భారత్‌లో పెద్ద SUVలు ఖరీదు అయినా వాటికి డిమాండ్ పెరుగుతూనే ఉంది. ప్రస్తుతం మార్కెట్లో డిమాండ్ దృష్టిలో ఉంచుకుని ఇప్పుడు కొరియన్ కార్ తయారీ సంస్థ కియా తన ఫ్లాగ్‌షిప్ SUV కియా సోరెంటోను భారత్‌లో లాంచ్ చేసింది. ఈ పెద్ద లగ్జరీ SUV ప్రారంభ ఎక్స్-షోరూమ్ ధర 27.99 లక్షలుగా నిర్ణయించగా, హైదరాబాద్‌లో ఆన్ రోడ్ ధర 35,38,679 గా ఉంది. టాప్-ఎండ్ వేరియంట్ ధర 40 లక్షలకుపైగా ఉంటుంది. భారత మార్కెట్లో దీనికి ఫాక్స్‌వాగన్ టైరాన్, స్కోడా కోడియాక్, టయోటా ఫార్చ్యూనర్ వంటి కార్లతో పోటీ ఉంటుందని భావిస్తున్నారు.

Continues below advertisement

అయితే అత్యంత ప్రత్యేకమైన విషయం ఏమిటంటే, ఆల్-వీల్ డ్రైవ్ ఆప్షన్ ఇచ్చారు. ఇది అన్ని వాతావరణాల్లో, ఆఫ్-రోడింగ్ డ్రైవింగ్‌ను తేలిక చేస్తుంది. మీరు మీ కుటుంబం కోసం ఫీచర్లతో ఉన్న, సురక్షితమైన, పెద్ద SUV కొనాలనుకుంటే కియా సోరెంటో మీకు కొత్త ఆప్షన్‌గా నిలవొచ్చు.

ఈఎంఐ ఎంత చెల్లించాలి..

Continues below advertisement

మీరు కనుక రూ.10,00,000 డౌన్ పేమెంట్ చేస్తే కనుక మిగతా 25.38 లక్షలకు కారు లోన్ ద్వారా ఫైనాన్స్ తీసుకోవాలి. 6 ఏళ్లకు లోన్ తీసుకుంటే 9.5 శాతం వడ్డీతో 72 నెలలపాటు EMI రూ. 46,393 చెల్లించాలి. మొత్తం వడ్డీ రూ.8,01,617 అవుతుంది.

ఒకవేళ 5 ఏళ్లకు లోన్ తీసుకుంటే 60 నెలలపాటు మీరు EMI రూ. 53,316 కడుతూ ఉండాలి. 4 ఏళ్లకు లోన్ తీసుకుంటే 48 నెలలపాటు మీరు EMI రూపంలో రూ.63,779 కట్టాలి. ఈ నాలుగేళ్లలో మీరు వడ్డీ రూ.5,22,713 కడతారు. లోన్ టర్మ్ పెరిగితే ఈఎంఐ తగ్గుతుంది, అదే సయమంలో వడ్డీ పెరుగుతుంది.

Also Read: 2026 Tata Punch EV: 468km రేంజ్ అని కంపెనీ చెప్పింది.. కానీ రియల్ వరల్డ్‌లో ఎంతదూరం వెళ్లిందంటే?

సోరెంటోలో స్ట్రాంగ్ రోడ్ ప్రెజెన్స్

కియా సోరెంటో ఎక్స్‌టీరియర్ డిజైన్ చాలా మోడ్రన్‌గా, బోల్డ్‌గా ఉంటుంది. ముందు భాగంలో కియా సిగ్నేచర్ టైగర్ నోస్ గ్రిల్, నిలువు ఆకారంలోని LED హెడ్‌లైట్లు ఇచ్చారు. కార్ పొడవు, పదునైన కట్స్ దాని సైడ్ ప్రొఫైల్‌ను స్పోర్టీగా మారుస్తాయి. అదనంగా ఇందులో 19 ఇంచుల ప్రీమియం క్రిస్టల్-కట్ అల్లాయ్ వీల్స్, వెనుక భాగంలో నిలువు టెయిల్ ల్యాంప్స్ ఇచ్చారు. మొత్తం డిజైన్ పరంగా చూస్తే, రోడ్డుపై వెళ్తున్నప్పుడు అందరి దృష్టినీ ఆకర్షిస్తుంది.

