తెలుగుదేశం పార్టీ అధ్యక్షుడు చంద్రబాబు నాయుడు ఇంటిని వైఎస్ఆర్ కాంగ్రెస్ పార్టీ కార్యకర్తలు ముట్టడించడం, అక్కడ ఘర్షణ పూరిత వాతావరణం ఏర్పడటం వంటి పరిణామాలపై టీడీపీ జాతీయ ప్రధాన కార్యదర్శి నారా లోకేష్ తీవ్రంగా స్పందించారు. ఆయన వరుస ట్వీట్లతో వైఎస్ఆర్ కాంగ్రెస్ పార్టీ అధ్యక్షుడు, ముఖ్యమంత్రి జగన్మోహన్ రెడ్డి తీరుపై మండిపడ్డారు. ప్రతిపక్ష నేత ఇంటిపైకి గూండాలను పంపావంటనే ఎంత భయపడుతున్నావో అర్థం అవుతోందని ... ఇంత కన్నా దిగజారడానికి ఏమీ లేదనుకున్న ప్రతీ సారి అంత కంటే దారుణంగా దిగజారిపోతున్నారని మండిపడ్డారు.
తాడేపల్లిలోని జగన్ ఇంటి నుంచి చంద్రబాబు ఇంటికి ఎంత దూరమో... చంద్రబాబు ఇంటి నుంచి తాడేపల్లిలోని జగన్ ఇంటికి కూడా అంతే దూరమని గుర్తుంచుకోవాలని హెచ్చరించారు. అలా వచ్చే రోజు కూడా ఎంతో దూరంలో లేదని గుర్తుంచుకోవాలన్నారు.
Also Read : రౌడీయిజం మీదంటే మీది ! ఉండవల్లి ఘటనపై టీడీపీ, వైఎస్ఆర్‌సీపీ పరస్పర విమర్శలు !
జనం తిరగబడే రోజులు వచ్చాయని జగన్‌కు లోకేష్ స్పష్టం చేశారు. ప్రతిపక్షంపైకి వాళ్లనూ వీళ్లను పంపడం ఎందుకని జగనే నేరుగా రావాలని నారా లోకేష్ సవాల్ చేశారు. చంద్రబాబు క్రూర స్వభావం ఉన్న వారు కాదని టీ, స్నాక్స్ పెట్టి అభివృద్ధి ఎలా చేయాలో నేర్పిస్తారన్నారు. Also Read: జేసీ వర్సెస్ కాల్వ ! అనంత టీడీపీలో పెరిగిపోతున్న గ్రూపుల గోల !
అలా కాదు బ్లేడ్ బ్యాచ్‌లను వేసుకుని వచ్సేస్తానంటే మీ సరదాను మేమేందుకు కాదంటామని.. వడ్డీతో సహా తిరిగిచ్చేస్తామని స్పష్టం చేశారు. నారా లోకేష్ ట్వీట్లు వైరల్ అవుతున్నాయి.
తెలుగుదేశం పార్టీ నేతలు పార్టీ అధ్యక్షుడి ఇంటిపై వైఎస్ఆర్ కాంగ్రెస్ పార్టీ నేతలు దాడి చేసినట్లుగానే భావిస్తున్నారు. తెలుగుదేశం పార్ఏటీ నేతలందరూ ఈ అంశాన్ని ఏపీలో శాంతి భద్రతలు ఎంత దారుణంగా ఉన్నాయన్న కోణంలో ప్రజల ముందు పెట్టాలన్న ప్రయత్నం చేస్తున్నారు. ఈ కోణంలో నారా లోకేష్ ట్వీట్లను టీడీపీ నేతలు వైరల్ చేస్తున్నారు. నేరుగా జగన్‌కు చాలెంజ్ చేయడంతో వైసీపీ నేతల స్పంద ఎలా ఉంటుదన్న ఆసక్తి ఏర్పడింది.
Also Read: తెలుగు రాష్ట్రాలకు కొత్త చీఫ్ జస్టిస్‌లు