Simple Wave Price, Range And Features Telugu: కొత్త ఎలక్ట్రిక్ స్కూటర్ కొనబోతున్నవాళ్లకు గుడ్ న్యూస్. బెంగళూరుకు చెందిన ఈవీ స్టార్టప్ 'సింపుల్ ఎనర్జీ', కొత్త ఫ్యామిలీ స్కూటర్ను మార్కెట్లోకి తీసుకొచ్చింది. 'సింపుల్ వేవ్' (Simple Wave) పేరుతో ఈ స్కూటర్ను లాంచ్ చేసింది. దీని ఎక్స్షోరూమ్ ధర రూ.1.10 లక్షలు. కంపెనీ చెప్పిన ప్రకారం, ఈ EVని ఫుల్గా ఛార్జ్ చేస్తే ఏకంగా 243 కిలోమీటర్లు తిరుగుతుంది.
సింపుల్ వేమ్ ధర, రేంజ్ను చూస్తే... ఏథర్ కోణార్క్, బజాజ్ చేతక్, హీరో విడా & టీవీఎస్ ఐక్యూబ్ వంటి ఎలక్ట్రిక్ స్కూటర్లకు ఇది పోటీ ఇవ్వనుంది.
ఫ్యామిలీ అవసరాలకు తగ్గట్టుగా సింపుల్ వేవ్ను రూపొందించారు. ఈ స్కూటర్లో భారీ స్టోరేజ్ స్పేస్ ప్రధాన ఆకర్షణ అవుతుంది. మొత్తం 70 లీటర్ల స్టోరేజ్ అందుబాటులో ఉంటుంది. ఇందులో.. సీటు కింద ఏకంగా 63 లీటర్ల స్థలం ఉంది. ముందు భాగంలో 3 లీటర్ల క్యూబీ స్పేస్ ఉంటుంది. రైడర్ సీటు ఎడమ వైపున మరో 4 లీటర్ల క్విక్-యాక్సెస్ స్టోరేజ్ పాకెట్ ఉంది.
వేరియంట్లు
సింపుల్ వేవ్లో నాలుగు ప్రధాన వేరియంట్లు ఉన్నాయి. బ్యాటరీ సామర్థ్యాన్ని బట్టి వీటిని అందిస్తున్నారు. బేస్ వేరియంట్ Wave S లో 2.2 కిలోవాట్ అవర్ & 2.7 కిలోవాట్ అవర్ బ్యాటరీ ఎంపికలు ఉన్నాయి. కంపెనీ వెల్లడించిన ప్రకారం వీటి రేంజ్ వరుసగా 110 కిలోమీటర్లు & 132 కిలోమీటర్లు.
వేవ్ (Wave) వేరియంట్లో 3.7 కిలోవాట్ అవర్ బ్యాటరీని ఇచ్చారు. ఇది సింగిల్ ఛార్జ్తో 171 కిలోమీటర్ల వరకు ప్రయాణించగలదని కంపెనీ చెబుతోంది. టాప్ వేరియంట్ వేవ్ ప్లస్ (Wave + 5)లో భారీ 5 కిలోవాట్ అవర్ బ్యాటరీ ఉంది. ఇది ఒక్కసారి ఛార్జ్ చేస్తే 243 కిలోమీటర్ల వరకు ప్రయాణిస్తుందని కంపెనీ పేర్కొంది. ఈ విభాగంలో ఇదే అత్యధిక రేంజ్ అని సింపుల్ ఎనర్జీ చెబుతోంది.
పవర్ట్రెయిన్ విషయంలో కూడా కంపెనీ కొన్ని మార్పులు చేసింది. 6.4 కిలోవాట్ మోటార్తో పాటు బ్యాటరీ నిర్వహణ వ్యవస్థను థర్డ్ జనరేషన్ స్థాయికి అప్డేట్ చేసింది. మోటార్ సైజును కూడా 15 శాతం తగ్గించింది.
