స్టైలిష్ కార్ల తయారీ సంస్థ జీప్.. సరికొత్త కారును మార్కెట్లోకి తీసుకొచ్చే ప్రయత్నం చేస్తున్నది. జీప్ గ్రాండ్ చెరోకీ ఎస్యూవీ పేరుతో ఇండియాలో లాంచ్ కానున్నది. వచ్చే నెలలో ఈ కారును వినియోగదారులకు పరిచయం చేయనున్నట్లు జీప్ ఇండియా వెల్లడించింది. ఈ తాజాగా కారుకు సంబంధించిన టీజర్ ను విడుదల చేసింది. జీప్ ఇండియా లైనప్ లో గ్రాండ్ చెకోరి నాలుగో ఎస్యూవీగా అందుబాటులోకి రాబోతున్నది. ఇప్పటికే కంపాస్, వ్రాంగ్లర్, మెరీడియన్ ఎస్యూవీలు భారత మార్కెట్లో సత్తా చాటుతున్నాయి. ఈ మూడు కార్లు టయోటా కంపెనీకి చెందిన ఫార్చునర్ వాహనానికి టఫ్ కాంపిటీషన్ ఇస్తున్నాయి.
ఇప్పటికే భారత మార్కెట్లో ఉన్న జీప్ ఎస్యూవీలతో పోల్చితే.. జీప్ గ్రాండ్ చెరోకీ చాలా ప్రత్యేకతలను కలిగి ఉన్నట్లు తెలుస్తున్నది. వాస్తవానికి గ్రాండ్ చెరోకీని తొలిసారిగా అంతర్జాతీయ మార్కెట్లో 1992లో లాంచ్ అయ్యింది. చాలా కాలం పాటు టాప్ ఎస్యూవీగా గుర్తింపు తెచ్చుకుంది. ఈ కారుకు సంబంధించిన లేటెస్ట్ ఎడిషన్ గత ఏడాది మార్కెట్లో అడుగు పెట్టింది. ఇంటర్నేషనల్ మార్కెట్ లో హైబ్రిడ్ ఆప్షన్ లోనూ అందుబాటులో ఉంది. భారత్ లో మాత్రం హైబ్రిడ్ వెర్షన్ ఇంకా అందుబాటులోకి రాలేదు. వస్తుందో? లేదో? అనే విషయం పైనా కంపెనీ ఎలాంటి వివరణ ఇవ్వలేదు.
గ్రాండ్ చెరోకీ ఇంజిన్ ప్రత్యేకతలు
అంతర్జాతీయ మార్కెట్లో గ్రాండ్ చెరోకీ 5.7లీటర్ వీ8 ఇంజిన్ తో అందుబాటులో ఉంది. ఇది 357 బీహెచ్పీతో 528 ఎన్ఎం టార్క్ను ఉత్పత్తి చేస్తుంది. 2.0 లీటర్ టర్బోఛార్జ్ పెట్రోల్ మోటార్ ఆప్షన్ సైతం లభిస్తున్నది. ఈ మోటార్ 375 బీహెచ్పీతో 637 ఎన్ఎం టార్క్ ను అందిస్తున్నది. అటు 3.6లీటర్ వీ6 పెట్రోల్ మోటార్ లో 294హెచ్పీతో 348ఎన్ఎం టార్క్ ను అందిస్తున్నది.
Read Also: మీరు కారు కొనాలి అనుకుంటున్నారా? ఇండియాలో బెస్ట్ సేఫ్టీ కార్ల లిస్టు ఓసారి చూడండి!
గ్రాండ్ చెరోకీ ఫీచర్లు, ధర వివరాలు
జీప్ గ్రాండ్ చెరోకీ సరికొత్త మోడల్ సైతం.. పాత వాటితో పోలికను కలిగి ఉంటుంది. చూడ్డానికి మరింత స్టైలిష్ గా కనిపిస్తుంది. ఫ్రంట్ గ్రిల్ని అద్భుతంగా రూపొందించారు. ఎల్ఈడీ హెడ్ లైట్ యూనిట్స్ ఇట్టే ఆకట్టుకునేలా తయారు చేశారు. ఇంటీరియర్ విషయానికి వస్తే మరింత అత్యధునిక ఫీచర్లను కలిగి ఉంటుంది. 10.25 అంగుళాల స్క్రీన్, యాపిల్కార్ ప్లే, ఆండ్రాయిడ్ ఆటోతో పాటు మరికొన్ని నూతన ఫీచర్లు అందుబాటులోకి వచ్చాయి. అటు వెనుక సీట్లలో కూర్చునే వారి కోసం ప్రత్యేక స్క్రీన్లను ఊర్పాటు చేశారు. స్ట్రీమింగ్ సైట్స్ కూడా అందుబాటులో ఉండేలా రూపొందించారు.అంతేకాదు, ఈ కారులో 4G ఇన్ బిల్ట్ గా రాబోతున్నట్లు కంపెనీ వెల్లడించింది. 19 స్పీకర్ సౌండ్ వ్యవస్థను కలిగి ఉంటుంది. కొత్త గ్రాండ్ చెరోకీ Mercedes-Benz GLE, BMW X5, ఆడి Q7తో సహా లగ్జరీ క్లాస్‌ లో చాలా SUVలతో పోటీపడుతుంది. ప్రపంచ వ్యాప్తంగా 7-సీటర్ వెర్షన్ కూడా ఉంది. అయితే, తరగతిలో కొనుగోలుదారులను దృష్టిలో పెట్టుకుని 5-సీట్ల వేరియంట్‌ ను మాత్రమే భారత్ లో విడుదల చేయబోతున్నది. ఇక ఈ లేటెస్ట్ కారుకు సంబంధించిన ధర వివరాలను జీప్ ఇండియా వెల్లడించలేదు.