Severe Fire Accident in Byjus Building in Gajuwaka: విశాఖ గాజువాకలో (Gajuwaka) మంగళవారం ఉదయం అగ్ని ప్రమాదం సంభవించింది. ఆకాశ్ బైజూస్ విద్యా సంస్థలో భారీ ప్రమాదం జరిగింది. మెయిన్ రోడ్ లోని వైభవ్ జ్యూవెలరీ షాప్ రెండో అంతస్తులో మంటలు చెలరేగాయి. సమాచారం అందుకున్న అగ్ని మాపక సిబ్బంది వెంటనే అక్కడికి చేరుకుని మంటలు ఆర్పుతున్నారు. విద్యుత్ షార్ట్ సర్క్యూటే ప్రమాదానికి కారణమా.? లేక మరేదైనా కారణమా.? అనేది అధికారులు విచారిస్తున్నారు. ప్రమాదంలో ఎవరికీ ఎలాంటి హానీ జరగలేదని తెలిపారు. బిల్డింగ్ లో సగానికి పైగా మంటల్లో చిక్కుకున్నట్లు తెలుస్తోంది. ఈ ఘటనలో ఇనిస్టిట్యూట్ లోని కంప్యూటర్లు, స్టడీ మెటీరియల్ పూర్తిగా దగ్ధమయ్యాయి. భారీగా ఆస్తి నష్టం ఉండొచ్చని సంస్థ యాజమాన్యం చెబుతోంది. ఈ ఘటనతో స్థానికులు ఒక్కసారిగా భయాందోళనకు గురయ్యారు.
Also Read: Tanuku Janasena: తణుకులో జనసేన సీటు కోసం రచ్చ! రెండు వర్గాల మధ్య తీవ్ర ఉద్రిక్తత