2024 Horoscope Today 10 Augsut:ఆగష్టు 10 రాశిఫలాలు - ఈ రాశులవారు ఆస్తులకు సంబంధించిన విషయాల్లో తొందరపాటు నిర్ణయాలు వద్దు!

Horoscope Prediction 10 August 2024 : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

Daily Horoscope for 10 August 2024 

మేష రాశి

ఈ రోజు మేష రాశివారు ప్రతికూల ఆలోచనలకు దూరంగా ఉండండి. సమాజంలో మీ హోదా పెరుగుతుంది. మీ ప్రియమైన వారి భావాలు గౌరవించండి. తెలివైన వారి సహవసాన్ని పొందుతారు. రుచికరమైన ఆహారం ఆస్వాదిస్తారు.మీ ఆర్థిక పరిస్థితి మెరుగుపడుతుంది. 

వృషభ రాశి

ఈ రాశివారు రానున్న రోజుల్లో మంచి ప్రయోజనాలు పొందుతారు. ఉద్యోగులు కార్యాలయంలో పనితీరుతో ప్రశంసలు పొందుతారు. పెండింగ్ లో ఉన్న ప్రభుత్వ వ్యవహారాలు పూర్తవుతాయి. ఇప్పటికే అప్పులు ఇచ్చినవారు చాలా నష్టపోతారు. వ్యసనాలకు దూరంగా ఉండటానికి ప్రయత్నించండి.  

మిథున రాశి

మీరు చేసిన తప్పులను సరిదిద్దుకోవడానికి ప్రయత్నించండి. ఇతరుల వ్యవహారాలపై ప్రత్యేక దృష్టి పెట్టడం వల్ల మీ పని చెడిపోతుంది. పెద్దవారిపట్ల సేవాభావం పెంచుకోండి. మీరు ఏ పని ప్రారంభించినా కుటుంబ సభ్యుల సలహాలు స్వీకరించడం మంచిది.ఈ రాశి విద్యార్థులు ఉన్నత విద్యలో సమస్యలు ఎదుర్కొంటారు. 

కర్కాటక రాశి

ఈ రోజు మీరు ఆర్థిక విషయాలలో మీరు అదృష్టవంతులుగా ఉంటారు. దినచర్య బాగానే ఉంటుంది. సోదరులు, సోదరీమణుల నుంచి సహకారం అందుతుంది. ఆస్తి విషయాల్లో తొందరపాటు నిర్ణయాలు తీసుకోవద్దు. 

సింహ రాశి 

ఈ రోజు సీనియర్లు మీకు మంచి సహకారం అందిస్తారు. మనసులో ఉన్న సందిగ్ధత తొలగిపోతుంది. మీ కలలు నెరవేరుతాయి. మీరు తెలివైన వ్యక్తుల సాంగత్యాన్ని పొందుతారు. మీ పనిపై పూర్తి దృష్టిని కేంద్రీకరించండి.

కన్యా రాశి

ఆర్థిక సంబంధిత విషయాల్లో జాగ్రత్తగా వ్యవహరించాలి.  అధికారులు మీపై నమ్మకం కోల్పోవచ్చు. ఉద్యోగులు పనిని శ్రద్ధగా చేస్తారు. వ్యాపారులు నూతన పెట్టుబడులు పెట్టేందుకు ప్రణాళికలు వేసుకుంటారు. 

తులా రాశి

ఈ రోజు ఊహించిన దానికంటే ఎక్కువ లాభం ఉంటుంది. ఇంట్లో కొన్ని ఆధ్యాత్మిక కార్యక్రమాలు నిర్వహిస్తారు. వైవాహిక జీవితంలో సంతోషం పెరుగుతుంది. ఆరోగ్యం బావుంటుంది. కుటుంబంలో సంతోషం పెరుగుతుంది. 

వృశ్చిక రాశి 

ఈ రోజు మీ దినచర్యలో మార్పులుంటాయి. అనవసరమైన పనులకోసం సమయం వృధా చేస్తారు. మీడియాతో సంబంధం ఉన్న వ్యక్తులు జాగ్రత్తగా ఉండాలి. రోజు ప్రారంభంలో ముఖ్యమైన మరియు అవసరమైన పనులను చేయడం ఆహ్లాదకరంగా ఉంటుంది. సన్నిహితులతో విభేదాలు వచ్చే అవకాశం ఉంది. 

ధనుస్సు రాశి

ఈ రాశి నిరుద్యోగులు మంచి ఉద్యోగంలో స్థిరపడతారు. అనారోగ్య సమస్యల నుంచి బయటపడతారు. మీకు భవిష్యత్ లో ఉపయోగపడే వ్యక్తులతో పరిచయం ఏర్పడుతుంది.  అనుకున్న పనులన్నీ పూర్తిచేస్తారు. మీ కలలు నెరవేర్చుకునేందుకు కృషి చేయండి.  

మకర రాశి

ఈ రోజు వృత్తి, ఉద్యోగం, వ్యాపారంలో శుభఫలితాలు పొందుతారు. మీ పరిచయాలు పెరుగుతాయి. కుటుంబానికి సమయం కేటాయించండి. పిల్లపై ఆగ్రహం ప్రదర్శించవద్దు. కొత్తగా చేపట్టాలి అనుకున్న పనులను ఈ రోజు ప్రారంభించకపోవడమే మంచిది. 

కుంభ రాశి

ఈ రోజు  ఇంట్లో మీ బాధ్యతలు మరింత  పెరుగుతాయి. విద్యార్థులు చదువుపై మరింత దృష్టి సారించాలి. నిరుద్యోగులు మంచి అవకాశాలు పొందుతారు. నూతన వ్యాపారం ప్రారంభించే అవకాశం ఉంది. 

మీన రాశి 

ఈ రోజు మీ కోపాన్ని అదుపులో ఉంచుకోండి. ఇతరుల విషయాలలో జోక్యం చేసుకోవద్దు. మారుతున్న వాతావరణ ప్రభావం మీ ఆరోగ్యంపై పడుతుంది. మిత్రులతో విభేదాలు ఏర్పడే అవకాశం ఉంది.  

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.