వన్‌ప్లస్ 10టీ స్మార్ట్ ఫోన్ మనదేశంలో లాంచ్ అయింది.

ఈ స్మార్ట్ ఫోన్ మూడు వేరియంట్లలో అందుబాటులో ఉంది.

వీటిలో 8 జీబీ ర్యామ్ + 128 జీబీ స్టోరేజ్ మోడల్ ధర రూ.46,999గా నిర్ణయించారు.

12 జీబీ ర్యామ్ + 256 జీబీ స్టోరేజ్ ధర రూ.54,999గానూ, 16 జీబీ ర్యామ్ + 256 జీబీ స్టోరేజ్ వేరియంట్ ధర రూ.59,999గానూ ఉంది.

జేడ్ గ్రీన్, మూన్ స్టోన్ బ్లాక్ రంగుల్లో ఈ ఫోన్ కొనుగోలు చేయవచ్చు.

దీనికి సంబంధించిన సేల్ ఆగస్టు 6వ తేదీ నుంచి ప్రారంభం కానుంది.

ఆండ్రాయిడ్ 12 ఆధారిత ఆక్సిజన్ఓఎస్ 12.1 ఆపరేటింగ్ సిస్టంపై ఈ ఫోన్ పని చేయనుంది.

ఇందులో 6.7 అంగుళాల ఫుల్ హెచ్‌డీ+ ఫ్లూయిడ్ అమోఎల్ఈడీ డిస్‌ప్లేను అందించారు.

ఫోన్ వెనకవైపు 50 మెగాపిక్సెల్ + 8 మెగాపిక్సెల్ + 2 మెగాపిక్సెల్ కెమెరాలు ఉన్నాయి.

దీని బ్యాటరీ సామర్థ్యం 4800 ఎంఏహెచ్‌గా ఉంది. 150W ఫాస్ట్ చార్జింగ్‌ను ఇది సపోర్ట్ చేయనుంది.