ప్రతీక్ విట్టల్ మోహితే.. 3.3 అడుగులు ఉండే ఈ మహారాష్ట్ర కుర్రాడు ఏకంగా గిన్నిస్ ప్రపంచ రికార్డుల్లోకెక్కాడు. 2022 ఎడిషన్కు సంబంధించి విట్టల్.. ప్రపంచలోనే అత్యంత పొట్టి బాడీబిల్డర్గా రికార్డు సృష్టించాడు. గిన్నిస్ వెబ్సైట్ ప్రకారం.. విట్టల్ 2012లో బాడీబిల్డింగ్ మొదలుపెట్టాడు.
ఎగతాళిని ఎదుర్కొని..
102 సెమీ (3 అడుగుల నాలుగు ఇంచులు) మాత్రమే ఉండటంతో చాలా మంది విట్టల్ను ఎగతాళి చేసేవారు. అలా ఎగతాళి చేసినవాళ్లే శభాష్ అనేలా మారాలని అనుకున్నాడు విట్టల్. బాడీబిల్డింగ్ చేద్దామనుకున్నాడు. కానీ జిమ్ పరికరాలు పెద్దగా ఉండటం వల్ల పట్టుకోవడానికి కూడా ఇబ్బంది పడేవాడు విట్టల్. అది చూసి చాలా మంది నవ్వేవారు. కానీ ఏది ఏమైనా సరే అనుకున్నది సాధించాడు. గిన్నిస్ ప్రపంచ రికార్డ్ను అందుకున్నాడు.
గత మూడేళ్లలో మొత్తం 41 పోటీల్లో విట్టల్ పాల్గొన్నాడు. కొన్ని ఈవెంట్లకు అతిథిగా వెళ్లాడు. తనని ఒకప్పుడు ఎగతాళి చేసినవారే ఇప్పుడు తనను మర్యాదగా ఆహ్వానిస్తున్నారని విట్టల్ అంటున్నాడు.
మిగిలిన గిన్నిస్ వీరులు..
2022 ఎడిషన్లో ఇతర విభాగాల్లో గిన్నిస్ రికార్డులు సాధించిన వాళ్ల వివరాలను సంస్థ వెల్లడించింది. ప్రపంచలోనే అత్యంత పొడవైన బాడీబిల్డర్గా నెదర్లాండ్స్కు చెందిన ఓలివర్ రిచ్టర్స్ నిలిచాడు. ఆయన ఎత్తు 218.3 సెమీ (7.1 అడుగులు).
మహిళల్లో అత్యంత పొడవైన బాడీబిల్డర్గా మరియా వాట్టెల్ (నెదర్లాండ్స్) రికార్డుల్లోకెక్కింది. ఆమె ఎత్తు 182.7 సెమీ (5.9 అడుగులు)