నటి సమంత వివాహ జీవితం ఎప్పుడూ చర్చల్లో ఉంటూ వచ్చింది. ఇప్పుడు తన జీవితంలో కొత్త ప్రయాణం ప్రారంభించింది.

సమంత ది ఫ్యామిలీ మ్యాన్ దర్శకుడు రాజ్ నిడిమోరును డిసెంబర్‌ 1న వివాహం చేసుకుంది.

తమ వివాహాన్ని సమంత అధికారికంగా ధృవీకరించింది. తన సోషల్ మీడియాలో పెళ్లి ఫోటోలను షేర్ చేసింది.

సమంతా, రాజ్ సోమవారం ఉదయం వివాహ బంధంలోకి ప్రవేశించారు. వివాహం ఈషా యోగా కేంద్రంలోని లింగ భైరవి ఆలయంలో జరిగింది. వివాహంలో ముప్పై మంది అతిథులు పాల్గొన్నారు. సమంతా ఎరుపు రంగు చీర కట్టుకున్నారు.

ఆదివారం రాత్రి నుంచి వారి వివాహం గురించి చర్చ జరుగుతోంది. రాజ్ ,సమంత ఇద్దరికీ ఇది రెండో వివాహం. రాజ్ మాజీ భార్య శ్యామలీ డే కూడా Instagramలో ఓ స్టోరీని పోస్ట్ చేసింది.

నిరాశతో ఉన్న వ్యక్తులు నిరాశాజనకమైన పనులు చేస్తారు అని పోస్టు చేసిన తర్వాత సమంత, రాజ్‌ వివాహం గురించి పుకార్లు మరింత ఊపందుకున్నాయి. రాజ్‌ నుంచి శ్యామలి 2022లో విడాకులు తీసుకున్నారు.

సమంత మొదటి వివాహం నాగ చైతన్యతో జరిగింది. వాళ్లిద్దరు 2021లో విడాకులు తీసుకున్నారు. ఆ తర్వాత ఇద్దరూ తమ జీవితాల్లో ముందుకు సాగారు.

నాగా చైతన్య కూడా నటి శోభితా ధూళిపాళను రెండో వివాహం చేసుకున్నాడు. వారి వివాహం కూడా వేడుకలా జరిగింది.

నాగా చైతన్య నుంచి విడిపోయిన తరువాత సమంత, రాజ్ వెబ్ సిరీస్ ది ఫ్యామిలీ మ్యాన్ 2 లో కలిసి పనిచేశారు

వారి సాన్నిహిత్యం పెరిగింది. ప్రేమగా మారింది. పెళ్లి చేసుకునే సమయానికి రాజ్ నిడిమోరుకు 50ఏళ్లు, సమంతకు 38ఏళ్లు.