జ్యోతిష్య శాస్త్రం ప్రకారం గ్రహాల రాశి మారిన ప్రతిసారీ ఆ ప్రభావం 12 రాశులపైనా పడుతుంది. కొన్ని రాశులవారికి అనుకూల ఫలితాలుంటే మరికొన్ని రాశులవారికి ప్రతికూల ఫలితాలుంటాయి. మరికొన్ని రాశులవారికి మిశ్రమ ఫలితాలుంటాయి
సింహ రాశిలో ఉన్న సూర్యుడు సెప్టెంబరు 17 శనివారం రాత్రి 10 గంటల 29 నిముషాలకు కన్యారాశిలోకి ప్రవేశించనున్నాడు. కన్యారాశిలో సూర్యుడి సంచారం ఈ 4 రాశులవారికి అదృష్టాన్ని తెచ్చిపెట్టనుంది..
మేషం కన్యారాశిలో సూర్యుడి సంచారం మేష రాశివారికి చాలా ప్రత్యేకంగా ఉంటుంది. ఈ సమయంలో శత్రువులపై పైచేయి సాధిస్తారు. ఆర్థిక వ్యవహారాలు కలిసొస్తాయి. కెరీర్ ని ఉపయోగించుకుని కాసులు వెనకేసుకోవాలి అనుకునేవారికి ఇది మంచి సమయం.
వ్యాపారాన్ని విస్తరించేందుకు ధైర్యంగా ముందడుగు వేయొచ్చు. కుటుంబ జీవితం సంతోషంగా ఉంటుంది. మీ ఆరోగ్యం కూడా మెరుగుపడుతుంది.
మిథునం కన్యారాశిలో సూర్యుడి సంచారం మిథున రాశివారికి కూడా శుభప్రదంగా ఉంది. ఈ సమయంలో మీ కుటుంబ సమస్యలను పరిష్కరించుకుంటారు. మీ ఇంట్లో మీరు పరస్ఫర సంబంధాల్లో అవగాహన పెరుగుతుంది.
ఉద్యోగం కోసం ప్రయత్నిస్తుంటే ఈ సమయంలో శుభవార్త వింటారు. విద్యార్థులకు అనుకూల సమయం. స్థిరాస్తులు కొనుగోలు చేయాలి అనుకుంటే మాత్రం జాగ్రత్తగా ఉండాలి. ఆరోగ్యం బావుంటుంది.
సింహం మీ రాశికి అధిపతి సూర్యుడు. ఫలితంగా కన్యారాశిలో సూర్యుడి సంచారం మీకు శుభఫలితాలనిస్తాడు. ఆర్థిక విషయాల్లో విజయం సాధిస్తారు. వ్యాపారానికి సంబంధించి శుభవార్త వింటారు. వివాదాలకు దూరంగా ఉండాలి. పెట్టుబడులకు అనుకూలమైన సమయం.
వృశ్చికం సూర్య సంచారం వృశ్చికరాశివారికి ఆదాయంతో పాటు.. ఆరోగ్యం విషయంలో కూడా మంచి జరుగుతుంది. ఉద్యోగులు కార్యాలయంలో మంచి ప్రయోజనాలు పొందుతారు. పోటీ పరీక్షల్లో విద్యార్థులు విజయం సాధిస్తారు.
వ్యాపారులు నూతన ఒప్పందాలు కుదుర్చుకుంటారు. భవిష్యత్తు మీకు సానుకూలంగా ఉంటుంది. ఉన్నతాధికారుల నుంచి ప్రశంసలు అందుకుంటారు. ఆస్తిలో పెట్టుబడి పెట్టాలనుకుంటే లాభపడతారు.
ధనస్సు కన్యా రాశిలో సూర్యుడి సంచారం ధనస్సు రాశివారికి అన్ని రంగాల్లో సక్సెస్ ని ఇస్తుంది. ఉద్యోగం, వ్యాపారంలో ఉత్తమ ఫలితాలు అందుకుంటారు. ఖర్చులు నియంత్రణలో ఉంచుకోవాలి. ఆరోగ్యం మెరుగుపడుతుంది.
నోట్: ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు