హెచ్ఎండీ గ్లోబల్ వినూత్నమైన ఫీచర్ ఫోన్‌ను లాంచ్ చేసింది. అదే నోకియా 5710 ఎక్స్‌ప్రెస్ ఆడియో.

ఈ స్మార్ట్ ఫోన్‌లో నోకియా ట్రూవైర్‌లెస్ ఇయర్‌బడ్స్‌ను ఇన్‌బిల్ట్‌గా అందించనుంది.

ఫీచర్ ఫోన్‌ను నోకియా ఇంత అద్భుతంగా డిజైన్ చేయడం విశేషం.

ఈ ఫోన్ ధరను 64.99 యూరోలుగా (సుమారు రూ.5,190) నిర్ణయించారు.

ఇది మనదేశంలో లాంచ్ కానుందో, లేదో తెలియరాలేదు.

నోకియా 5710 ఎక్స్‌ప్రెస్ ఆడియో స్మార్ట్ ఫోన్‌లో 2.4 అంగుళాల క్యూవీజీఏ డిస్‌ప్లేను అందించారు.

యూనిసోక్ టీ107 ప్రాసెసర్‌పై ఈ ఫోన్ పనిచేయనుంది.

128 ఎంబీ స్టోరేజ్ స్పేస్ ఇందులో ఉంది. స్టోరేజ్‌ను మైక్రో ఎస్‌డీ కార్డు ద్వారా 32 జీబీ వరకు పెంచుకోవచ్చు.

దీని బ్యాటరీ సామర్థ్యం 1450 ఎంఏహెచ్‌గా ఉంది. వీజీఏ కెమెరా కూడా ఈ ఫోన్‌లో ఉంది.

ఫోన్ వెనకవైపు టీడబ్ల్యూఎస్ ఇయర్ బడ్స్‌ను హైడ్ చేసుకోవచ్చు. ఈ డిజైన్ ఈ మొబైల్‌కు పెద్ద ప్లస్ పాయింట్.