Watch: వైఎస్ షర్మిలకు మట్టి అంటకుండా భలే ఐడియా

షర్మిల మహబూబ్‌నగర్‌లోని పాలమూరు యూనివర్సిటీ ఎదుట ఒకరోజు నిరుద్యోగ నిరాహార దీక్ష చేపట్టారు. ఆ సందర్భంగా నగరంలోని తన తండ్రి వైఎస్ రాజశేఖర్ రెడ్డి విగ్రహానికి పూల మాల వేసి నివాళులు అర్పించారు. అయితే, ఆ సమయంలో అప్పటికే కురిసిన వర్షాల కారణంగా రోడ్డంతా బురదగా ఉంది. వైఎస్ఆర్ తెలంగాణ పార్టీ కార్యకర్తలు షర్మిల రాకకు ముందే వైఎస్ఆర్ విగ్రహానికి పూల మాలలు వేసేందుకు ఏర్పాట్లు చేశారు. అయితే, ఆ విగ్రహం ముందు రోడ్డుపై ఉన్న ప్రాంతమంతా బురదగా ఉంది. ఆ విషయం గమనించిన కార్యకర్తలు షర్మిలకు మట్టి అంటుకోకుండా ఉండేందుకు పక్కనే మొక్కల కొమ్మలను కత్తిరించి బురదపై వేసేశారు. ఆ తర్వాత షర్మిల.. బురదపై వేసిన ఆ కొమ్మలపై నుంచి నడుచుకుంటూ వెళ్లి తన తండ్రి విగ్రహానికి పూల మాల వేసి నివాళి అర్పించారు.