మేష రాశి ఈ రాశి నుంచి రెండో స్థానంలో బుధుడి సంచరిస్తున్నాడు. ఇది మీకు అనుకూల ఫలితాలనే ఇస్తుంది. మీ ప్రసంగ నైపుణ్యాల బలంతో, మీరు క్లిష్ట పరిస్థితులను సులభంగా నియంత్రించగలుగుతారు. ఆర్థిక, సామాజిక బలం ఉంటుంది. ఆరోగ్యం జాగ్రత్త
వృషభ రాశి ఈ రాశిలో బుధుడి సంచారం జరుగుతోంది అందుకే శుభఫలితాలను పొందుతారు. సామాజిక హోదా ప్రతిష్ట పెరుగుతుంది. మీరు నిర్ణయం తీసుకోవాలనుకుంటే అందులో కూడా పరిస్థితులు మీకు అనుకూలంగా ఉంటాయి. వివాహితుల జీవితం బావుంటుంది
మిథున రాశి బుధుడు మీ రాశినుంచి పన్నెండో స్థానంలో సంచరించడం వలన మీకు ఒడిదుడుకులు తప్పవు. ఖర్చులు పెరుగుతాయి. విదేశాలకు వెళ్లాలి అనుకునే విద్యార్థులకు మంచి సమయం. గ్రహ పరిస్థితులు కూడా అనుకూలంగా ఉంటాయి.
కర్కాటక రాశి మీ రాశినుంచి పదకొండవ స్థానంలో బుధుడు సంచరించడం వల్ల కార్యక్షేత్రం విస్తరిస్తుంది. ఏదైనా పెద్ద పనిని ప్రారంభించాలనుకున్నా లేదా కొత్త ఒప్పందంపై సంతకం చేయాలనుకున్నా గ్రహ సంచార ప్రభావం అనుకూలంగా ఉంటుంది.
సింహ రాశి వృషభ రాశిలో బుధుడి సంచారం ఈ రాశి వ్యాపారులకు లాభాన్నిస్తుంది. భూమి ఆస్తికి సంబంధించిన విషయాల్లో అడుగు ముందుకు పడుతుంది. ఇల్లు లేదా వాహనం కొనుగోలు చేయాలి అనుకుంటే ఇదే మంచి సమయం. ఎదురుచూసిన పనులు పూర్తవుతాయి.
కన్యా రాశి ఈ రాశి నుంచి తొమ్మిదో స్థానంలో బుదుడి సంచారం మీకు అదృష్టాన్నిస్తుంది. అన్ని విధాలుగా అడుగు ముందుకు పడుతుంది. ఆధ్యాత్మిక విషయాలపై ఆసక్తి పెరుగుతుంది. ధానధర్మాలు చేస్తారు. క్లిష్ట పరిస్థితులను కూడా నియంత్రించగలుగుతారు.
తులా రాశి ఎనిమిదో స్థానంలో బుధుడి సంచారం మీకు ప్రతికూల ఫలితాలనిస్తుంది. ఉద్యోగులు కార్యాలయంలో కొన్ని ఇబ్బందులు ఎదుర్కోక తప్పదు. ఆరోగ్యం కూడా ప్రభావితమవుతుంది. తలపెట్టిన ప్రతి పనిని జాగ్రత్తగా చేయాలి.మీ ప్రణాళికలను రహస్యంగా ఉంచండి.
వృశ్చిక రాశి ఈ రాశి నుంచి ఏడో స్థానంలో బుధుడి సంచారం మీకు మిశ్రమ ఫలితాలనిస్తుంది. వైవాహిక జీవితం బావుంటుంది. అవివాహితులకు పెళ్లి సంబంధాలు కుదురుతాయి. ప్రేమ వివాహం చేసుకునే అవకాశం ఉంది. తలపెట్టిన పనికి అడ్డంకులున్నా పూర్తవుతుంది.
ధనుస్సు రాశి ఈ రాశినుంచి ఆరో స్థానంలో బుధుడి సంచారం మీకు అంత మంచి ఫలితాలనివ్వదు. రహస్య శత్రువుల పట్ల జాగ్రత్త వహించండి . కోర్టుకి సంబంధించిన విషయాలను బయట పరిష్కరించుకోవాలి.
మకర రాశి వృషభంలో బుధుడి సంచారం మకర రాశి నుంచి ఐదో స్థానంలో ఉంటుంది. విద్యార్థులకు ఇది శుభసమయం. పోటీ పరీక్షలు రాసేవారు విజయం సాధిస్తారు. ఆదాయం పెరుగుతుంది. ఏదైనా కొత్త పనిని ప్రారంభించాలి అనుకుంటే మంచిది.
కుంభ రాశి నాలుగో స్థానంలో బుధుడి సంచారం మీకు మంచి జరుగుతుంది. పూర్వీకుల ఆస్తులు కలిసొస్తాయి. వాహనాన్ని కొనుగోలు చేయాలనే ఆలోచన అడుగు ముందుకు పడుతుంది. స్నేహితులు, బంధువుల నుంచి శుభవార్తలు అందుకోవడానికి అవకాశాలు ఉన్నాయి.
మీన రాశి మూడో స్థానంలో బుధుడి సంచారం మీన రాశివారికి మంచి చేస్తుంది. మీ మాటలో నైపుణ్యం ఉంటుంది. పరిస్థితులను సులభంగా నియంత్రించగలుగుతారు. ఆధ్యాత్మిక విషయాలపట్ల ఆసక్తి పెరుగుతుంది.
గమనిక: వివిధ శాస్త్రాలు, గ్రంథాలు, పండితులు పేర్కొన్న కొన్ని అంశాలను ఇక్కడ యథావిధిగా అందించాం.ఆయా రాశుల్లో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి.