కియా సోనెట్
కియా సోనెట్ లెవల్ 1 ADAS సిస్టమ్తో వస్తుంది. దీని GTX+, X-Line వేరియంట్లలో ఈ ఫీచర్ ఉంది. వీటి ధర రూ. 13.56 లక్షల నుంచి 14. 17 లక్షల వరకు ఉంది. 2027లో రాబోయే కొత్త తరం సోనెట్లో లెవల్2 ADAS వచ్చే వరకు అవకాశం ఉంది.
హ్యుందాయ్ వెన్యూ
హ్యుందాయ్ వెన్యూ గతంలో లెవల్ 1 సిస్టమ్ను కలిగి ఉండగా, ఇప్పుడు కొత్తగా లెవల్ -2ADASనుప్రవేశ పెట్టింది. దీని టాప్ స్పెక్HX10 వేరియంట్ ధర రూ. 14. 64 లక్షల నుంచి 15. 82 లక్షల వరకు ఉంది.
Also Read: హైవేలపై ఇక దూసుకెళ్లడమే - టోల్ గేట్ల వద్ద బారియర్లు మాయం.. డిసెంబర్ 2026 నుండి కొత్త వ్యవస్థ అమలు..
హోండా ఎలివేట్
హోండా ఎలివేట్ తన ZX వేరియంట్లో ADAS ఫీచర్లను అందిస్తోంది. దీని ధర 14. 92 లక్షల నుంచి 16. 67 లక్షల వరకు ఉంది.
ఎంజీ ఆస్టర్
2021లో మిడ్ సైజ్ ఎస్యూవీ విభాగంలో తొలిసారి ADASనుు పరిచయం చేసింది ఎంజీ ఆస్టర్. దీని సావీ ప్రో ట్రిమ్ ర 15. 3 లక్షల నుంచి 15.5 లక్షల మధ్యలో ఉంది.
Also Read: మహీంద్రా నుండి ఫస్ట్ సీఎన్జీ ఎస్యూవీ.. మార్కెట్లోకి ఎక్స్యూవీ 3XO సరికొత్త మోడల్! టాటా, మారుతి కార్లకు గట్టి పోటీ
రెనాల్ట్ డస్టర్
మూడో తరం రెనాల్ట్ డస్టర్ ఇప్పుడు భారత్లో లెవల్ 2 ADASతో సిద్ధమైంది. దీని ఐకానికి వేరియంట్ ధర రూ. 16.99 లక్షల నుంచి 18.69 లక్షల వరకు ఉంది.
హ్యుందాయ్ వెర్నా
ఈ జాబితాలో చివరిగా ఉన్న హ్యుందాయ్ వెర్నా HX8, HX 10 ట్రిమ్స్ో లెవల్ 2ADASను అందిస్తోంది. దీని ధర 17.15 లక్షల నుంచి 18.4 లక్షల వరకు ఉంది.
భారత్లో రోడ్డు ప్రమాదాల సంఖ్య ఎక్కువగా ఉంటుంది. మానవ తప్పిదాల వల్ల జరిగే ప్రమాదాలను తగ్గించడంలో ADAS కీలక పాత్ర పోషిస్తుంది. ఒక్పుడు కేవలం ధనికులకే పరిమితమైన ఇటువంటి ఫీచర్లు ఇప్పుడు సామాన్యులకు అందుబాటులోకి రావడాన్ని డెమోక్రటైజేషన్ ఆఫ్ సేఫ్టీగా అభివర్ణించారు. రాబోయే రోజుల్లో భారత్్ ఎన్క్యాప్ వంటి ప్రమాణాలు పెరగడం వల్ల ప్రతి కారులో ADAS ఒక సాధారణ ఫీచర్గా మారే ఛాన్స్ ఉంది.