ఐపీఎల్‌ 12వ మ్యాచ్‌లో ముంబై ఇండియన్స్‌ను చెన్నై సూపర్ కింగ్స్ చిత్తు చేసింది.

మొదట బ్యాటింగ్ చేసిన ముంబై 20 ఓవర్లలో ఎనిమిది వికెట్ల నష్టానికి 157 పరుగులు చేసింది.

అనంతరం చెన్నై 18.1 ఓవర్లలోనే మూడు వికెట్లు కోల్పోయి ఆ లక్ష్యాన్ని ఛేదించింది.

చెన్నై తరఫున రహానే (61: 27 బంతుల్లో) మెరుపు ఇన్నింగ్స్‌తో టాప్ స్కోరర్‌గా నిలిచాడు.

ముంబై బ్యాటర్లలో ఇషాన్ కిషన్ (32: 21 బంతుల్లో) అత్యధిక పరుగులు చేసిన ఆటగాడు.

అజింక్య రహానే 19 బంతుల్లోనే అర్థ శతకం సాధించడం విశేషం.

ఈ ఐపీఎల్ సీజన్‌లో ఇదే ఫాస్టెస్ట్ ఫిఫ్టీ.

అజింక్య రహానేకు ఐపీఎల్‌లో ఇది 29వ అర్థ శతకం.

వాంఖడే స్టేడియంలోనే ముంబైని చెన్నై చిత్తు చేయడం విశేషం.

మూడు వికెట్లు తీసిన రవీంద్ర జడేజాకు ప్లేయర్ ఆఫ్ ది మ్యాచ్ అవార్డు లభించింది.