ఇంట్లోనే ఆర్గానిక్​గా అల్లం, పసుపు పెంచేయండిలా.. ఈజీ టిప్స్

ఈ రోజుల్లో ఇంట్లో సేంద్రీయ వ్యవసాయం చేసే ధోరణి వేగంగా పెరుగుతోంది.

అయితే ఇంట్లోనే అల్లం, పసుపు వంటి మసాలా దినుసులను కూడా ఈజీగా పెంచుకోవచ్చు.

కుండీలలో అల్లం, పసుపు పెంచే సులభమైన పద్ధతి ఏంటో చూసేద్దాం.

అల్లం, పసుపు పెంచడానికి వెడల్పాటి, లోతైన కుండలను ఎంచుకోండి. కుండల లోతు 12 నుంచి 15 అంగుళాలు ఉండేది ఎంచుకుంటే మంచిది.

మట్టికి మంచి నీటి పారుదల ఉండాలి. ఇందుకోసం తోట మట్టి, ఇసుక, పశువుల ఎరువు కలిపి ఉపయోగించాలి.

అల్లం, పసుపు మొక్కలను వాటి మొలకల నుంచి పండిస్తారు. కాబట్టి తాజా, కుళ్ళిపోని ముక్కలను ఎంచుకోండి.

కుండీలో 2-3 అంగుళాల లోతులో అల్లం లేదా పసుపు మొలకెత్తిన భాగాన్ని పైకి ఉంచండి. ఆ తర్వాత తేలికపాటి మట్టితో కప్పండి. నీరు పోయండి.

అల్లం, పసుపునకు ఎక్కువ నీరు అవసరం లేదు. కానీ మట్టి ఎల్లప్పుడూ కొద్దిగా తేమగా ఉండాలి.

అల్లం, పసుపు సుమారు 8 నుంచి 10 నెలల్లో తయారవుతుంది.