రూ.100 కోట్ల క్లబ్‌లో ‘లక్కీ భాస్కర్’ - కొనసాగుతున్న దుల్కర్ బాక్సాఫీస్ రైడ్!

దుల్కర్ సల్మాన్ నటించిన ‘లక్కీ భాస్కర్’ దీపావళి సందర్భంగా అక్టోబర్ 31వ తేదీన విడుదల అయింది.

ఈ సినిమాకు విమర్శకుల నుంచి, ఆడియన్స్ నుంచి యునానిమస్‌గా మంచి రెస్పాన్స్ వచ్చింది.

మంచి టాక్ తెచ్చుకున్న ఈ సినిమా కాంపిటీషన్‌లో కూడా మంచి వసూళ్లు సాధించింది.

ఈ సినిమా రూ.100 కోట్ల క్లబ్‌లో చేరిందని నిర్మాతలు అధికారికంగా ప్రకటించారు.

బాక్సాఫీస్ వద్ద రెండు వారాల్లో రూ.100.9 కోట్లు కలెక్ట్ చేసినట్లు పోస్టర్ విడుదల చేశారు.

దీంతో దుల్కర్ సల్మాన్ తెలుగులో హ్యాట్రిక్ కొట్టినట్లు అయింది.

ఇంతకు ముందు వచ్చిన ‘సీతారామం’, ‘మహానటి’ సినిమాలు కూడా బ్లాక్‌బస్టర్లుగా నిలిచాయి.

హ్యాట్రిక్ హిట్లతో దుల్కర్ తెలుగులో మోస్ట్ వాంటెడ్ హీరో అయిపోయారు.

ప్రస్తుతం ఆయన చేతిలో ‘ఆకాశంలో ఒక తార’, ‘కాంతా’ అనే తెలుగు సినిమాలు ఉన్నాయి.

ఇవి రెండూ స్ట్రయిట్ తెలుగు సినిమాలే కావడం విశేషం.