హైటెక్ ఫీచర్లు

 కార్ కేబిన్‌లో లగ్జరీ, ఫ్యూచరిస్టిక్ అనుభూతి కలుగుతుంది. ఎందుకంటే, డాష్‌బోర్డ్‌పై 12.3-ఇంచ్‌ల రెండు పెద్ద స్క్రీన్లు ఉన్నాయి. వాటిలో ఒకటి ఇన్ఫోటైన్‌మెంట్ కోసం, మరొకటి డ్రైవర్ డిస్‌ప్లే కోసం ఉంటాయి. AI వాయిస్ అసిస్టెంట్, వెంటిలేటెడ్ పవర్డ్ సీట్లు, పానోరామిక్ సన్‌రూఫ్, డిజిటల్ కీ, పవర్డ్ టెయిల్‌గేట్,360-డిగ్రీ కెమెరా వంటి ప్రీమియం ఫీచర్లు ఉన్నాయి. ఈ కారు 6, 7 సీటర్ కాన్ఫిగరేషన్లలో ఉంది. 6-సీటర్ మోడల్‌లో రెండో వరుసలో ఆర్మ్‌రెస్ట్, వెంటిలేషన్ ఫంక్షన్‌తో కూడిన కెప్టెన్ సీట్లు కూడా లభిస్తాయి.

2 ఇంజిన్ ఆప్షన్లు 

పర్ఫార్మెన్స్ విషయానికి వస్తే, కియా సోరెంటో వినియోగదారులకు 2 ఆప్షన్లు ఇస్తుంది. మొదటిది 1.6 లీటర్ టర్బో-పెట్రోల్ స్ట్రాంగ్ హైబ్రిడ్ ఇంజిన్, ఇది ఎలక్ట్రిక్ మోటార్‌తో కలిసి బెస్ట్ పవర్, మంచి ఫ్యూయల్ ఎఫిషియెన్సీ ఇస్తుంది.

రెండోది 2.2 లీటర్ డీజిల్ ఇంజిన్ కాగా, ఇది 193 bhp పవర్, 442 Nm టార్క్‌ను జనరేట్ చేస్తుంది. హైబ్రిడ్, డీజిల్ రెండూ వేరియంట్లలో ఆల్-వీల్ డ్రైవ్ ఆప్షన్ వస్తుంది. ఇందులో వేర్వేరు డ్రైవింగ్, టెరైన్ మోడ్‌లు (స్నో, మడ్, సాండ్) ఉన్నాయి. అన్ని రకాల రోడ్లపై సులువుగా దూసుకెళ్తుంది. 

Also Read: రూ.1.10 లక్షల ధరతో సింపుల్‌ వేవ్‌ ఎలక్ట్రిక్‌ స్కూటర్‌ లాంచ్‌.. సింగిల్‌ ఛార్జ్‌తో 243km తిరిగిరావచ్చు!

వాల్యూ ఫర్ మనీ ప్యాకేజ్

భద్రత పరంగా కియా సోరెంటో చాలా పవర్‌ఫుల్.. ఇందులో ఏకంగా 10 ఎయిర్‌బ్యాగ్స్, లెవల్ 2+ అడ్వాన్స్‌డ్ డ్రైవర్ అసిస్టెన్స్ సిస్టమ్, బ్లైండ్-స్పాట్ మానిటరింగ్, మల్టీ-కొలిజన్ బ్రేకింగ్ వంటి సేఫ్టీ ఫీచర్లు ఉన్నాయి.

దాదాపు 28 లక్షల రూపాయల ప్రారంభ ధరలో హైబ్రిడ్ టెక్నాలజీ, ఆల్-వీల్ డ్రైవ్, 3-రో సీటింగ్ కలయిక దీన్ని తన సెగ్మెంట్‌లో చాలా పోటీగా మారుస్తుంది. టయోటా ఫార్చ్యూనర్ లేదా స్కోడా కోడియాక్‌కు బదులుగా కొత్త టెక్నాలజీతో, ఎక్కువ మైలేజ్‌ ఆప్షన్ కోరుకునే వినియోగదారులకు ఇది పర్ఫెక్ట్ చాయిస్‌గా నిలవనుంది.