ఇది కూడా చదవండి: రూ.లక్ష లోపే వచ్చే పవర్ఫుల్ 125cc బైక్స్ - యూత్ మెచ్చిన టాప్-5 లిస్ట్ మీ కోసం!
ఛార్జింగ్ సమయం
2.2 కిలోవాట్ అవర్ బ్యాటరీని 0 నుంచి 80 శాతం వరకు ఛార్జ్ చేసేందుకు 2 గంటల 15 నిమిషాలు పడుతుందని కంపెనీ తెలిపింది. మిగిలిన వేరియంట్ల ఛార్జింగ్ సమయాలను కంపెనీ ఇంకా వెల్లడించలేదు. అన్ని వేరియంట్లతోనూ 750 వాట్ల ఛార్జర్ను స్టాండర్డ్గా అందిస్తోంది.
డిజైన్ పరంగా కూడా వేవ్కు కొత్త రూపం ఇచ్చారు. సింపుల్ వన్ మాదిరిగా స్పోర్టీగా కాకుండా మరింత సున్నితమైన ఆకృతిని తీసుకొచ్చారు. సీటు పొడవు 920 మిల్లీమీటర్లు ఉంటుంది. దేశంలోనే అత్యంత పొడవైన సీట్లలో ఇదొకటిగా కంపెనీ తెలిపింది.
Wave S వేరియంట్లలో మూడు రైడింగ్ మోడ్లు ఉంటాయి. ఎకోఎక్స్, ఎకో & రైడ్ మోడ్లు అందుబాటులో ఉంటాయి. వీటి గరిష్ఠ వేగం గంటకు 75 కిలోమీటర్లు. వేవ్ & వేవ్ ప్లస్ వేరియంట్లలో స్పోర్ట్స్ మోడ్ కూడా ఉంటుంది. వీటి గరిష్ఠ వేగం గంటకు 90 కిలోమీటర్లు.
అన్ని వేరియంట్లలో కంబైన్డ్ బ్రేకింగ్ సిస్టమ్ను అందించారు. ఖర్చును తగ్గించేందుకు వెనుక డిస్క్ బ్రేక్ స్థానంలో డ్రమ్ బ్రేక్ ఇచ్చారు. గ్రిప్సెన్స్ అనే ఫీచర్ను మాత్రం హైయ్యర్ వేరియంట్లకు పరిమితం చేశారు.
సీటు ఎత్తు 775 మిల్లీమీటర్లు. గ్రౌండ్ క్లియరెన్స్ 175 మిల్లీమీటర్లు. బేస్ Wave S బరువు 124.5 కిలోలు. Wave బరువు 121 కిలోలు. టాప్ Wave + బరువు 128 కిలోలు.
ఇది కూడా చదవండి: ధర నుంచి పవర్, రేంజ్ వరకు.. ఏథర్ కోణార్క్ ఎస్ 125కి పోటీగా నిలిచే స్కూటర్లు ఏవి?
ధరలు
| వేరియంట్ | ధర (ఎక్స్షోరూమ్) |
| Wave S 2.2 | రూ. 1.10 లక్షలు |
| Wave S 2.7 EBN | రూ. 1.40 లక్షలు |
| Wave S 2.7 TFT | రూ. 1.50 లక్షలు |
| Wave 3.7 EBN | రూ. 1.60 లక్షలు |
| Wave 3.7 TFT | రూ. 1.75 లక్షలు |
| Wave + 5 | రూ. 1.90 లక్షలు |
ఈ ఎలక్ట్రిక్ స్కూటర్ డెలివరీలు సెప్టెంబర్ 25, 2026 నుంచి ప్రారంభం అవుతాయి. అయితే, అన్ని వేరియంట్ల డెలివరీలు ఒకే తేదీ నుంచే మొదలవుతాయా అనే విషయాన్ని కంపెనీ స్పష్టం చేయలేదు.
ఇంకా ఇలాంటి ఆటోమొబైల్ వార్తలు & అప్డేట్స్ కోసం "ABP దేశం" 'ఆటో' సెక్షన్ని ఫాలో అవ్వండి.