గుజరాత్ టైటాన్స్‌తో జరుగుతున్న మ్యాచ్‌లో కోల్‌కతా అద్భుత విజయం సాధించింది.

మొదట బ్యాటింగ్ చేసిన గుజరాత్ 20 ఓవర్లలో నాలుగు వికెట్ల నష్టానికి 204 పరుగులు చేసింది.

అనంతరం కోల్‌కతా నైట్‌రైడర్స్ ఆఖరి బంతికి లక్ష్యాన్ని ఛేదించింది.

చివరి ఐదు బంతుల్లో 28 పరుగులు చేయాల్సిన దశలో కోల్‌కతా గెలవడం కష్టమే అనుకున్నారంతా.

కానీ కోల్‌కతా బ్యాటర్ రింకూ సింగ్ ఐదు బంతుల్లో ఐదు సిక్సర్లు కొట్టి గెలిపించాడు.

గుజరాత్ తరఫున విజయ్ శంకర్ (63 నాటౌట్: 24 బంతుల్లో) టాప్ స్కోరర్‌గా నిలిచాడు.

సాయి సుదర్శన్ (53: 38 బంతుల్లో, మూడు ఫోర్లు, రెండు సిక్సర్లు) అర్థ సెంచరీ కొట్టేశాడు.

కోల్‌కతా తరఫున రింకూ సింగ్ (48 నాటౌట్: 21 బంతుల్లో) మ్యాచ్ విన్నింగ్స్ ఇన్నింగ్స్ ఆడాడు.

వెంకటేష్ అయ్యర్ (83: 40 బంతుల్లో) టాప్ స్కోరర్‌గా నిలిచాడు.

రింకూ సింగ్‌కు మ్యాన్ ఆఫ్ ది మ్యాచ్ అవార్డు లభించింది.