Venus Transit November 2024 In Sagittarius : జ్యోతిష్య శాస్త్రంలో శుక్రుడిని విలాసాల అధిపతిగా పిలుస్తారు. భౌతిక ఆనందం, వైవాహిక ఆనందం, అందం, ఉద్యోగం, వ్యాపారం, కళారంగాల కారకుడిగా పరిగణిస్తారు. శుక్రుడి సంచారాన్ని బట్టి ఓ వ్యక్తి జాతకం ఏం రేంజ్ లో ఉందో చెప్పేస్తారు. నవంబరు 06 వరకూ వృశ్చిక రాశిలో ఉన్న శుక్రుడు నవంబరు 07 నుంచి ధనస్సురాశిలో సంచరిస్తాడు. డిసెంబరు 07 వరకూ ఇదే రాశిలో ఉంటాడు. శుక్రుడి సంచారం వల్ల ఈ రాశులవారికి అదృష్టం కలసొస్తుంది. అందులో మీ రాశి ఉందేమో చూసుకోండి.
మేష రాశి (Aries)
ధనస్సు లోకి శుక్రుడి రాశిమార్పు మేష రాశివారికి శుభప్రదం కానుంది. అదృష్టం అనుకూలంగా ఉంటుంది. కెరీర్‌లో సానుకూల ఫలితాలను పొందుతారు. చేపట్టిన పనిలో విజయం సాధిస్తారు. ఆదాయం పెరుగుతుంది. మతపరమైన కార్యక్రమాల్లో పాల్గొంటారు. దానధర్మాలు చేస్తాను. ఆరోగ్యం బాగుంటుంది. కుటుంబ జీవితంలో సంతోషం ఉంటుంది.
Also Read: నవంబరు 12 or 13 క్షీరాబ్ధి ద్వాదశి ఎప్పుడు - కార్తీకమాసంలో ఈ రోజుకి ఎందుకంత ప్రాధాన్యత!
మిథున రాశి (Gemini)
ఈరాశివారికి శుక్రుని సంచారం శుభప్రదం అవుతుంది. వైవాహిక జీవితం సంతోషంగా ఉంటుంది. జీవిత భాగస్వామితో ఎక్కువ సమయం గడిపే అవకాశం లభిస్తుంది. ఉద్యోగ, వ్యాపారాలలో లాభసాటి అవకాశాలు ఏర్పడతాయి. ఆర్థిక పరిస్థితి బాగుంటుంది. ఆదాయ వనరులు పెరిగే అవకాశం ఉంది. మీరు మీ పనిలో విజయం సాధిస్తారు. కుటుంబ వాతావరణం ఆహ్లాదకరంగా, సహకారంగా ఉంటుంది.
కన్యా రాశి (Virgo)
ధనుస్సు రాశిలో శుక్ర సంచారం కన్యారాశి వారి జీవితంలో చాలా సానుకూల మార్పులను తెస్తుంది. మీ మాటల్లో మాధుర్యం ఆకట్టుకుంటుంది. ఆధ్యాత్మిక కార్యక్రమాల పట్ల ఆసక్తి ఉంటుంది. ఆర్థికంగా మీరు మెరుగైన స్థితిలో ఉంటారు. కొన్ని పనులు అదృష్టవశాత్తూ పూర్తవుతాయి. ఉద్యోగులు కార్యాలయంలోని ఉన్నత అధికారుల నుంచి ప్రశంసలు అందుకుంటారు.
Also Read: కార్తీక పౌర్ణమి ఈ ఏడాది (2024) ఎప్పుడొచ్చింది - ఈ రోజు విశిష్టత ఏంటి!
తులా రాశి (Libra)
శుక్రుడు ధనుస్సు రాశిలోకి ప్రవేశించడం తులా రాశివారికి శుభప్రదం. ఈ సమయంలో వృత్తి, వ్యాపారాలలో విజయావకాశాలు ఉంటాయి. అదృష్ కలిసొస్తుంది. ధనలాభం ఉంటుంది. ఆర్థిక సమస్యలు దూరమవుతాయి. ప్రేమ వ్యవహారాలు అనుకూలంగా ఉంటాయి. ఆరోగ్యం బాగుంటుంది. సంతానం కారణంగా సంతోషంగా ఉంటారు.
కుంభ రాశి (Aquarius)
ధనుస్సు రాశిలో శుక్రుని ప్రవేశం కుంభరాశి వారికి శుభప్రదం. నిరుద్యోగులు మంచి ఉద్యోగంలో స్థిరపడతారు. ఉద్యోగులు ఉన్నత ఉద్యోగం పొందుతారు. ప్రేమ సంబంధాలు కలిసొస్తాయి. కుటుంబానికి సమయం కేటాయిస్తారు. ఆర్థిక పరిస్థితి మెరుగుపడుతుంది. పెండింగ్ లో ఉన్న డబ్బు చేతికందుతుంది. నూతన పెట్టుబడులు పెట్టేందుకు ఇదే మంచి సమయం. కుటుంబ జీవితంలో సంతోషం ఉంటుంది.
Also Read: కార్తీకమాసం ఎప్పటి నుంచి ఎప్పటి వరకు, కార్తీక పౌర్ణమి సహా ముఖ్యమైన రోజులివే!
Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.