ఏపీ సీఎం చంద్రబాబు పుట్టినరోజు సందర్భంగా టీడీపీ అధినేతకు రాజకీయ, సినీ, వ్యాపారం, ఇతర రంగాల ప్రముఖులు జన్మదిన శుభాకాంక్షలు తెలుపుతున్నారు.
తెలంగాణ సీఎం విషెష్..
అనితర సాధ్యుడు చంద్రబాబు- పవన్ కళ్యాణ్
డిప్యూటీ సీఎం పవన్ కళ్యాణ్ ఏపీ సీఎం చంద్రబాబుకు బర్త్ డే విషెష్ తెలిపారు. ఆర్థికంగా కుంగిపోయి.. అభివృద్ది అగమ్యగోచరంగా తయారై.. శాంతిభద్రతలు క్షీణించిపోయిన ఒక రాష్ట్ర ప్రగతిని పునర్జీవింప చేయడం చంద్రబాబు లాంటి దార్శనికునికి మాత్రమే సాధ్యమన్నారు. అటువంటి పాలనాదక్షునికి హృదయపూర్వక జన్మదిన శుభాకాంక్షలు అని పవన్ కళ్యాణ్ పోస్ట్ చేశారు. నాలుగో పర్యాయం సీఎంగా బాధ్యతలు నిర్వర్తిస్తున్న చంద్రబాబు విజన్, నిరంతరం పనిలో చూపే ఉత్సాహం అద్భుతమని కొనియాడారు. భవిష్యత్తును ముందుగానే అంచనా వేసి అందుకు అనుగుణంగా వ్యవస్థలను నడిపించే విధానం స్ఫూర్తిదాయకం అన్నారు. వజ్రోత్సవ జన్మదిన శుభ సమయాన చంద్రబాబుకు సంపూర్ణ ఆయుషును, ఆనందాన్ని ప్రసాదించాలని ఆ భగవంతుణ్ణి ప్రార్థించారు.
బీఆర్ఎస్ వర్కింగ్ ప్రెసిడెంట్ కేటీఆర్ ఏపీ సీఎం చంద్రబాబుకు పుట్టినరోజు శుభాకాంక్షలు తెలిపారు. ఆయన ఆయురారోగ్యాలతో జీవించాలని ఆకాంక్షించారు. ప్రజలకు సేవ చేస్తూనే ఉండాలని ఎక్స్ ఖాతాలో పోస్ట్ చేశారు.