ఆంధ్రప్రదేశ్ రాష్ట్రంలో ఉద్యోగాల భర్తీకి సంబంధించి రాజ్యసభ్య సభ్యుడు విజయసాయిరెడ్డి కీలక ప్రకటన చేశారు. ఏపీలో 1,180 ఉద్యోగాల భర్తీకి త్వరలోనే నోటిఫికేషన్ విడుదల కానున్నట్లు ట్వీట్ చేశారు. ఈ పోస్టుల నోటిఫికేషన్ ను ఏపీపీఎస్సీ త్వరలోనే జారీ చేయనుందని చెప్పారు. దీనికి సంబంధించి ఏపీ ప్రభుత్వం జీవో జారీ చేసిన విషయాన్ని ప్రస్తావించారు. దీంతో పాటుగా.. ఈడబ్ల్యూఎస్‌ కోటా అమలుకు ఉత్తర్వులు ఇచ్చిందని చెప్పారు. కాగా, ఏపీలో 1,180 పోస్టుల భర్తీకి ప్రభుత్వం ఇటీవల గ్రీన్ సిగ్నల్ ఇచ్చింది. ఈ పోస్టులను జాబ్‌ క్యాలెండర్‌లో చేర్చాలని అధికారులను ఆదేశించింది. వీటి భర్తీ ప్రక్రియ చేపట్టాల్సిందిగా ఏపీపీఎస్సీకి (APPSC) ఆదేశాలు జారీ చేసింది. విభాగాల వారీగా జారీ చేసే పోస్టుల వివరాలతో రాష్ట్ర ఆర్థిక శాఖ ఉత్తర్వులు సైతం జారీ చేసింది. ఈ 1,180 పోస్టులకు ఈడబ్ల్యూఎస్‌ రిజర్వేషన్లు అమలు చేయాలని ఆదేశాల్లో పేర్కొన్నారు.
విభాగాల వారీగా పోస్టుల వివరాలు..
అసిస్టెంట్ ఇంజనీర్లు- 190, యునానీ విభాగంలో మెడికల్ ఆఫీసర్- 26, ఆయుర్వేద విభాగంలో మెడికల్ ఆఫీసర్- 72, హోమియోపతి విభాగంలో మెడికల్ ఆఫీసర్- 53, ఆయుష్‌ విభాగం డాక్టర్‌ ఎన్‌ఆర్‌ఎస్‌‌జీఏసీలో లెక్చరర్- 3, జూనియర్ అసిస్టెంట్, కంప్యూటర్‌ అసిస్టెంట్- 670, ఎగ్జిక్యూటివ్ ఆఫీసర్లు గ్రేడ్ 3 (ఎండోమెంట్)- 60 , హోమియో విభాగంలో లెక్చరర్ పోస్టులు- 24, తెలుగు రిపోర్టర్ (లెజిస్లేచర్)- 5, జూనియర్ లెక్చరల్ ఏపీఆర్ఈఐ సొసైటీ- 10, డిస్ట్రిక్ట్ పబ్లిక్ రిలేషన్స్ ఆఫీసర్- 4, అసిస్టెంట్ కన్జర్వేటర్, ఫారెస్టు సర్వీస్- 9, డిగ్రీ లెక్చరర్ ఏపీఆర్ఈఐ సొసైటీ- 5, ఇంగ్లిష్ రిపోర్టర్ (లెచిస్లేచర్)- 10, హార్టికల్చర్ ఆఫీసర్- 39