ఆండ్రాయిడ్ యూజర్లు తమ ఛాట్‌లను గూగుల్ డ్రైవ్‌లో ఉచితంగా బ్యాకప్ చేసుకునే సదుపాయాన్ని వాట్సాప్ కల్పిస్తోంది.

మీరు మెసేజ్‌లు, ఫోటోలు, వీడియోలు బ్యాకప్ తీసుకోవచ్చన్న మాట.

దీని ప్రయోజనం ఏమిటంటే మీరు ఫోన్‌ మార్చినప్పుడు డేటా సులభంగా కొత్త ఫోన్‌కి ట్రాన్స్‌ఫర్ అవుతుంది.

ఇప్పటికి మీరు గూగుల్ ఖాతాతో ఎంత డేటానైనా ఉచితంగా బ్యాకప్ చేయవచ్చు.

ఆండ్రాయిడ్‌లో దాదాపు గత ఐదు సంవత్సరాలుగా ఛాట్ బ్యాకప్ ఉచితంగా ఉంది.

కానీ కొత్త సంవత్సరం నుంచి ఈ రూల్ మారనుంది.

ఇప్పుడు ఆండ్రాయిడ్ యూజర్లు తమ ఛాట్‌లను గూగుల్ డ్రైవ్ అకౌంట్ స్టోరేజ్‌తో మాత్రమే బ్యాకప్ చేసుకోవాలి.

అంటే మీ గూగుల్ ఖాతాలో ఎంత స్టోరేజ్ ఉందో అంత మాత్రమే బ్యాకప్ అవుతుంది.

గూగుల్ అకౌంట్ స్టోరేజ్ తక్కువగా ఉంటే మీరు గూగుల్ నుంచి స్టోరేజ్‌ను కొనుగోలు చేయాలి.

వాట్సాప్ ఇకపై మీ చాట్‌లను దాని సర్వర్‌లలో నిల్వ చేయదు.