Secured Cars Under 10 lakhs: భారతదేశంలో గత కొన్ని సంవత్సరాలుగా కార్ల భద్రత ప్రజల మొదటి ప్రాధాన్యతగా మారింది. ఇప్పుడు మైలేజ్, ధర మాత్రమే కాదు, Global NCAP, Bharat NCAP వంటి ఏజెన్సీల క్రాష్ టెస్ట్ రేటింగ్ కూడా కస్టమర్లకు చాలా ముఖ్యమైనది. ఈ రేటింగ్లు ఒక కారులో కూర్చున్న పెద్దలు, పిల్లలు ప్రమాదం జరిగినప్పుడు ఎంత సురక్షితంగా ఉంటారో తెలియజేస్తాయి. మీరు 10 లక్షల కంటే తక్కువ బడ్జెట్లో కారు కొనాలని ఆలోచిస్తున్నట్లయితే, ఈ 5 మోడల్లు మీకు చాలా సురక్షితమైనవిగా, ఉత్తమమైనవిగా నిరూపితమైనవి.
టాటా పంచ్(Tata Punch):
టాటా పంచ్కి Global NCAP 5-స్టార్ అడల్ట్స్ భద్రత, 4-స్టార్ చిల్ట్రన్ భద్రత రేటింగ్ ఇచ్చింది. క్రాష్ టెస్ట్లో దీనికి 16.45/17 పాయింట్లు వచ్చాయి, ఇది దాని విభాగంలో అత్యధికం. భద్రతా లక్షణాలలో 6 ఎయిర్బ్యాగ్లు (టాప్ వేరియంట్), ABS+EBD, ISOFIX చైల్డ్ సీట్ మౌంట్లు, రియర్ పార్కింగ్ సెన్సర్లు, కార్నర్ స్టెబిలిటీ కంట్రోల్ ఉన్నాయి. ఇది 1.2L పెట్రోల్, CNG రెండింటిలోనూ ఇంజిన్ ఎంపికలను కలిగి ఉంది, ఇది 18-20 kmpl మైలేజ్ ఇస్తుంది. దీని ప్రారంభ ధర రూ.5,49,990, ఇది భారతదేశంలో అత్యంత చవకైన 5-స్టార్స్ రేటింగ్ కలిగిన కారుగా నిలిచింది.
మొదటి మేడ్-ఇన్-ఇండియా కియా కారు
కియోసైరస్ భారతదేశలో తయారైన మొట్టమొదటి కియా కారు, దీనికి Bharat NCAP 5-స్టార్ రేటింగ్ ఇచ్చింది. ఇది అడల్ట్స్ భద్రతలో 30.21/32, పిల్లల భద్రతలో 44.42/49 పాయింట్లు సాధించింది. ఇందులో అన్ని వేరియంట్లలో 6 ఎయిర్బ్యాగ్లు, ESC, TPMS, ISOFIX, VSM వంటి ఫీచర్లు ప్రామాణికంగా ఉన్నాయి. టాప్ వేరియంట్లలో లెవెల్-2 ADAS (ఫార్వర్డ్ కొలిషన్ అవాయిడెన్స్, లేన్ కీప్ అసిస్ట్, బ్లైండ్ స్పాట్ మానిటరింగ్ వంటివి) కూడా ఉన్నాయి. ఇంజిన్ ఎంపికలలో 1.0L టర్బో పెట్రోల్, 1.5L డీజిల్ ఉన్నాయి, ఇవి 20-22 kmpl మైలేజ్ ఇస్తాయి. దీని ప్రారంభ ధర రూ. 8,67,053.
స్కోడా కైలాక్(Skoda Kylaq)
స్కోడా కైలాక్, MQB-A0-IN ప్లాట్ఫారమ్పై నిర్మించారు, ఇది భద్రత, దృఢత్వానికి ప్రసిద్ధి చెందింది. Bharat NCAP దీనికి 5-స్టార్ రేటింగ్ ఇచ్చింది. భద్రతా లక్షణాల్లో 6 ఎయిర్బ్యాగ్లు, ESC, మల్టీ-కొలిషన్ బ్రేకింగ్, టైర్ ప్రెజర్ మానిటర్ ఉన్నాయి. ఇది 1.0L TSI పెట్రోల్ ఇంజిన్ను కలిగి ఉంది, ఇది 113 bhp పవర్ని, 18-19 kmpl మైలేజ్ను అందిస్తుంది. దీని ప్రారంభ ధర రూ. 7,54,651, ఇది మిడ్-రేంజ్ బడ్జెట్లో మంచి ఎంపికగా చేస్తుంది.
మహీంద్ర XUV 3XO (Mahindra XUV 3XO)
Mahindra XUV 3XO, XUV300 అప్గ్రేడెడ్ వెర్షన్, Bharat NCAP పరీక్షలో 5-స్టార్స్ రేటింగ్ పొందింది. పెద్దల భద్రతలో దీనికి 29.36/32 పాయింట్లు వచ్చాయి. కారులో 6 ఎయిర్బ్యాగ్లు, ESC, హిల్ హోల్డ్, టాప్ వేరియంట్లలో 360-డిగ్రీ కెమెరా, లెవెల్-2 ADAS ఉన్నాయి. ఇది 1.2L టర్బో పెట్రోల్, 1.5L డీజిల్ ఇంజిన్ ఆప్షన్ను కలిగి ఉంది, ఇది 19-24 kmpl మైలేజ్ ఇస్తుంది. XUV 3XO ప్రారంభ ధర రూ. 7.28 లక్షలు.
టాటా నెక్సాన్ (Tata Nexon)
టాటా నెక్సాన్ భారతీయ ఆటో పరిశ్రమలో Global NCAPలో 5-స్టార్స్ రేటింగ్ పొందిన మొదటి కారు. Bharat NCAP కూడా దీనికి 5- స్టార్స్ రేటింగ్ ఇచ్చింది. ఇందులో 6 ఎయిర్బ్యాగ్లు, ESC, 360-డిగ్రీ కెమెరా, TPMS, SOS కాల్ వంటి ఫీచర్లు ఉన్నాయి. ఇంజిన్ ఎంపికలలో 1.2L టర్బో పెట్రోల్, 1.5L డీజిల్ ఉన్నాయి, ఇవి 17-24 kmpl వరకు మైలేజ్ ఇస్తాయి. Nexon CNG వెర్షన్ కూడా అందుబాటులో ఉంది. దీని ప్రారంభ ధర రూ. 7,31,890.
మీరు 10 లక్షల కంటే తక్కువ బడ్జెట్లో కారు కొనాలని ఆలోచిస్తున్నట్లయితే మీకు భద్రత చాలా ముఖ్యమైనది అయితే, Tata Punch అత్యంత సరసమైన ఎంపిక. అదే సమయంలో, Tata Nexon, Mahindra XUV 3XO గొప్ప ఫీచర్లు, శక్తివంతమైన ఇంజిన్తో వస్తాయి. Kia Syros, Skoda Kylaq ప్రీమియం అనుభూతితో పాటు బలమైన భద్రతను కోరుకునే కస్టమర్ల కోసం.