Manmohan Singh Car: భారత మాజీ ప్రధానమంత్రి మన్మోహన్ సింగ్ 92 సంవత్సరాల వయసులో కన్నుమూశారు. మాజీ ప్రధాని ఆరోగ్యం క్షీణించడంతో 2024 డిసెంబర్ 26వ తేదీ రాత్రి ఎయిమ్స్‌లో చేరారు. అక్కడ వైద్యులు 9:51కి మరణించినట్లు ప్రకటించారు. మాజీ ప్రధాని మృతితో దేశంలో ఏడు రోజుల జాతీయ సంతాప దినాలు ప్రకటించారు.


మన్మోహన్ సింగ్ వద్ద ఉన్న కారు ఇదే...
మాజీ ప్రధాని మన్మోహన్ సింగ్ చాలా వరకు సింప్లిసిటీగానే కనిపించారు. అయితే అతనికి కారులో ప్రయాణించడం కూడా చాలా ఇష్టం అని మీకు తెలుసా? మాజీ ప్రధాని 1996 సంవత్సరంలో కారు కొనుగోలు చేశారు. ఆ సమయంలో కూడా కారు కొనడానికి ఆయన దగ్గర నగదు లేదు. దీంతో ఓ ప్రత్యేక వ్యక్తి నుంచి నగదు తీసుకుని మారుతి 800ని ఇంటికి తెచ్చుకున్నారు. ఆ వ్యక్తి మరెవరో కాదు స్వయానా ఆయన భార్య గురుశరణ్ కౌర్.



Also Read: రోజువారీ వాడకానికి బెస్ట్ బడ్జెట్ సీఎన్‌జీ కార్లు ఇవే - టాప్-3 లిస్ట్‌లో ఏం ఉన్నాయి?


మన్మోహన్ సింగ్ కారు ధర ఎంత?
మాజీ ప్రధాని మన్మోహన్ సింగ్ 2013లో అస్సాం రాజ్యసభ స్థానం నుంచి అభ్యర్థిత్వం కోసం అఫిడవిట్ దాఖలు చేసినప్పుడు అందులో తన ఆస్తులను ప్రస్తావించారు. మన్మోహన్ సింగ్ కారు కలెక్షన్‌లో 1996 మోడల్ మారుతి 800 ఉందని ఈ అఫిడవిట్ వెల్లడించింది. ఆ సమయంలో మాజీ ప్రధాని ఈ కారును దాదాపు 21 వేల రూపాయలకు కొనుగోలు చేశారని, అందులో 20 వేల రూపాయలు ఆయన భార్య గురుశరణ్ కౌర్ ఇచ్చారని వెల్లడించారు.


మన్మోహన్ సింగ్ మృతికి జాతీయ సంతాపం
మాజీ ప్రధాని మన్మోహన్‌ సింగ్‌ మరణవార్త తెలియగానే దేశవ్యాప్తంగా సంతాపం ప్రకటించారు. ప్రపంచ నలుమూలల నుంచి మాజీ ప్రధానికి నివాళులు అర్పిస్తున్నారు. మన్మోహన్ సింగ్ మరణానంతరం రాష్ట్రపతి భవన్‌లో జాతీయ జెండాను సగానికి ఎగురవేశారు. భారత ప్రభుత్వం కూడా ఈరోజు(2024 డిసెంబర్ 27వ తేదీ) షెడ్యూల్ అయిన అన్ని కార్యక్రమాలను రద్దు చేసింది. మాజీ ప్రధాని డాక్టర్ మన్మోహన్ సింగ్ అంత్యక్రియలను పూర్తి ప్రభుత్వ లాంఛనాలతో నిర్వహించనున్నారు.



Also Read: కవాసకి బైక్‌లపై కళ్లు చెదిరే ఆఫర్లు - ఏకంగా రూ.45 వేల వరకు డిస్కౌంట్!