Driving In Dense Fog : శీతాకాలంలో పొగమంచు కారణంగా రోడ్లపై ప్రయాణం చేయడం చాలా క్లిష్టమవుతుంది. ముఖ్యంగా పొగమంచు కారణంగా కనిపించే దూరం తగ్గిపోవడం వల్ల ప్రమాదాల రిస్క్ చాలా పెరుగుతుంది. అయితే కొన్ని జాగ్రత్తలు పాటించడం ద్వారా మంచు ఉన్న రోడ్లపై సురక్షితంగా డ్రైవ్ చేయవచ్చు.
ముఖ్యమైన జాగ్రత్తలు:
1. తక్కువ బీమ్ లైట్లను ఉపయోగించండి:
పొగమంచు ఉన్నప్పుడు తక్కువ బీమ్లను (Low Beams) వాడడం చాలా అవసరం. చాలా మంది హై బీమ్లను వాడడం మంచి ఆలోచన అని అనుకుంటారు. కానీ హై బీమ్లకు నీటి బిందువులపై ప్రతిబింబం ఎక్కువగా ఏర్పడి, గ్లేర్ పెరుగుతుంది. ఇది కనిపించే దూరాన్ని మరింత తగ్గిస్తుంది. తక్కువ బీమ్లు రోడ్డు మీదకు సరైన వెలుతురు నింపడంతోపాటు గ్లేర్ను తగ్గిస్తాయి.
2. డిఫాగర్ని ఆన్ చేయండి:
చలికాలంలో కారులోని లోపల వెచ్చని వాతావరణం, బయట చల్లని వాతావరణం వల్ల విండోపై ఆవిరి చేరుతుంది. దీని వల్ల విండో స్పష్టంగా కనిపించదు. కాబట్టి, డ్రైవింగ్ సమయంలో డిఫాగర్ను ఆన్ చేసి, విండోలను స్పష్టంగా కనిపించేలా చేయాలి.
3. ముందు వాహనానికి దూరంగా ఉండండి :
శీతా కాలంలో పొగమంచు జోరుగా కురుస్తున్న సమయంలో వాహనం హఠాత్తుగా బ్రేక్ వేయగానే ప్రతిస్పందించేందుకు తగిన సమయం పడుతుంది. పొగమంచు కారణంగా వాహనం జారుతుంది. కనీసం రెండు వాహనాల దూరం ఉండే విధంగా డ్రైవ్ చేయాలి.
4. ఫాగ్ లైట్లను వాడండి:
పొగమంచు కోసం ప్రత్యేకంగా తయారు చేసిన ఫాగ్ లైట్లు ఉంటే, అవి మరింత ప్రభావవంతంగా పనిచేస్తాయి. ఎక్కువ పసుపు రంగు కాంతి కంటే క్రమపద్ధతిలో పనిచేసే ఫాగ్ లైట్లు పొగమంచులో మంచిగా కనిపిస్తాయి.
5. సైడ్ మిర్రర్లు పరిశుభ్రంగా ఉంచండి:
వెనుక నుండి వచ్చే వాహనాలను సరిగ్గా గమనించేందుకు సైడ్ మిర్రర్లు పరిశుభ్రంగా ఉండేలా చూసుకోవాలి. అలాగే, టర్నింగ్ చేసేటప్పుడు లేదా ఆగేటప్పుడు ఎప్పుడూ సిగ్నల్స్ వాడాలి.
6. వాహనాన్ని పక్కన ఆపకండి:
తీవ్రమైన పొగమంచులో రోడ్డుపై వాహనాన్ని పక్కన ఆపడం ప్రమాదకరమవుతుంది. అత్యవసర పరిస్థితుల్లో ఆగాల్సి వస్తే, హాజర్డ్ లైట్లు ఆన్ చేయండి.
7. పేషెన్స్తో డ్రైవ్ చేయండి:
పొగమంచు ఉన్నప్పుడు స్పీడ్ తగ్గించి పేషెన్స్ తో డ్రైవ్ చేయాలి. అత్యవసరమైతే తప్ప ఓవర్టేకింగ్ చేయడం ప్రమాదకరం. క్రమశిక్షణతో లైన్లోనే ఉండి, అనవసరమైన లైన్ మార్పులు చేయకుండా ఉండాలి.
8. ఫోన్ వాడడం తగ్గించండి :
పొగమంచు కారణంగా కనిపించే దూరం తగ్గిపోతుంది. అందువల్ల జాగ్రత్త డైవ్ చేయాలి. డ్రైవింగ్ చేసేటప్పుడు ఏకాగ్రత అవసరం. ఆ సమయంలో వాహనంలో మ్యూజిక్, రేడియో వంటివాటిని తగ్గించండి. ఫోన్ ఉపయోగాన్ని మానుకోవడం ఉత్తమం. వాహనంలో కిటికీలు ఓపెన్ చేసి బయట వాహనాల సౌండ్ను గుర్తించగలగాలి.
చివరగా పొగమంచు ఉన్న రోడ్లపై డ్రైవింగ్ చేసే ముందు పూర్తిగా జాగ్రత్తలు తీసుకోవడం తప్పనిసరి. తక్కువ బీమ్లను ఉపయోగించడం, డిఫాగర్ను ఆన్ చేయడం, ముందున్న వాహనానికి దూరంగా ఉండటం వంటి జాగ్రత్తలు పాటించడం ద్వారా రోడ్లపై ప్రమాదాలను తగ్గించవచ్చు. ప్రాధాన్యత ఎల్లప్పుడూ సురక్షిత ప్రయాణానికే ఇవ్వాలి.
Also Read: భారత మార్కెట్లో 5-స్టార్ సేఫ్టీ రేటింగ్ కు సీక్రెట్ గా సిద్ధమవుతోన్న మారుతి స్విఫ్ట్ ?