శ్రీ శోభకృత్ నామ సంవత్సరం 2023-2024 తులా రాశి ఫలితాలు

చిత్త 3, 4 పాదాలు, స్వాతి, విశాఖ 1, 2, 3 పాదాలు ఆదాయం : 14 వ్యయం : 11 రాజ్యపూజ్యం:7 అవమానం : 7

శ్రీ శోభకృత్ నామ సంవత్సరంలో చిన్న చిన్న ఇబ్బందులు తప్ప తులా రాశివారికి యోగకాలమనే చెప్పాలి. ఆర్థిక వృద్ధి ఉంటుంది. గౌరవం పెరుగుతుంది. స్వశక్తితో రాణిస్తారు

గృహ జీవితంలో ఆనందం ఉంటుంది, సౌకర్యాలకు ఎలాంటి లోటు ఉండదు, ఆనందంగా ఉంటారు . పుణ్యనదీస్నానం, తీర్థయాత్రలు చేస్తారు, శక్తికి మించిన కార్యాలు నిర్వహిస్తారు

స్థిరాస్తిని వృద్ధి చేస్తారు, జీవన విధానంలో మార్పులుంటాయి. ఆరోగ్యం బాగానే ఉంటుంది. అవివాహితులకు ఈ ఏడాది పెళ్లిజరుగుతుంది

శ్రీ శోభకృత్ నామసంవత్సరం తులా రాశి ఉద్యోగులకు ప్రథమార్థం అంత అనుకూలంగా ఉండదు. ప్రభుత్వ ఉద్యోగులకు దూరప్రాంత బదిలీలు జరుగుతాయి. లేనిపోని నిందలు మోయాల్సి వస్తుంది.ద్వితీయార్థం మాత్రం యోగకాలమే. అప్పటివరకూ ఉన్న ఇబ్బందులు సమసిపోతాయి

విద్యార్థులకు ఈ సంవత్సరం పర్వాలేదనిపిస్తుంది. జ్ఞాపకశక్తి బాగానే ఉంటుంది. చదువుపై శ్రద్ధ ఉంటుంది కానీ ఇతర వ్యాపకాలపై కూడా శ్రద్ధ ఉంటుంది. పరీక్షల్లో ఉత్తీర్ణులవుతారు కానీ ఆశించిన స్థాయిలో మార్కులు సంపాదించలేరు. ఎంట్రన్స్ పరీక్షల్లో సీట్లు మాత్రం పొందగలరు

తులారాశి వ్యాపారులకు ఈ ఏడాది మిశ్రమఫలితాలున్నాయి. హోల్ సేల్,రీటైల్ వ్యాపారులు లాభాలు పొందుతారు. రియల్ ఎస్టేట్ వ్యాపారులు లాభపడతారు కానీ ఫైనాన్స్ రంగంలో ఉన్నవారికి అంత అనుకూలంగా ఉండదు. నిర్మాణ రంగానికి చెందిన వ్యాపారులు లాభపడతారు

తులా రాశికి చెందిన కళారంగం వారికి మాత్రం అనుకూలంగా ఉంటుంది. మీ కష్టానికి తగిన గుర్తింపు లభిస్తుంది..మంచి అవకాశాలు మీ తలుపు తడతాయి.అవార్డులు, రివార్డులు సాధిస్తారు

తులారాశి రాజకీయనాయకులకు శోభకృత్ నామసంవత్సరం అనుకూలంగా లేదు. పనుల్లో ఆటంకాలు తప్పవు. ప్రజల్లో మీపై ఉన్న విశ్వాసం తగ్గుతుంది. అధిష్టాన వర్గంలోనూ మీపేరు, గుర్తింపు తగ్గుతుంది. నమ్మినవారే దగాచేస్తారు. డబ్బు విపరీతంగా ఖర్చవుతుంది కానీ ఫలితం ఉండదు

శ్రీ శోభకృత్ నామసంవత్సరంలో వ్యవసాయదారులకు మొదటి పంట కన్నా రెండో పంట లాభిస్తుంది. కౌలుదారులు మిశ్రమ ఫలితాలు పొందుతారు. అప్పులు తీర్చలేరు. పండ్లతోటలు నిర్వహించేవారు లాభాలు పొందుతారు. పౌల్ట్రీ రంగంలో ఉన్నవారికి మిశ్రమ ఫలితాలున్నాయి.

తులా రాశికి చెందిన చిత్త నక్షత్రం వారికి కార్యసిద్ధి, స్థాన మార్పులు, ఉద్యోగంలో విజయం ఉంటుంది . స్వాతి నక్షత్రం వారికి ఇంట్లో నిత్యకళ్యాణం పచ్చతోరణంలా ఉంటుంది తులా రాశికి చెందిన విశాఖ నక్షత్రం వారికి అపవాదులు తొలగి అన్నింటా జయం లభిస్తుంది

నోట్: పండితుల సూచనలు, కొన్ని పుస్తకాల ఆధారంగా రాసిన విషయాలివి...వీటిని ఎంతవరకూ విశ్వశించాలి అనేది పూర్తిగా మీ వ్యక్తిగతం Images Credit: Pixabay